കനേഡിയന്‍ പ്രധാനമന്ത്രി ജസ്റ്റിന്‍ ട്രുഡോ ഇന്ത്യയോട് വാക്‌സിൻ ചോദിച്ചെന്നും കാനഡക്ക്​ ആവശ്യമായ കോവിഡ്​ വാക്​സിന്‍ നല്‍കാന്‍ വേണ്ട നടപടികള്‍ ഇന്ത്യ ഉറപ്പു നല്‍കിയിട്ടുണ്ടെന്നും ബുധനാഴ്ച പ്രധാനമന്ത്രി നരേന്ദ്ര മോദി ട്വീറ്റ് ചെയ്തിരുന്നു . എന്നാൽ പ്രധാനമന്ത്രിയുടെ ട്വീറ്റ്​ കള്ളത്തരമാണെന്ന് പറഞ്ഞ് കനേഡിയന്‍ പ്രധാനമന്ത്രി ജസ്റ്റിന്‍ ട്രുഡോ രംഗത്ത്. മഹാമാരിയെ തുടന്നുള്ള ആഗോള സാമ്ബത്തിക പ്രതിസന്ധി, കാലാവസ്​ഥാ മാറ്റം തുടങ്ങിയ പ്രശ്​നങ്ങളില്‍ സഹകരണം തുടരുമെന്നും പ്രധാനമന്ത്രിയുടെ ട്വീറ്റിലുണ്ടായിരുന്നു. മാത്രമല്ല വാക്​സിന്‍ നിര്‍മാണത്തിലെ ഇന്ത്യയുടെ നേട്ടത്തെ വാഴ്​ത്തുകയും ചെയ്​തിരുന്നു.

എന്നാൽ കഴിഞ്ഞ ദിവസം കനേഡിയന്‍ പ്രധാനമന്ത്രിയുടെ പ്രസ്​താവന​പുറത്തു വന്നപ്പോഴാണ്​ യാഥാര്‍ഥ്യം അറിയുന്നത് . രാജ്യ തലസ്ഥാനത്ത് രണ്ടു മാസത്തിലേറെയായി അരങ്ങേറുന്ന കര്‍ഷക ​പ്രക്ഷോഭത്തിന്‍റെ പശ്ചാത്തലത്തില്‍ ‘ജനാധിപത്യ മൂല്യങ്ങള്‍’ ഓര്‍മപ്പെടുത്താനായിരുന്നു കനേഡിയന്‍ പ്രധാനമന്ത്രി മോദിയെ ഫോണില്‍ വിളിച്ചത്​. ഇക്കാര്യമാണ് കോവിഡ്​ വാക്​സിന്‍ ചോദിച്ചുള്ള വിളിയായി പ്രധാനമന്ത്രി ട്വീറ്റ് മുഖേന അവതരിപ്പിച്ചത്​. ജനാധിപത്യ മൂല്യങ്ങളോടുള്ള പ്രതിബദ്ധത, സമീപകാല പ്രക്ഷോഭങ്ങള്‍, സംവാദങ്ങളിലൂടെ പ്രശ്​നങ്ങള്‍ പരിഹരിക്കേണ്ടതിന്‍റെ പ്രാധാന്യം എന്നിവ ഇരു പ്രധാനമന്ത്രിമാരും ചര്‍ച്ച ചെയ്​തുവെന്നായിരുന്നു കനേഡിയന്‍ പ്രധാനമന്ത്രി ജസ്റ്റിന്‍ ട്രുഡോ വിശദീകരിച്ചത്​.ട്രുഡോയുടെ പ്രസ്​താവന പുറത്തു വന്നതോടെ മോദിക്കെതിരായ പരിഹാസമാണ്​ സാമൂഹിക മാധ്യമങ്ങളില്‍ നിറ​യുന്നത്​. നമ്മുടെ ‘പ്രധാനമന്ത്രിക്ക്​ നുണ’ പറയുന്നതിന്​ ഒരു പരിധിയുമില്ലേ എന്നാണ്​ പ്രശാന്ത്​ ഭൂഷണ്‍ ട്വീറ്റ്​ ചെയ്​തത്​.