ആരും കണ്ടാൽ അറയ്ക്കുന്ന കാര്യം. വളരെ വിചിത്രമായ ഒരു സംഭവമാണ് ഇപ്പോള്‍ സോഷ്യല്‍ മീഡിയ ഏറ്റെടുത്തിരിക്കുന്നത് . ഒരു യുവതി ടോയ്‌ലറ്റിലെ ക്ലോസറ്റില്‍ ഉണ്ടാക്കിയ പാര്‍ട്ടി ഡ്രിങ്ക് സുഹൃത്തുക്കള്‍ക്ക് നല്‍കുന്നതാണ് വീഡിയോ. സോഷ്യല്‍ മീഡിയയില്‍ ഇതിനോടകം വൈറലായി മാറിയിരിക്കുകയാണ് ഈ വീഡിയോ.

ക്ലോസറ്റില്‍ ഒരു സ്ത്രീ പാനീയം തയ്യാറാക്കുന്ന വീഡിയോ അന്ന ഷോ എന്ന ഫേസ്ബുക്ക് അക്കൗണ്ടാണ് ഷെയര്‍ ചെയ്തിരിക്കുന്നത്. തുടക്കത്തില്‍, യുവതി ഐസ് ക്യൂബുകള്‍ ക്ലോസറ്റില്‍ ഇടുന്നത് കാണാം. തുടര്‍ന്ന് മിഠായികള്‍, മറ്റ് പല മധുര പലഹാരങ്ങള്‍, ഐസ്ക്രീം എന്നിവയും ക്ലോസറ്റിലേയ്ക്ക് ചേര്‍ക്കുന്നുണ്ട് .

പിന്നീട് ഫ്ലഷ് ടാങ്ക് തുറന്ന് ടാങ്കില്‍ ഫാന്റ, സ്പ്രൈറ്റ് തുടങ്ങിയവ ഒഴിയ്ക്കുന്നുണ്ട്. തുടര്‍ന്ന് എല്ലാ ചേരുവകളും മിക്സ് ചെയ്യാന്‍ അവള്‍ ഫ്ലഷിന്റെ ലിവര്‍ അമര്‍ത്തി.

അതിനുശേഷം വെള്ളം ക്ലോസ്റ്റില്‍ ഇട്ടിരിക്കുന്ന സാധനങ്ങളുമായി ചേര്‍ന്ന് പാനീയം തയ്യാറായി. ഒരു തവി കൊണ്ട് ഇളക്കിയ ശേഷം പാനീയം ഗ്ലാസുകളില്‍ ഒഴിച്ച്‌ സുഹൃത്തുക്കള്‍ക്ക് നല്‍കുന്നു.

പിന്നീട് എന്ത് സംഭവിച്ചു എന്നതും കാണാം. ക്ലോസറ്റിലാണ് പാനീയം തയ്യാറാക്കിയതെന്ന് അതിഥികളിലൊരാള്‍ മനസ്സിലാക്കി. മറ്റുള്ളവരും ഇക്കാര്യം തിരിച്ചറിഞ്ഞു.

ഉടന്‍ തന്നെ എല്ലാവരും ടോയ്ലറ്റിലേയ്ക്ക് പോയി ഒരാള്‍ ക്ലോസറ്റിലേയ്ക്ക് തന്നെ കൈയിലെ ഗ്ലാസില്‍ ഇരുന്ന പാനീയം ഒഴിച്ചു. മറ്റൊരാള്‍ക്ക് ഓക്കാനം വരുന്നതും വീഡിയോയില്‍ കാണാം. ടോയ്‍ലറ്റ് വൃത്തിയാക്കിയതിന് ശേഷമാണ് താന്‍ ഡ്രിങ്ക്സ് തയ്യാറാക്കിയതെന്നും യുവതി വീഡിയോയില്‍ വ്യക്തമാക്കുന്നു .

എന്തായാലും ഇതിനോടകം വീഡിയോ സോഷ്യല്‍ മീഡിയയില്‍ വൈറലായി. ലക്ഷക്കണക്കിന് വ്യൂകളും ആയിരക്കണക്കിന് ഷെയറുകളും നിരവധി കമന്റുകളും വീഡിയോയ്ക്ക് ലഭിച്ചു. രണ്ട് മിനിറ്റ് ദൈര്‍ഘ്യമുള്ള വീഡിയോയാണിത്.

എത്ര തന്നെ വൃത്തിയാക്കിയാലും ക്ലോസറ്റില്‍ ലക്ഷക്കണക്കിന് അണുക്കളുണ്ടാകുമെന്നാണ് ആളുകൾ പ്രതികരിക്കുന്നത്. വീഡിയോ കാണേണ്ടി വന്നതിലെ അതൃപ്തി പലരും പ്രകടമാക്കി. ഭക്ഷണ സാധനങ്ങള്‍ പാഴാക്കി കളയുന്നതിനും ചിലര്‍ വിമര്‍ശനവുമായി എത്തി.