മലയാളി നഴ്സ് ഉള്പ്പെടെ ഇന്ന് ഗള്ഫില് മരിച്ചത് 4പേര്; മൂന്ന് ദിവസമായി മുബാറഖ് ആശുപത്രിയില് ചികില്സയിലായിരുന്നു;
ഗള്ഫില് ഇന്ന് കോവിഡ് ബാധിച്ച നാല് മലയാളികളില് കുവൈത്തില് മലയാളി നഴ്സും ഉണ്ട് എന്ന് റിപ്പോര്ട്ട്. പത്തനംതിട്ട പുതുക്കുളം സ്വദേശി അന്നമ്മ ചാക്കോയാണ് കുവൈത്തില് മരിച്ച നഴ്സ്. 59കാരിയായ അന്നമ്മ ചാക്കോ, കോവിഡ് സ്ഥിരീകരിച്ച് മൂന്ന് ദിവസമായി മുബാറഖ് ആശുപത്രിയില് ചികില്സയിലായിരുന്നു. കുവൈത്തില് കോവിഡ് ബാധിച്ച് മരിക്കുന്ന രണ്ടാമത്തെ മലയാളി ആരോഗ്യപ്രവര്ത്തകയാണ്.
മലപ്പുറം കൊണ്ടോട്ടി സ്വദേശി ബദറുല് മുനീറും കുവൈത്തിലാണ് മരിച്ചത്. 39കാരനായ മുനീര്, മിഷ്റഫ് ക്വാറന്റീന് കേന്ദ്രത്തില് നിരീക്ഷണത്തിലായിരുന്നു. ഇതോടെ കുവൈത്തില് മരിച്ച മലയാളികളുടെ എണ്ണം 20ആയി. തൃശൂര് കാട്ടൂര് സ്വദേശി ഫിറോസ് ഖാന്, കണ്ണൂര് പാനൂര് സ്വദേശി അനില്കുമാര് എന്നിവര് അബുദാബിയിലാണ് മരിച്ചത്.
നാല്പത്തഞ്ചുകാരനായ ഫിറോസ് ഖാന്, കോവിഡ് സ്ഥിരീകരിച്ച് മഫ്റഖ് ആശുപത്രിയില് ചികില്സയിലായിരുന്നു. അബുദാബിയിലെ സ്വകാര്യ സ്കൂളിലെ അധ്യാപകനായിരുന്നു മരിച്ച അനില് കുമാര്. ഇതോടെ യുഎഇയില് മരിച്ച മലയാളികളുടെ എണ്ണം 66ആയി. 108 മലയാളികളാണ് ഗള്ഫില് ഇതുവരെ കോവിഡ് ബാധിച്ച് മരിച്ചത്.
അതേസമയം വിദേശത്തു നിന്നും വരുന്നവര് സര്ക്കാര് ക്വാറന്റീന് കേന്ദ്രങ്ങളില് ഏഴു ദിവസം കഴിഞ്ഞാല് മതി. തുടര്ന്നുള്ള ഏഴു ദിവസം വീടുകളില് ക്വാറന്റീനില് കഴിയാം. ഗര്ഭിണികള്ക്ക് 14 ദിവസവും വീടുകളില് ക്വാറന്റീനില് കഴിയാം. ആഭ്യന്തര വിമാന യാത്രക്കാരും 14 ദിവസം വീടുകളില് നിരീക്ഷണത്തില് കഴിയണം. ജൂണ് ഒന്നു മുതലുള്ള പ്രത്യേക ട്രെയിനുകളില് യാത്ര ചെയ്യുന്നവര് ഒന്നര മണിക്കൂര് മുന്പ് റെയില്വേ സ്റ്റേഷനിലെത്തണം. ആഭ്യന്തര വിമാനസര്വീസ് നാളെ തുടങ്ങാനിരിക്കെ കേന്ദ്ര ആരോഗ്യമന്ത്രാലയം യാത്രയ്ക്കും ക്വാറന്റീനുമുള്ള മാര്ഗനിര്ദേശങ്ങള് പുതുക്കിയിട്ടുണ്ട്.
https://www.facebook.com/Malayalivartha