ലോകത്തെ ഒന്നടങ്കം ഭീതിയുടെ മുൾ മുനയിലാക്കിയ കോവിഡ് വൈറസ് കൂടുതൽ ശക്തിയാർജ്ജിക്കുകയാണ്. രോഗബാധിതരു​ടെ എണ്ണം ഒരു കോടി അറുപത്തിരണ്ട്​ ലക്ഷം കടന്നതായാണ് റിപ്പോർട്ടുകൾ. 1,62,00,326 കേസുകളാണ്​ ലോകത്ത്​ ഇതിനോടകം റിപോർട്ട്​ ചെയ്​തത്​.ഇവരിൽ 6,48,440 പേരാണ്​ രോഗംബാധിച്ച്​ മരിച്ചത്​. 9,913,072 പേർ രോഗമുക്തി നേടി.

അതേസമയം 24 മണിക്കൂറിനിടെ അമേരിക്കയില്‍ 53000ത്തിൽ അധികമാളുകൾക്കും ബ്രസീലില്‍ 51147 പേര്‍ക്കും പുതുതായി രോഗം സ്ഥിരീകരിച്ചു. കഴിഞ്ഞ ദിവസം1211 പേരാണ്​ ബ്രസീലിൽ രോഗം ബാധിച്ച്​ മരിച്ചത്​.

43,15,709 പേർക്കാണ്​ അമേരിക്കയിൽ ഇതുവരെ രോഗം ബാധിച്ചത്​. 1,49,398 പേർ മരിച്ചു. 20,61,692 പേർ രോഗമുക്തരായി. കോവിഡ്​ രണ്ടാം തരംഗം ഉണ്ടായേക്കാമെന്ന റിപോർട്ടുകളുടെ അടിസ്ഥാനത്തില്‍ സ്പെയിനില്‍ നിയന്ത്രണങ്ങള്‍ കർശനമാക്കി. സ്പെയിനില്‍ നിന്ന് വരുന്നവർ സ്വയം നിരീക്ഷണത്തില്‍ പോകണമെന്ന് ബ്രിട്ടനിൽ നിർദേശമുണ്ട്​.

2,394,513 ​കേസുകളാണ്​ ബ്രസീലിൽ ഇതുവരെ റിപോർട്ട്​ ചെയ്​തത്​. 86,449 പേർക്കാണ്​ ജീവൻ നഷ്​ടമായത്​. 1,617,480 പേർക്ക്​ രോഗം ഭേദമായി. ത​​െൻറ കോവിഡ്​ പരിശോധന ഫലം നെഗറ്റീവായതായി ബ്രസീലിയൻ പ്രസിഡൻറ്​ ജെയ്​ർ ബോൽസനാരോ അറിയിച്ചു.