6.6 കോടി വര്‍ഷങ്ങള്‍ക്ക് മുമ്പ് ഭൂമിയില്‍ ദിനോസറുകള്‍ ഉണ്ടായിരുന്നു എന്നുള്ളത് കണ്ടെത്തപ്പെട്ട ഫോസിലുകളുടെയും തെളിവുകളുടെയും അടിസ്ഥാനത്തില്‍ നാം വിശ്വസിക്കുന്നുണ്ട് അല്ലേ... എന്നാല്‍ ഇവ എങ്ങനെയാണ് ഈ ഭൂമുഖത്തുനിന്നും തുടച്ചുനീക്കപ്പെട്ടത് എന്നത് ഇന്നും നമ്മെ സംബന്ധിച്ച് അജ്ഞാതമാണ്, എന്നാല്‍ ദിനോസറുകള്‍ ഇല്ലായ്മ ചെയ്യപ്പെട്ടത് എങ്ങനെ എന്നതിന് പുതിയ വാദം കണ്ടെത്തിയിരിക്കുകയാണ് ശാസ്ത്ര ലോകം. സൗരയുധത്തില്‍ നിന്നും ഭൂമിയിലേയ്ക്ക് പതിച്ച ബൃഹത്തായ ധൂമകേതു ദിനോസറുകള്‍ ഉള്‍പ്പെടെ അക്കാലത്തുണ്ടായിരുന്ന മുക്കാല്‍ ഭാഗത്തോളം ജീവജാലങ്ങളെ ഭൂമുഖത്ത് നിന്ന് തുടച്ചു നീക്കി എന്നാണ് ശാസ്ത്രവാദം.

ധൂമകേതു പതിച്ചതിനെ തുടര്‍ന്നുണ്ടായ അതിശൈത്യമാണ് ജീവജാലങ്ങള്‍ നാമവശേഷമാകാനുള്ള പ്രധാന കാരണമെന്നാണ് ഭൂരിഭാഗം പഠനഫലങ്ങളും മുന്നോട്ട് വയ്ക്കുന്നത്. ഇന്ന് മെക്‌സികോ എന്നറിയപ്പെടുന്ന പ്രദേശത്ത് പതിച്ച ധൂമകേതുവാണ് ദീര്‍ഘകാലം നീണ്ട അതിശൈത്യത്തിന് ഇടയാക്കിയതെന്നാണ് ഹാര്‍വാഡ് സര്‍വകലാശാലയിലെ ശാസ്ത്രജ്ഞര്‍ കണ്ടെത്തിയിരിക്കുന്നത്.
സൗരയൂഥത്തിന്റെ അതിര്‍ത്തിയിലെ ചിതറികിടക്കുന്ന മഞ്ഞുപാളികളില്‍നിന്ന് രൂപം കൊണ്ട ഈ ധൂമകേതു വ്യാഴഗ്രഹത്തിന്റെ സ്വാധീനത്താല്‍ ഭൂമിയിലേക്ക് പതിച്ചതായി ശാസ്ത്രജ്ഞര്‍ പറയുന്നു. 2575 കോടി കാലയളവിലൊരിക്കല്‍ ഇത്തരത്തിലുള്ള പ്രതിഭാസം സ്വാഭാവികമാണെന്നാണ് വിദഗ്ധാഭിപ്രായം. ഈ മേഖലയില്‍ പഠനം നടത്തുന്ന ഗവേഷകരെ ദീര്‍ഘകാലമായി ആശയകുഴപ്പത്തിലാക്കിയ ചീക്ഷാലൂബ് ഇംപാക്ടര്‍ (ഇവശരഃമഹൗയ കാുമരീേൃ) എന്ന സമസ്യയ്ക്ക് ഏതാണ്ട് ഉത്തരം ലഭിച്ചതായി ശാസ്ത്രജ്ഞര്‍ പറയുന്നു.
1181 കിലോമീറ്റര്‍ വ്യാസമുള്ള ഒരു ധൂമകേതുവോ മറ്റേതെങ്കിലും ആകാശവസ്തുവോ അതിവേഗതയില്‍ ഭൂമിയിലേക്ക് പതിച്ച് അനിഷ്ടകരമായ പരിണതഫലത്തിനിടയാക്കിയതാണ് ചീക്ഷാലൂബ് ഇംപാക്ടര്‍ എന്ന് ശാസ്ത്രജ്ഞര്‍ വിളിക്കുന്നത്. മെക്‌സികോയ്ക്ക് സമീപത്തുള്ള ചീക്ഷുലാബില്‍ ആകാശവസ്തു പതിച്ചാണ് ദിനോസോറുള്‍പ്പെടെ നിരവധി ജീവജാലങ്ങളെ ഭൂമുഖത്ത് നിന്ന് അപ്രത്യക്ഷമാക്കാനിടയാക്കിയതായാണ് കരുതപ്പെടുന്നത്. അതിനാലാണ് ഈ പ്രതിഭാസത്തെ ചീക്ഷുലാബ് ഇംപാക്ടര്‍ എന്ന് വിളിക്കുന്നത്.
നമ്മുടെ സൗരയൂഥത്തില്‍ തന്നെയുള്ള ക്ഷുദ്രഗ്രഹത്തില്‍ നിന്നടര്‍ന്ന ഒരു ഭാഗം പതിച്ചാണ് അതിശൈത്യമുണ്ടായതെന്നാണ് നേരത്തെയുള്ള നിഗമനം. ഇതിനെ പാടെ തള്ളിയാണ് ഹാര്‍വാഡിലെ രണ്ട് ശാസ്ത്രജ്ഞരുടെ പുതിയ പഠനറിപ്പോര്‍ട്ട്. സൗരയൂഥത്തിലെ ഏറ്റവും വലുതും ആകര്‍ഷണബലവുമുള്ള ഗ്രഹമായ വ്യാഴം ഒരു പിന്‍ ബോള്‍ മെഷീന്‍(ജശിയമഹഹ ാമരവശില)പോലെ പ്രവര്‍ത്തിക്കുകയും ഇവയെ സൗരയൂഥത്തിലേക്ക് ആകര്‍ഷിക്കുകയും ചെയ്യും.
അതിശൈത്യമേഖലയില്‍ നിന്നെത്തുന്ന ധൂമകേതുകള്‍ക്ക് ഭൂമിയ്ക്ക് സമീപമുള്ള ക്ഷുദ്രഗ്രഹങ്ങളേക്കാള്‍ താപനില വളരെ കുറവായിരിക്കുകയും ചെയ്യും. സൂര്യന് സമീപമെത്തുന്ന ധൂമകേതുവിന് ബാഷ്പീകരണം നടക്കാനിടയാവുകയും ധൂമകേതുവിന്റെ ഉള്‍ഭാഗത്ത് അതിതീവ്രമായ ചാക്രികബലം സൃഷ്ടിക്കപ്പെടുകയും വിഘടനത്തിനിടയാക്കുകയും ചെയ്യും. സ്‌ഫോടനത്തിന്റെ ശക്തിയില്‍ ആയിരക്കണക്കിന് കഷണങ്ങളാവുന്ന ധൂമകേതുവിന്റെ ഒരു ഭാഗത്തിന്റെ വീഴ്ച ദിനോസോറുകളെ ഒന്നടങ്കം നശിപ്പിക്കാന്‍ ശേഷിയുള്ള കാലാവസ്ഥാവ്യതിയാനത്തിനിടയാക്കിയതായി പഠനം നടത്തിയ ആമിര്‍ സിറാജ്, എവി ലോബ് എന്നീ ശാസ്ത്രജ്ഞര്‍ പഠനറിപ്പോര്‍ട്ടില്‍ വിശദീകരിക്കുന്നു.
ധൂമകേതുവാണ് ദിനോസോറുകളുടെ വംശനാശത്തിനിടയാക്കിയതെന്ന പുതിയവാദത്തെ ബലപ്പെടുത്തുന്ന ചില കാരണങ്ങള്‍ കൂടി ഇവര്‍ വ്യക്തമാക്കുന്നുണ്ട്. ചൊവ്വയ്ക്കും വ്യാഴത്തിനുമിടയില്‍ കാണപ്പെടുന്ന ക്ഷുദ്രഗ്രഹങ്ങളില്‍ പത്ത് ശതമാനം മാത്രമാണ് കാര്‍ബണേഷ്യസ് കോണ്‍െ്രെഡറ്റ് കൊണ്ട് നിര്‍മിക്കപ്പെട്ടിരിക്കുന്നത്. എന്നാല്‍ ധൂമകേതുക്കളില്‍ ഭൂരിഭാഗത്തിലും കാര്‍ബണേഷ്യസ് കോണ്‍െ്രെഡറ്റ് അടങ്ങിയിരിക്കുന്നു. ദിനോസോറുകളുടെ വംശനാശകാലത്തില്‍ കാര്‍ബണേഷ്യസ് കോണ്‍െ്രെഡറ്റിന്റെ സാന്നിധ്യം കണ്ടെത്തിയിട്ടുണ്ട്. അതിനാല്‍ തന്നെ ധൂമകേതുവാണ് ഭൂമുഖത്തുണ്ടായിരുന്ന ജീവജാലങ്ങളെ നാമാവശേഷമാക്കിയതിന് പിന്നിലെന്ന് ഈ ശാസ്ത്രജ്ഞര്‍ ഉറപ്പിച്ചു പറയുന്നു.