ഇത് ഞങ്ങളുടെ കുടുംബത്തിന് വളരെ വെല്ലുവിളി നിറഞ്ഞ ഒരു സമയമാണ്; ഈ സമയത്ത് കുടുംബത്തിനും സ്വന്തത്തിനും താങ്ങാകാന് ശ്രമിക്കുകയാണ്; അവരുടെ വേര്പിരിയലിനെ കുറിച്ച് ഇനി ഞാന് ഒന്നും പറയില്ല; വേർപിരിയാനൊരുങ്ങുന്ന ബില് ഗേറ്റ്സിനേയും മെലിന്ഡയും കുറിച്ച് മകളുടെ കുറിപ്പ്
27 വര്ഷത്തെ ദാമ്പത്യം ജീവിതത്തിനു ബില് ഗേറ്റ്സും മെലിന്ഡയും കഴിഞ്ഞ ദിവസം അന്ത്യം കുറിച്ചിരുന്നു . എന്നാൽ മാതാപിതാക്കളുടെ കടുത്ത തീരുമാനത്തിൽ പ്രതികരണവുമായി മകള് ജെന്നിഫര് ഗേറ്റസ് രംഗത്ത് .
മാതാപിതാക്കള് വേര്പിരിയാന് തീരുമാനിച്ച വിവരം എല്ലാവരും അറിഞ്ഞിരിക്കുമല്ലോ എന്ന മുഖവുരയോടെയായിരുന്നു 25 കാരി ജെന്നിഫര് തന്റെ വികാരം പ്രകടിപ്പിച്ചുകൊണ്ട് ഇന്സ്റ്റഗ്രാമില് പോസ്റ്റ് പങ്കുവെച്ചത്. മാതാപിതാക്കളുടെ വിവാഹ മോചനത്തെകുറിച്ച് വ്യക്തിപരമായി ഒന്നും പറയില്ലെന്നും ജെന്നിഫർ വ്യക്തമാക്കി. ബില്ഗേറ്റ്സ് - മെലിന്ഡ ദമ്പതികളുടെ മുത്ത മകളാണ് ജെന്നിഫര്. ജെന്നിഫറിന്റെ പോസ്റ്റ് ഇങ്ങ്നെ ;
'ഇത് ഞങ്ങളുടെ കുടുംബത്തിന് വളരെ വെല്ലുവിളി നിറഞ്ഞ ഒരു സമയമാണ്. ഈ സമയത്ത് കുടുംബത്തിനും സ്വന്തത്തിനും താങ്ങാകാന് ശ്രമിക്കുകയാണ്. (അവരുടെ) വേര്പിരിയലിനെ കുറിച്ച് ഇനി ഞാന് ഒന്നും പറയില്ല. അതേസമയം, മാതാപിതാക്കളുടെ ദയാപൂര്വമുള്ള വാക്കുകളും പിന്തുണയുമായിരുന്നു എന്റെ ലോകമെന്ന് നിങ്ങളറിയണമെന്നായിരുന്നു ജെന്നിഫർ പറഞ്ഞത്.
മൈക്രോ സോഫ്റ്റ് സ്ഥാപകന് ബില് ഗേറ്റ്സ് ഫോര്ബ്സ് പട്ടിക അനുസരിച്ച് ഇപ്പോള് ലോകത്തെ നാലാമത്തെ ധനികനാണ്. ലോകത്തെ ഏറ്റവും വലിയ സ്വകാര്യ ജീവകാരുണ്യ സംഘടനയായ ബില്- മെലിന്ഡ ഫൗണ്ടേഷന്റെ സാരഥികളാണ് ബില് ഗേറ്റ്സും മെലിന്ഡയും.
വേര്പിരിയുമെങ്കിലും ബില്- മെലിന്ഡ ഫൗണ്ടേഷനിലൂടെ ജീവകാരുണ്യ പ്രവര്ത്തനങ്ങള് തുടരുമെന്ന് ഇരുവരും അറിയിച്ചു . വനിതകളുടെ അവകാശ സംരക്ഷണത്തിനും കാലാവസ്ഥ വ്യതിയാനങ്ങള്ക്കുമെതിരെ പ്രവര്ത്തിക്കുന്ന ഫൗണ്ടേഷന് കോവിഡ് പ്രതിരോധ പ്രവര്ത്തനങ്ങള്ക്ക് 5 കോടി ഡോളര് ചെലവഴിച്ചിരുന്നു.
ഒരുപാട് ആലോചനകള്ക്ക് ശേഷമെടുത്ത തീരുമാനമാണെന്നും ദമ്ബതികള് എന്ന നിലയില് ജീവിതം ഒരുമിച്ചു കൊണ്ടുപോകുവാന് സാധിക്കാത്തതിനാലാണ് വേര്പിരിയുന്നതെന്നും ഇതോടെ പുതിയ ജീവിതത്തിനു തുടക്കമാകുമെന്നും ഇരുവരും ചേര്ന്ന് പുറത്തിറക്കിയ സംയുക്ത പ്രസ്താവനയിൽ പറയുന്നു
ബ്ലൂംബര്ഗ് ബിസിനസ് ഇന്ഡെക്സിന്റെ കണക്കുകള് പ്രകാരം 65കാരനായ ബില്ഗേറ്റ്സിനും 56കാരിയായ മെലിന്ഡക്കുമായി 145 ബില്യണ് ഡോളര് ആസ്തിയുണ്ട്. 1987 മുതല് മൈക്രോസോഫ്റ്റില് മാനേജരായിരുന്ന മെലിന്ഡയും ബില്ഗേറ്റ്സും വിവാഹിതരാകുന്നത് 1994 ല് ആണ്.
25 കാരിയായ ജെന്നിഫറിനെ കൂടാതെ രണ്ട് മക്കള് കൂടിയുണ്ട് ദമ്ബതികള്ക്ക്. 21 കാരനായ റോറിയും 18 കാരിയായ ഫോബേയുമാണ് അവര്. ദീര്ഘകാലം ലോകത്തെ ഏറ്റവും വലിയ ധനികനായിരുന്നു ഇദ്ദേഹം.
https://www.facebook.com/Malayalivartha
