നാട് ചുറ്റാൻ പണം വേണം; 18 ലക്ഷം രൂപയ്ക്ക് വിറ്റത് 2 വയസ്സുള്ള സ്വന്തം മകനെ, രണ്ടാം ഭാര്യയ്ക്കൊപ്പം ടൂർ പോകാനായി രണ്ട് വയസ്സുള്ള മകനെ വിറ്റ് പണം കണ്ടെത്തി പിതാവ് അറസ്റ്റിൽ
രണ്ടാം ഭാര്യയ്ക്കൊപ്പം ടൂർ പോകാനായി രണ്ട് വയസ്സുള്ള മകനെ വിറ്റ് പണം കണ്ടെത്തി പിതാവ് അറസ്റ്റിൽ. ചൈനയിലെ ഷീജിയാങ്ങിലാണ് ഇത്തരത്തിൽ ഞെട്ടിക്കുന്ന സംഭവം ഉണ്ടായിരിക്കുന്നത്. സംഭവത്തിൽ ഷീ എന്നയാളെ പൊലീസ് അറസ്റ്റ് ചെയ്തതായി റിപ്പോർട്ട്. ഷീ അടുത്തിടെയാണ് രണ്ടാമത് വിവാഹം ചെയതത്. കുട്ടിയെ നോക്കുന്നതിനെച്ചൊല്ലി ഇയാളും രണ്ടാം ഭാര്യയുമായി വഴക്കുണ്ടാക്കുന്നത് പതിവാക്കിയിരുന്നു.
അതേസമയം ആദ്യ ഭാര്യയിൽ ഷീയ്ക്ക് രണ്ട് കുട്ടികളാണ് ഉള്ളത്. വിവാഹമോചനത്തിന് ശേഷം 2 വയസ്സുള്ള ആൺകുട്ടിയെ ഷീക്ക് നൽകിയിരുന്നു. മൂത്തമകളെ ആദ്യ ഭാര്യക്കൊപ്പവും വിടുകയും ചെയ്തു. ഇയാൾ ജോലിയുടെ ആവശ്യത്തിനായി മറ്റൊരു സ്ഥലത്തേക്ക് പോയപ്പോൾ മകന് ജിയാജിയയെ തന്റെ സഹോദരനും കുടുംബാംഗങ്ങൾക്കുമൊപ്പം നിർത്തി.
എന്നാൽ കഴിഞ്ഞമാസം അമ്മയെ കാണിക്കാൻ എന്ന് പറഞ്ഞ് ഷീ മകനെ കൂട്ടിക്കൊണ്ടുപോയിരുന്നു. ദിവസങ്ങളായിട്ടും കുട്ടിയെ തിരികെ കൊണ്ടുവരാത്തതിൽ സംശയിച്ച് ഷീയുടെ സഹോദരൻ പൊലീസിനെ സമീപിച്ചപ്പോഴാണ് ഏവരെയും ഞെട്ടിച്ച ക്രൂരത പുറത്തുവന്നത്. പൊലീസ് അന്വേഷണത്തിലാണ് കുട്ടികളില്ലാത്ത ദമ്പതികൾക്ക് ഷീ മകനെ വിറ്റ വിവരം വ്യക്തമായത്.
18 ലക്ഷം രൂപയ്ക്കാണ് കുഞ്ഞിനെ വിറ്റത് എന്നാണ് പോലീസ് കണ്ടെതിയത്. ഈ പണം ഉപയോഗിച്ച് രണ്ടാം ഭാര്യയുമായി രാജ്യത്തിന്റെ വിവിധ ഭാഗങ്ങളിൽ ടൂർ നടത്തുകയായിരുന്നു ഇയാൾ. കുട്ടിയെ ഇപ്പോൾ തിരിച്ച് അച്ഛന്റെ സഹോദരന്റെ അടുത്ത് എത്തിച്ചു. ക്രിമിനൽ കേസാണ് ഷീയ്ക്കും ഭാര്യക്കും എതിരെ ചുമത്തിയിരിക്കുന്നത്.
https://www.facebook.com/Malayalivartha