ചൈനയുടെ കുതന്ത്രങ്ങളില്‍ കുടുങ്ങി പോകരുത്... ഒന്നൊന്നര ഉപദേശവുമായി അമേരിക്ക രംഗത്ത്.... ചൈനയുടെ കുതന്ത്രങ്ങള്‍ക്കെതിരെ ഒരിഞ്ച് പോലും പിന്നോട്ട് പോകരുതെന്ന ഉപദേശവുമായി മൈക്ക് പോംപിയോ. ചൈനയുടെ തലയ്ക്ക് തന്നെയടിക്കണം എന്ന് ആഹ്വാനം ചെയ്തിരിക്കുകയാണ് അദ്ദേഹം.

അമേരിക്ക എപ്പോഴും ഒരടി മുന്നിലായിരിക്കണം. ട്രംപ് സ്വീകരിച്ച കടുത്ത നയങ്ങളില്‍ ഒരുകാരണവശാലും വെള്ളം ചേര്‍ക്കരുതെന്നും മുന്‍ സ്റ്റേറ്റ് സെക്രട്ടറി മൈക്ക് പോംപിയോ ബൈഡന്‍ ഭരണകൂടത്തോട് ആവശ്യപ്പെട്ടു.



അമേരിക്കയെ കടന്നുമുന്നോട്ട് പോകാന്‍ ഒരു കാരണവശാലും ചൈനയെ സമ്മതിക്കരുത്. കഴിഞ്ഞ 50 വര്‍ഷം കൊണ്ട് ചൈന അമേരിക്കയുടെ മേല്‍ വളരെ ആസൂത്രിതമായ കടന്നുകയറ്റമാണ് നടത്തിയത്. ഇവിടത്തെ ലക്ഷക്കണക്കിന് ജോലികളെല്ലാം അവര്‍ സമര്‍ത്ഥമായി തട്ടിയെടുത്തു. നമ്മുടെ ബൗദ്ധിക രംഗത്തും അവര്‍ കടന്നുകയറി. അവര്‍ കടന്നുകയറി. പലതും മോഷ്ടിച്ചു.

നമ്മുടെ ഗവേഷണ സ്ഥാപനങ്ങളില്‍ അവര്‍ നുഴഞ്ഞുകയറി. തുറന്നുപറയട്ടെ എല്ലാം നടന്നത് റിപ്പബ്ലിക്കുകളും ഡെമോക്രാറ്റുകളും മാറി മാറി ഭരിച്ച കാലത്തുതന്നെയാണെന്ന് മറക്കരുത്' മൈക്ക് പോംപിയോ പറഞ്ഞു.