ഇസ്ലാമിക ഭീകരസംഘടനകള്ക്ക് രാജ്യത്ത് വിലക്കേര്പ്പെടുത്തി ശ്രീലങ്ക; ഭീകരസംഘടനകളുമായി ബന്ധപ്പെട്ട് പ്രവര്ത്തിക്കുന്നവര്ക്ക് 10 വര്ഷം മുതല് 20 വര്ഷം വരെ തടവ് ശിക്ഷ
ഇസ്ലാമിക ഭീകരസംഘടനകള്ക്ക് രാജ്യത്ത് വിലക്കേര്പ്പെടുത്തി ശ്രീലങ്ക. അല് ഖ്വായ്ദ, ഐഎസ്ഐഎസ് ഉള്പ്പെടെ 11 ഭീകര സംഘടനകളെയാണ് രാജ്യം വിലക്കിയിരിക്കുന്നത്. ശ്രീലങ്കന് പ്രസിഡന്റ് ഗോട്ടബായ രജപക്സയാണ് പ്രത്യേക ഗസറ്റില് ഇത് സംബന്ധിച്ച അറിയിപ്പ് പുറത്തിറക്കിയത്. ഭീകരവാദം തടയാനുള്ള നിയമം അനുസരിച്ചാണ് തീരുമാനം.
ഭീകരവാദത്തിലെ ഈ സംഘടനകളുടെ പങ്ക് വ്യക്തമായതോടെയാണ് തീരുമാനം. ഈ സംഘടനകളുമായി ബന്ധപ്പെട്ട് പ്രവര്ത്തിക്കുന്നവര്ക്ക് 10 വര്ഷം മുതല് 20 വര്ഷം വരെ തടവ് ശിക്ഷ ലഭിക്കും. ശ്രീലങ്ക ഇസ്ലാമിക് സ്റ്റുഡന്റ്സ് മൂവ്മെന്റ് അടക്കമുള്ള പ്രാദേശിക മുസ്ലീം സംഘടനകള്ക്കും വിലക്കുണ്ട്. നേരത്തെ ജിഹാദി ഗ്രൂപ്പായ നാഷണല് തൗഹീത് ജമാഅത്തിനെയും മറ്റ് രണ്ട് സംഘടനകളേയും ശ്രീലങ്ക വിലക്കിയിരുന്നു. 2019 ല് നടന്ന ചാവേര് ആക്രമണത്തിന് പിന്നാലെയായിരുന്നു ഇത്.
https://www.facebook.com/Malayalivartha