അ​മേ​രി​ക്ക​ൻ തെ​ര​ഞ്ഞെ​ടു​പ്പി​ൽ ഡെ​മോ​ക്രാ​റ്റി​ക് പാ​ർ​ട്ടി​യു​ടെ വൈ​സ് പ്ര​സി​ഡ​ന്‍റ് സ്ഥാ​നാ​ർ​ഥി​യാ​യി ക​മ​ല ഹാ​രി​സിനെ പ്ര​ഖ്യാ​പി​ച്ചു. കാലിഫോർണിയയിൽ നിന്നുള്ള സെനറ്ററാണ് ഇന്ത്യൻ വംശജയായ കമല ഹാരിസ്. ഈ വർഷം നവംബറിൽ നടക്കുന്ന പ്രസിഡൻ്റ് തെരഞ്ഞെടുപ്പിൽ ഡെമോക്രാറ്റിക് പാർട്ടി സ്ഥാനാർത്ഥി ജോ ബൈഡനൊപ്പം ഇവർ മത്സരിക്കും.

നിലവിലെ വൈ​സ് പ്ര​സി​ഡ​ന്‍റ് മൈ​ക്ക് പെ​ൻ​സി​നെ​തി​രെ​യാ​ണ് ക​മ​ല മ​ത്സ​രി​ക്കു​ന്ന​ത്. ഡെമോക്രാറ്റിക് പാർട്ടി കൺവൻഷൻ്റെ മൂന്നാം ദിനത്തിലായിരുന്നു കമല ഹാരിസിൻ്റെ ഔദ്യോ​ഗിക സ്ഥാനാ‍ർഥി പ്രഖ്യാപനം. ഒബാമ, ഹിലരി ക്ലിൻ്റൺ എന്നിവരുടെ സാന്നിധ്യത്തിലാണ് കമലയുടെ സ്ഥാനാ‍ർത്ഥി പ്രഖ്യാപനമുണ്ടായത്.

ഔദ്യോ​ഗിക പ്രഖ്യാപനത്തിന് ശേഷം കമല കൺവൻഷനെ അഭിസംബോധന ചെയ്തു സംസാരിച്ചു. രോഗങ്ങളുടെയും തൊഴിലിലായ്മയുടേയും നാടായി അമേരിക്ക മാറിയെന്ന് കമല കുറ്റപ്പെടുത്തി. അമേരിക്കയിലെ നിലവിലെ ആപത്തുകളിൽ നിന്നും രക്ഷിക്കാനുള്ള അവസരമായി തെരഞ്ഞെടുപ്പിനെ വിനിയോ​ഗിക്കണമെന്നും അല്ലാത്തപക്ഷം വരും തലമുറകളോട് നമ്മൾ ഉത്തരം പറയേണ്ടി വരുമെന്നും കമല പറഞ്ഞു. അ​മേ​രി​ക്ക​യു​ടെ മൂ​ല്യ​ങ്ങ​ൾ സം​ര​ക്ഷി​ക്കു​മെ​ന്നും ക​മ​ല ഹാ​രി​സ് ഉറപ്പ് നൽകി.

ഏ​ഷ്യ​ൻ-​ആ​ഫ്രി​ക്ക​ൻ പാ​ര​മ്പ​ര്യ​മു​ള്ള ഒ​രു വ​നി​ത ഈ ​പ​ദ​വി​യി​ൽ മ​ത്സ​രി​ക്കു​ന്ന​ത് ഇ​താ​ദ്യ​മാ​ണ്. ചെ​ന്നൈ സ്വ​ദേ​ശി​നി​യാ​യ ഡോ. ​ശ്യാ​മ​ള ഗോ​പാ​ല​ൻ ആ​ണു ക​മ​ല​യു​ടെ അ​മ്മ. പി​താ​വ് ജ​മൈ​ക്ക​യി​ൽ​നി​ന്ന് അ​മേ​രി​ക്ക​യി​ലേ​ക്കു കു​ടി​യേ​റി​യ ഡോ​ണ​ൾ​ഡ് ഹാ​രി​സ് ആണ്.

അ​മേ​രി​ക്ക​യു​ടെ ച​രി​ത്ര​ത്തി​ൽ വ​നി​ത​ക​ൾ ഇതുവരെ പ്ര​സി​ഡ​ന്‍റോ വൈ​സ് പ്ര​സി​ഡ​ന്‍റോ ആ‍​യി​ തെരഞ്ഞെടുക്കപ്പെട്ടിട്ടി​ല്ല. 2008 ൽ ​റി​പ്പ​ബ്ലി​ക് പാ​ർ​ട്ടി​യു​ടെ സാ​റാ പെ​യ്‌​ലി​ൻ, 1984 ൽ ​ഡെ​മോ​ക്രാ​റ്റി​ക് പാ​ർ​ട്ടി​യു​ടെ ജെ​റാ​ൾ​ഡി​നോ ഫെ​റാ​രോ എ​ന്നീ വ​നി​ത​ക​ൾ വൈ​സ് പ്ര​സി​ഡ​ന്‍റ് സ്ഥാ​ന​ത്തേ​ക്കു മ​ത്സ​രി​ച്ചെ​ങ്കി​ലും വി​ജ​യി​ച്ചി​ല്ല. 2016 ൽ ​പ്ര​സി​ഡ​ന്‍റ് ​സ്ഥാ​ന​ത്തേ​ക്ക് മ​ത്സ​രി​ച്ച ഡെ​മോ​ക്രാ​റ്റി​ക് പാ​ർ​ട്ടി​യു​ടെ ഹി​ല​രി ക്ലി​ന്‍റ​ൺ പ​രാ​ജ​യ​പ്പെ​ട്ടിരുന്നു.