അന്റാര്‍ട്ടിക്കയില്‍ നിന്നും 5000 മൈലുകള്‍ കടന്നുവന്ന് ആഫ്രിക്കന്‍ രാജ്യമായ നമീബിയയിലെ ബീച്ചില്‍ ചത്തടിഞ്ഞത് 60 അടി നീളമുള്ള നീലത്തിമിംഗലം. കപ്പല്‍ ഇടിച്ച് പരിക്കേറ്റതാകാം ഈ കടല്‍ ഭീമന്‍ ചത്തുപോകാന്‍ കാരണമെന്ന് കരുതുന്നു. ചൊവ്വാഴ്ച വാല്‍വിസ് ബേയില്‍ ഇതടിഞ്ഞ സമയത്ത് ചിറകുകള്‍ക്ക് ഗുരുതരമായി പരിക്കേറ്റ് പലയിടങ്ങളില്‍ നിന്നായി രക്തസ്രാവമുണ്ടായിരുന്ന നിലയിലായിരുന്നു. സാധാരണഗതിയില്‍ പൂര്‍ണ്ണവളര്‍ച്ചയെത്തിയ നീലത്തിമിംഗലങ്ങള്‍ക്ക് 100 അടി നീളവും 150 ടണ്‍ കിലോഗ്രാം ഭാരവുമുണ്ടായിരിക്കും. അതിനാല്‍ ഇപ്പോള്‍ കരക്കടിഞ്ഞിരിക്കുന്നത് പൂര്‍ണ്ണവളര്‍ച്ചയെത്താത്ത തിമിംഗലമാണെന്ന് അധികൃതര്‍ അറിയിച്ചു.