ഇന്ത്യയിലെയും പാകിസ്താനിലെയും ജനങ്ങള് ഉറ്റസുഹൃത്തുക്കളെ പോലെ സമാധാനപരമായി ജീവിക്കുന്നതാണ് തന്റെ വലിയ സ്വപ്നമെന്ന് മലാല യൂസുഫ്സായി
അതിര്വേലികളില്ലാതെ ഇന്ത്യയിലെയും പാകിസ്താനിലെയും ജനങ്ങള് ഉറ്റസുഹൃത്തുക്കളെ പോലെ, സമാധാനപരമായി ജീവിക്കുന്നതാണ് തന്റെ വലിയ സ്വപ്നമെന്ന് നൊബേല് ജേതാവും വിദ്യാഭ്യാസ പ്രവര്ത്തകയുമായ മലാല യൂസുഫ്സായി. അങ്ങനെയായാല് ഇരുരാജ്യങ്ങളിലേക്കും യഥേഷ്ടം സഞ്ചരിക്കാം. പാകിസ്താനി സിനിമകളും ബോളിവുഡ് സിനിമകളും ക്രിക്കറ്റ് മത്സരങ്ങളും കാണുന്നത് തുടരാം.
ഇന്ത്യയിലെയും പാകിസ്താനിലെയും മാത്രമല്ല, ഏതു രാജ്യത്തെയും ന്യൂനപക്ഷവിഭാഗങ്ങള് സംരക്ഷിക്കപ്പെടേണ്ടതുണ്ട്. മതത്തിന്റെ പേരുപറഞ്ഞല്ല, അധികാരത്തിന്റെ രൂപത്തിലാണ് അവര് ചൂഷണം നേരിടുന്നത്. ഇത് ഗൗരവമായി കാണേണ്ട വിഷയമാണ്.
സമാധാനപരമായി പ്രതിഷേധിക്കുന്നവരെ അറസ്റ്റ് ചെയ്ത് ജയിലിലിടുന്നതും ഇന്റര്നെറ്റ് നിരോധിക്കുന്നതുമടക്കമുള്ള ഇന്ത്യയില് നടക്കുന്ന സംഭവങ്ങള് ആശങ്കജനകമാണ്. ജനങ്ങളുടെ ആവശ്യം ഇന്ത്യന് സര്ക്കാര് അംഗീകരിക്കുമെന്നാണ് പ്രതീക്ഷയെന്നും മലാല പറഞ്ഞു.
https://www.facebook.com/Malayalivartha
