ചൈനയുടെ പുതിയ അടവ് കണ്ട് പലരും ഞെട്ടിയിരിക്കുകയാണ് .ജിങ് പിംഗ് എന്ന സാക്ഷാല്‍ ചൈനയുടെ തലതൊട്ടപ്പന്‍ ഇങ്ങനെ സാഷ്ടാംഗം തലതാഴ്ത്തി ഏതന്വേഷത്തോടും സഹകരിക്കാമെന്ന് പറയുമെന്ന് ആരും വിചാരിച്ചിരുന്നില്ല .എന്തിനധികം പറയുന്നു അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് വരെ ഞെട്ടിയിരിക്കുകയാണ് .ഈ ചുവടുമാറ്റം എന്തിനുള്ള പുറപ്പാടാണ് ,കുറഞ്ഞപക്ഷം ശക്തമായൊരു വിയോജിപ്പെങ്കിലും അവരുടെ ഭാഗത്തു നിന്നും ഉണ്ടാകുമെന്നായിരുന്നു അമേരിക്ക അടക്കമുള്ള വികസിത രാജ്യങ്ങള്‍ പറയുന്നത് .

അമേരിക്കയുടെ മുതലാളിത്വ നയങ്ങളെ നിശിതമായി വിമര്‍ശിക്കുകയും ചൈനയുടെ ഇടതുപക്ഷ കരുത്തിനെ വാനോളം പുകഴ്ത്തുകയും ചെയ്യുന്ന തത്വചിന്തകരും രാഷ്ട്രീയനിരീക്ഷകരും തലപുകഞ്ഞു ആലോചിച്ചിട്ടും ഒരു എത്തും പിടിയും കിട്ടുന്നില്ല .എത്ര പെട്ടന്നാണ് ചൈന അവരുടെ മേല്‍ വന്നു വീണ സംശയത്തിന്റെ നിഴല്‍ അടര്‍ത്തിമാറ്റിയത് .അവര്‍ ഏതു വിധ അന്വേഷണത്തെയും സ്വാഗതം ചെയുന്നു എന്നല്ലാതെ ഈ നിമിഷത്തില്‍ പറയാന്‍ മറ്റ് മാര്ഗങ്ങളൊന്നുമില്ല.. അതിനാല്‍ തന്നെ ഒട്ടും ആലോചിക്കാതെ തന്നെ ഈ മഹാമാരിയുടെ കാരണം കണ്ടു പിടിക്കുന്ന കാര്യത്തില്‍ ചൈനയുടെ എല്ലാ പിന്തുണയും ജിങ് പിംഗ് ലോകരാജ്യങ്ങള്‍ക്ക് നല്‍കിയിരിക്കുകയാണ് .ഈ ഓഫര്‍ എത്ര കാലത്തേക്കാണ് എന്നതാണ് സ്വാഭാവികമായും ഉയരുന്ന മറ്റൊരു ചോദ്യം .ചൈന കണക്കുകള്‍ കൊണ്ട് കളിക്കാന്‍ തുടങ്ങിയത് എന്നും ഇന്നലെയുമല്ല .രോഗികളുടെ എണ്ണത്തിലും മരണനിരക്കിലും ഉള്ള കണക്കുകള്‍ തെറ്റിദ്ധരിപ്പിക്കുന്നതാണ് എന്നായിരുന്നു അമേരിക്കയുടെ പ്രധാന വാദം ഒപ്പം ചൈനയുടെ രഹസ്യനീക്കങ്ങളെപ്പറ്റിയും അവര്‍ക്ക് ശക്തമായ വിയോജിപ്പുണ്ടായിരുന്നു

ആഗോള തലത്തില്‍ കനത്ത നാശം വിതച്ച കൊറോണ വൈറസ് വ്യാപനത്തിന്റെ യഥാര്‍ത്ഥ കാരണം അന്വേഷിക്കണമെന്ന ലോകരാജ്യങ്ങളുടെ സമ്മര്‍ദ്ദത്തിന് ഗത്യന്തരമില്ലാതെ ചൈന വഴങ്ങിയതോടെ ലോക്ജരാജ്യങ്ങള്‍ ഇപ്പോള്‍ ആവേശത്തിലാണ് . 73ാമത് ലോകാരോഗ്യ സംയുക്ത യോഗത്തിലാണ് അന്വേഷണം നടത്തണമെന്ന ആവശ്യം അംഗീകരിക്കുന്നതായി ചൈന വ്യക്തമാക്കിയത്.എന്നാല്‍ അവര്‍ എന്തിനുള്ള മുന്നൊരുക്കത്തിലാണ് എന്ന കാര്യത്തില്‍ യാതൊരു എത്തും പിടിയും കിട്ടാത്ത അവസ്ഥയാണ്
അന്വേഷണം നടത്തണമെന്ന് ആവശ്യപ്പെട്ട് ലോകരാജ്യങ്ങള്‍ കൊണ്ടുവന്ന പ്രമേയത്തെ പിന്തുണച്ച ഷി ജിന്‍ പിംഗ് കൊറോണ വൈറസ് വ്യാപനം ചൈന ഉത്തരവാദിത്വത്തോടെയും സുതാര്യമായുമാണ് കൈകാര്യം ചെയ്യുന്നതെന്ന് വേദിയില്‍ പ്രതികരിച്ചു. അന്വേഷണത്തെ പിന്തുണച്ചതിന് പുറമേ കൊറോണക്കതിരായ ലോകാരോഗ്യ സംഘടനയുടെ പ്രതികരണത്തെ അവലോകനം ചെയ്യുന്നതിനും ചൈന അനുമതി നല്‍കിയിട്ടുണ്ട്. മുന്‍പ് യു എസ് നടത്തിയ നീക്കത്തെ നിശിതമായി വിമര്‍ശിച്ച ചൈന ഇന്ന് കരുതലോടെ നീങ്ങുകയാണ് എന്നത് വ്യക്തമായിക്കഴിഞ്ഞു

.നേരത്തെ കൊറോണ വൈറസ് വ്യാപനത്തിന്റെ യഥാര്‍ത്ഥ കാരണം അന്വേഷിക്കണമെന്ന രാജ്യങ്ങളുടെ ആവശ്യത്തെ ചൈന എതിര്‍ത്തിരുന്നു. എന്നാല്‍ ആഗോള തലത്തില്‍ സമ്മര്‍ദ്ദം കനത്തതിനെ തുടര്‍ന്നാണ് അന്വേഷണത്തെ ചൈനയും പിന്തുണച്ചതെന്നാണ് വിലയിരുത്തുന്നത്.കൊറോണ വൈറസ് മനുഷ്യനിര്‍മ്മിതം ആണെന്ന് സംശയിക്കുന്ന സാഹചര്യത്തിലാണ് വൈറസ് വ്യാപനത്തിന്റെ യഥാര്‍ത്ഥ കാരണം കണ്ടെത്താന്‍ അന്വേഷണം നടത്തണമെന്ന ആവശ്യവുമായി ലോകരാജ്യങ്ങള്‍ രംഗത്ത് വന്നത്. ഇന്ത്യയും ഓസ്‌ട്രേലിയയും യൂറോപ്യന്‍ യൂണിയനിലെ രാജ്യങ്ങളുമാണ് അന്വേഷണം ആവശ്യപ്പെട്ട് ഐക്യരാഷ്ട്ര സഭയില്‍ സമ്മര്‍ദ്ദം ചെലുത്തിയത്. ഈ രാജ്യങ്ങള്‍ ചേര്‍ന്നാണ് സഭയില്‍ ഔദ്യോഗിക പ്രമേയം കൊണ്ടുവന്നതും ഒടുവില്‍ ചൈനയ്ക്ക് ഈ ആവശ്യങ്ങള്‍ അംഗീകരിക്കേണ്ടി വന്നതും