കൊറോണക്കിടയില് ആ നീക്കം ? ജര്മ്മനി തങ്ങളുടെ രണ്ട് ആണവനിലയങ്ങള് തകര്ത്തു
ജര്മ്മനി തങ്ങളുടെ രണ്ട് ആണവനിലയങ്ങള് തകര്ത്തു. നിയന്ത്രിത സ്ഫോടനത്തിലൂടെയാണ് ജര്മനിയുടെ തെക്കുപടിഞ്ഞാറന് കാള്സ്റൂഹിനടുത്തുള്ള ഫിലിപ്സ്ബര്ഗ് പ്ലാന്റിലെ രണ്ട് ആണവ കൂളിങ് ടവറുകള് ജര്മ്മനി പൊളിച്ചു കളഞ്ഞത്. കൊറോണ വൈറസ് മഹാമാരി സമയത്ത് വലിയ ജനക്കൂട്ടം തടിച്ചുകൂടാതിരിക്കാന് പ്രത്യേക ക്രമീകരണങ്ങളോടെയാണ് കഴിഞ്ഞ വ്യാഴാഴ്ച രാവിലെ സ്ഫോടനം നടത്തിയത്.
2022 ഓടെ ന്യൂക്ലിയര് പവര്പ്ലാന്റുകള് ഉപേക്ഷിക്കാനുള്ള ജര്മ്മനിയുടെ ഊര്ജ്ജനയത്തിന്റെ ഭാഗമായാണ് പുതിയ തീരുമാനം. നിയന്ത്രിത വ്യാഴാഴ്ച രാവിലെ 6 മണിയോടെയാണ് പൊളിക്കല് നടന്നത്. സൈറ്റിന്റെ ഓപ്പറേറ്റര് എന്ബിഡബ്ല്യു പൊളിച്ചുമാറ്റുന്ന ദൃശ്യങ്ങള് ഒന്നിലധികം ക്യാമറകള് ഉപയോഗിച്ച് പകര്ത്തിയിരുന്നു. ആണവോര്ജ്ജം ഉപേക്ഷിക്കാനുള്ള ജര്മനിയുടെ പദ്ധതിയുടെ ഭാഗമായി 2011 ലും 2019 ലും പ്ലാന്റിന്റെ രണ്ട് റിയാക്ടറുകള് അടച്ചു. ജര്മനിയുടെ അവസാനത്തെ ആണവ റിയാക്ടര് 2022 അവസാനത്തോടെ സ്വിച്ച് ഓഫ് ചെയ്യും.
രണ്ട് ടവറുകള് ഒരിക്കല് നിലനിന്നിരുന്ന സൈറ്റില് ഒരു പുനരുപയോഗ ഊര്ജ്ജ ട്രാന്സ്ഫോര്മര് സ്റ്റേഷന് നിര്മിക്കും. 2010 ല് ജര്മനിയിലെ ഊര്ജ്ജമേഖലയില് 22.4 ശതമാനമായിരുന്നു ആണവ വൈദ്യുതനിലയങ്ങളുടെ സംഭാവന. എന്നാല്, 2017 ല് ഇത് 11.63 ശതമാനമായി.
ഒരു ഹുക്കുഷിമ നമ്മുടെ മുന്നിലുണ്ട്, ഉദാഹരണമായി. ജപ്പാനില് മാത്രം 54 എണ്ണം പൂട്ടി. ലോകരാജ്യങ്ങള് ആണവനിലയങ്ങള് അടച്ചുപൂട്ടുന്നു. പകരം സംവിധാനങ്ങള് കണ്ടെത്തുന്നു. ജര്മ്മനി പൂര്ണ്ണമായും ആണവ നിലയങ്ങള് അടച്ചുപൂട്ടാന് തീരുമാനിച്ചു.അമേരിക്കയില് 78ന് ശേഷം ആണവ നിലയങ്ങള് വന്നിട്ടില്ല. ഒരു വികസിത രാജ്യവും ആണവനിലയങ്ങള് നിര്മ്മിക്കാന് തയ്യാറാകുന്നില്ല. പക്ഷേ ഇന്ത്യാ ഗവണ്മെന്റ് ഇതൊന്നും കാണുന്നില്ല.
ഈ കാലഘട്ടത്തില് ആണവ നിലയങ്ങളുടെ ആവശ്യമില്ല എന്നതാണ് യാത്ഥാര്ത്ഥ്യം. സൗരോര്ജമുള്പ്പെടെ നിര്മ്മാണ ചിലവ് ഏറ്റവും കുറഞ്ഞ മാര്ഗങ്ങള് മുന്നിലുള്ളപ്പോള് വളരെ അപകടം നിറഞ്ഞ വഴികളിലേക്കാണ് ഭരണകൂടം നീങ്ങിക്കൊണ്ടിരിക്കുന്നത്. ഇത്രയും ആണവനിലയങ്ങള്ക്ക് ഒറ്റയടിക്ക് അനുമതി നല്കേണ്ട ആവശ്യവുമില്ല. ശക്തമായ പ്രതിഷേധം അതിനെതിരെ ഉണ്ടാകേണ്ടതുണ്ട്. സാധരണനിലയില് മലിനീകരണം കുറഞ്ഞ പദ്ധതികളാണ് ആണവനിലയങ്ങള് എന്ന് തെറ്റിദ്ധാരണ പരത്തുകായണ്. പത്തുകൊല്ലം കൊണ്ട് മൊത്തം ലോകത്തിനാവശ്യമുള്ളതിന്റെ അമ്പത് ശതമാനം എനര്ജിയും സോളാറില് നിന്ന് ലഭിക്കുമെന്ന ബോധ്യം വന്നുകഴിഞ്ഞു. ഏറ്റവും ചിലവ് കുറഞ്ഞും പരിസ്ഥിതിക്ക് ദോഷം വരാത്തതും മലിനീകരണമില്ലാത്തതുമായ സംവിധാനം ഉണ്ടായിട്ടും ഭരണകൂടത്തിന്റെ ചിന്ത എങ്ങനെ മനുഷ്യനേയും പരിസ്ഥിതിയേയും ദുരിതത്തിലാക്കാം എന്നുള്ളതാണ്. ഒഴിവാക്കാന് കഴിയാത്തതാണെങ്കില് സമ്മതിച്ചുകൊടുക്കാം.പക്ഷേ, തീര്ച്ചയായും പകരം സംവിധാനമുള്ളപ്പോള് ഇത്രയും അപകടം നിറഞ്ഞ കാര്യങ്ങളെക്കുറിച്ച് ചിന്തിക്കുന്നത് എന്തിന്? പ്രത്യേകിച്ച ഇന്ത്യ സൗരോര്ജത്തിന്റെ കാര്യത്തില് സ്വയം പര്യാപ്തത നേടിയിരിക്കുന്ന ഈ സമയത്ത്. ആണവ വ്യവസായത്തില് പണം മുടക്കിയ നിരവധിപേരുണ്ട്,അവരെ സഹായിക്കാന് വേണ്ടിമാത്രമാണ് ഇപ്പോള് പദ്ധതി നടപ്പാക്കാന് പോക്കുന്നത്. അല്ലാതെ രാജ്യതാത്പര്യത്തിന് വേണ്ടിയോ രാജ്യ നന്മയ്ക്ക് വേണ്ടിയോ അല്ല എന്ന കാര്യം നൂറ് ശതമാനം ഉറപ്പാണ്.
https://www.facebook.com/Malayalivartha