മാപ്പ് പറഞ്ഞ് കിം ജോങ് ഉന്‍; കത്തിച്ചത് ഉദ്യോഗസ്ഥെന്‍റ ശരീരമല്ല ; ഒഴുകിവന്ന ഉപകരണങ്ങളാണെന്ന് വിശദീകരണം
ഉത്തരകൊറിയന്‍ ജലാതിര്‍ത്തിയിലെത്തിയ ദക്ഷിണകൊറിയന്‍ ഉദ്യോഗസ്ഥനെ സൈന്യം വെടിവെച്ചുകൊന്ന സംഭവത്തില്‍ മാപ്പ് പറഞ്ഞ് ഉത്തരകൊറിയന്‍ ഭരണാധികാരി കിം ജോങ് ഉന്‍. ദക്ഷിണ കൊറിയന്‍ പ്രസിഡന്‍റ് മൂണ്‍ ജോ ഇന്നിന് അയച്ച ഒൗദ്യോഗിക കത്തിലാണ് വളരെയധികം ഖേദിക്കുന്നതായും നിരാശജനകമാണെന്നും കിം ജോങ് വ്യക്തമാക്കിയത്.
ഉത്തര െകാറിയന്‍ പ്രദേശത്തേക്ക് അതിക്രമിച്ചു കയറുകയാണെന്നു കരുതിയാണ് സൈനികര്‍ വെടിവെച്ചതെന്ന് കത്തില്‍ പറയുന്നു. ഉദ്യോഗസ്ഥെന്‍റ ശരീരമല്ല കത്തിച്ചത്. ഇദ്ദേഹം ഒഴുകിവന്ന ഉപകരണങ്ങളാണ് കോവിഡ് ഭീതിയില്‍ കത്തിച്ചതെന്നും ദക്ഷിണ കൊറിയന്‍ പ്രസിഡന്‍റിനുള്ള കത്തില്‍ വ്യക്തമാക്കി.
ദക്ഷിണ കൊറിയന്‍ നിയന്ത്രണത്തിലുള്ള ദ്വീപിനു സമീപം തര്‍ക്കപ്രദേശമായ യെല്ലോ കടലിലാണ് ഉദ്യോഗസ്ഥന്‍ വീണത്. ലൈഫ് ജാക്കറ്റ് ധരിച്ചിരുന്ന ഇദ്ദേഹത്തെ ഉത്തരകൊറിയയുടെ നിയന്ത്രണത്തിലുള്ള സ്ഥലത്ത് കണ്ടെത്തുകയും സൈനികര്‍ വെടിവെച്ചുകൊല്ലുകയുമായിരുന്നു. പത്ത് പ്രാവശ്യമെങ്കിലും വെടിയുതിര്‍ത്തതായാണ് വാര്‍ത്ത ഏജന്‍സി റിപ്പോര്‍ട്ട് ചെയ്തത്.
സംഭവത്തില്‍ അന്വേഷണം ആരംഭിച്ചതായി ഉത്തര കൊറിയ അറിയിച്ചു. വെടിവെപ്പിനുശേഷം സൈനികര്‍ അതിക്രമിച്ചുകടന്നയാളെ അന്വേഷിച്ചെങ്കിലും കണ്ടെത്തിയില്ലെന്നും കോവിഡ് പ്രതിരോധ നടപടിയുടെ ഭാഗമായി ഒഴുകി വന്ന ഉപകരണങ്ങള്‍ കത്തിക്കുകയായിരുന്നുവെന്നും കിമ്മിെന്‍റ കത്ത് ഉദ്ധരിച്ച്‌ ദക്ഷിണകൊറിയന്‍ പ്രസിഡന്‍റിെന്‍റ സുരക്ഷ ഉപദേഷ്ടാവ് സു ഹൂന്‍ പറഞ്ഞു.
https://www.facebook.com/Malayalivartha
