ഇന്ത്യയുടെ ദീര്ഘവീക്ഷണം സത്യമായി ? വേള്ഡ് ട്രേഡ് സെന്റര് ആക്രമണത്തിന് സമാനമായ ഭീകരാക്രമണങ്ങള്ക്ക് പാക് ഭീകര സംഘടനയായ പദ്ധതിയിടുന്നതായി അഫ്ഗാന് മുന് ചാര സംഘടനാ മേധാവി
ലോകത്താകമാനം ഭീകര പ്രവര്ത്തനങ്ങള് മൊത്തമായും ചില്ലറയായും കൊടുക്കുന്ന രാജ്യമാണ് പാകിസ്ഥാന് എന്ന് പറഞ്ഞാല് പോലും അത് നിഷേധിക്കാന് കഴിയില്ല എന്ന തരത്തിലാണ് ഇപ്പോള് നിര്ണായകമായ ഒരു വെളിപ്പെടുത്തല് വന്നിരിക്കുന്നത്.അതിനാല് തന്നെ പാക്കിസ്ഥാന് പ്രധാനമന്ത്രി ഇമ്രാന് ഖാന് ഒന്നും ചെയ്യാന് കഴിയാതെ മൗനം തുടരുകയാണ് .അന്താരാഷ്ട്ര വേദികളില് കാശ്മീര് വിഷയം
ഉയര്ത്തിപ്പിടിച്ച് ഇന്ത്യയെ കരിവാരിത്തേക്കാന് ശ്രമിച്ച ഇമ്രാന് സ്വയം അപഹാസ്യനാകുന്ന കാഴ്ചയാണ് കണ്ടത് .മാത്രമല്ല ഭീകരപ്രവത്തനങ്ങള് തടയാന് കഴിഞ്ഞ ഒരു കൊല്ലത്തോളമായി പാക്കിസ്ഥാന് എന്ത് ചെയ്തു എന്ന എഫ് എ ടി എഫിന്റെ ചോദ്യങ്ങള്ക്കു മുന്നി ഉത്തരം മുട്ടി ഇന്ത്യയെ നോക്കി കൊഞ്ഞനം കുത്തി കാണിക്കുന്ന പതിവ് ശൈലി ഇപ്പോഴും ഇമ്രാന് വിട്ടു പിടിച്ചില്ല .അതിനെല്ലാം മറുപടി എന്നോണം തന്നെ അവനവന് കുഴിച്ച കുഴിയില് കരകയറാന് കഴിയാതെ പാക് ഭരണകൂടം നിലതെറ്റി വീണായിരിക്കുകയാണ്
എന്ന് തന്നെയാണ് ഇപ്പോള് അഫ്ഘാന് മുന് ചാര സംഘടനാ മേധാവിയുടെ വെളിപ്പെടുത്തലിലൂടെ വ്യക്തമാകുന്നത്
2001 ലെ വേള്ഡ് ട്രേഡ് സെന്റര് ആക്രമണത്തിന് സമാനമായ ഭീകരാക്രമണങ്ങള്ക്ക് പാക് ഭീകര സംഘടനയായ പദ്ധതിയിടുന്നതായി അഫ്ഗാന് മുന് ചാര സംഘടനാ മേധാവി റഹ്മത്തുള്ള നബില് വ്യക്തമാക്കിയിരിക്കുകയാണ് . പാശ്ചാത്യ രാജ്യങ്ങളില് 9/11 ന് സമാനമായ രീതിയിലുള്ള ആക്രമണങ്ങള് അല് ഖ്വയ്ദ ആസൂത്രണം ചെയ്യുന്നുണ്ടെന്ന് അഫ്ഗാനിസ്ഥാന്റെ നാഷണല് ഡയറക്ടറേറ്റ് ഓഫ് സെക്യൂരിറ്റി (എന്ഡിഎസ്) മുന് ഡയറക്ടര് റഹ്മത്തുല്ല നബില് വ്യക്തമാക്കി. ഭീകര സംഘടനയായ ഹഖ്വാനി നെറ്റവര്ക്ക് ഇവര്ക്ക് പിന്തുണ നല്കുന്നുണ്ടെന്നും അദ്ദേഹം അറിയിച്ചു. ട്വിറ്ററിലൂടെയാണ് അദ്ദേഹം ഞെട്ടിക്കുന്ന വെളിപ്പെടുത്തല് നടത്തിയത്.ഇതോടു കൂടി പാക്കിസ്ഥാന് കൂടുതല് പ്രതിരോധത്തിലായിരിക്കുകയാണ്
മാത്രമല്ല പാക് ഭീകരപ്രവര്ത്തനങ്ങളെ നഖശികാന്തം വിമര്ശിച്ച ഇന്ത്യയുടെ നിലപാടുകള് ശരി വയ്ക്കുന്ന തരത്തിലേക്കാണ് ഈ വെളിപ്പെടുത്തലുകള് കൊണ്ടെത്തിക്കുന്നത് .അധികം വൈകാതെ 9/11 ന് സമാനമായ ഭീകരാക്രമണത്തിന് ലോകം സാക്ഷിയാകുമെന്നാണ് നബില് പറഞ്ഞത് .ഇത് അതീവ ഗൗരവമേറിയ കാര്യം തന്നെയാണ് . അല് ഖ്വയ്ദ നേതാക്കളായ അല് സവാഹിരി, അബുമുഹമ്മദ് അലി, സെയ്ഫ് ഉള് ആദില് എന്നിവര് ഭീകരാക്രമണങ്ങള്ക്ക് പദ്ധതിയിട്ടുകൊണ്ടിരിക്കുകയാണ് എന്നും അദ്ദേഹം വ്യക്തമാക്കുകയുണ്ടായി . ഇവര്ക്ക് താലിബാന്റെ സഹ സംഘടനയായ ഹഖ്വാനി നെറ്റ്വവര്ക്കാണ് പിന്തുണ നല്കുന്നത്. സിറാജ്ജുദ്ദീന് ഹഖ്വാനിയുടെ മകന് മൗലവി ജലാലുദ്ദീന് ആണ് ഹഖ്വാനി നെറ്റ്വര്ക്കിന്റെ ഇപ്പോഴത്തെ തലവനെന്നും അദ്ദേഹം ട്വിറ്ററില് കുറിച്ചു.ഒസാമ ബിന് ലാദനെ ജലാലുദ്ദീന് ഹഖ്വാനി നെറ്റ്വര്ക്കിലേക്ക് റിക്രൂട്ട് ചെയ്തിരുന്നു.
എന്നാല് പീന്നീട് ഇതില് നിന്നും വിട്ട് ബിന്ലാദന് അല് ഖ്വയ്ദ രൂപീകരിക്കുകയായിരുന്നു. ഈ ബന്ധം ഇരു സംഘടനകള് തമ്മിലുള്ള ബന്ധം ഒന്നു കൂടി ഉറപ്പിക്കുന്നു. അല് ഖ്വയ്ദയുടെ സഹ സംഘടനകളായ ഇടിപിഐ, എക്യൂഐഎസ്, എക്യൂസി എന്നിവയും ഭീകരാക്രമണങ്ങളുടെ ആസൂത്രണത്തില് പങ്കാളികളാണെന്നും അദ്ദേഹം വ്യക്തമാക്കി..ലോകത്തെ മുഴുവന് ഞെട്ടിച്ച സംഭവമായിരുന്നു വേള്ഡ് ട്രേഡ് സെന്റര് തകര്ത്ത അല് ക്വയ്ദയുടെ നടപടി .അങ്ങേയറ്റം പൈശാചികവും കിരാതവുമായ ആ കൂട്ടക്കുരുതിയില് നിരപരാധികളായ ആയിരങ്ങള് വെന്തൊടുങ്ങിയിരുന്നു .ഇതിനു കാരണക്കാരനായ ഒസാമ ബിങ് ലാദനെ പിന്നീട് ഒബാമയുടെ ഭരണകാലത്തു അമേരിക്കന് സൈന്യം വധിക്കുകയൂം ചെയ്തിരുന്നു
"
https://www.facebook.com/Malayalivartha
