ഇരുപത്തിനാലുകാരിയായ മകളുടെ മൃതദേഹത്തെ ലൈംഗികമായി ഉപയോഗിച്ച കുറ്റവാളിയെ പോലീസ് സ്‌റ്റേഷനില്‍ കയറി കുത്തിക്കൊലപ്പെടുത്താന്‍ ശ്രമിച്ച് അമ്മ. നെവ്രസ് കമല്‍ എന്ന യുകെ സ്വദേശിയായ അമ്മയാണ് തന്റെ 24കാരിയായ മകളെ ലൈംഗികമായി ദുരുപയോഗം ചെയ്തയാളെ പോലീസ് സ്‌റ്റേഷനില്‍ കയറി കൊലപ്പെടുത്താന്‍ ശ്രമിച്ചത്. മുന്‍ ആശുപത്രി ഇലക്ട്രീഷ്യനും കൊലപാതകിയുമായ ഡേവിഡ് ഫുള്ളറാണ് നെവ്രസിന്റെ മകളുടെ മൃതദേഹവുമായി ലൈംഗിക ബന്ധത്തിലേര്‍പ്പെട്ടത്.

ഡേവിഡ് ഫുള്ളര്‍ ഇലക്ട്രീഷ്യനായ ആശുപത്രിയില്‍ വെച്ച് നൂറോളം മൃതദേഹങ്ങളെ ഇയാള്‍ ലൈംഗികമായി ദുരുപയോഗം ചെയ്തിരുന്നു. കമലിന്റെ മകളും ഇത്തരത്തില്‍ ദുരുപയോഗം ചെയ്യപ്പെട്ടിരുന്നുവെന്ന് അധികൃതര്‍ കഴിഞ്ഞ ദിവസം ഇവരെ അറിയിച്ചിരുന്നു. ഇതറിഞ്ഞതോടെയാണ് തകര്‍ന്നുപോയ കമല്‍ ഡേവിഡ് ഫുള്ളറിനെ കൊല്ലാനായി ഇയാളെ അറസറ്റ് ചെയ്ത് കൊണ്ടു വന്ന സ്‌റ്റേഷനിലേക്ക് കത്തിയുമായി എത്തിയത്.

എന്നാല്‍ കത്തിയുമായി പാഞ്ഞെത്തിയ കമലിനെക്കണ്ട് പോലീസുകാര്‍ തെറ്റിദ്ധരിക്കുകയും ബലമായി തടഞ്ഞുവെക്കുകയും ചെയ്തു. എന്റെ മകളെ പീഡിപ്പിച്ചവനെ എനിക്ക് കൊല്ലണമെന്ന് ഇവര്‍ അലറിക്കൊണ്ട് പറഞ്ഞെങ്കിലും മാനസിക വിഭ്രാന്തിയുള്ള സ്ത്രീയാണെന്നാണ് പോലീസുകാര്‍ കരുതിയത്. ഇതേത്തുടര്‍ന്ന് ഒരു ദിവസത്തോളം ഇവര്‍ക്ക് കസ്റ്റഡിയില്‍ കഴിയേണ്ടി വന്നു.

പിന്നീട് കമലിന്റെ യഥാര്‍ത്ഥ അവസ്ഥയെക്കുറിച്ച് ബോധ്യപ്പെട്ടപ്പോള്‍ പോലീസുകാര്‍ സാന്ത്വനവുമായെത്തി. എന്റെ മകളെ അയാള്‍ സ്പര്‍ശിച്ചുവെന്നു പോലും ചിന്തിക്കാന്‍ എനിക്ക് കഴിയുന്നില്ലെന്ന് കമല്‍ പറഞ്ഞു. എന്റെ കുട്ടിയെ ഉപദ്രവിച്ച അയാളെ ഞാനൊരിക്കലും വെറുടെ വിടില്ല. എനിക്കവനോട് ക്ഷമിക്കാന്‍ കഴിയില്ല. ഞാനവളുടെ അമ്മയാണ് എന്നും കമല്‍ പറഞ്ഞു.

കാറിന് തീപിടിച്ചതിനെത്തുടര്‍ന്നുണ്ടായ അപകടത്തില്‍ കെന്റിലെ പാലത്തില്‍ നിന്ന് വീണ് പരിക്കേറ്റാണ് നെവ്രസിന്റെ മകള്‍ മരിച്ചത്. പിന്നീട് പെണ്‍കുട്ടിയുടെ മൃതദേഹം എത്തിച്ച ആശുപത്രി മോര്‍ച്ചറിയില്‍ വെച്ചാണ് ഡേവിഡ് ഫുള്ളര്‍ ലൈംഗിക ദുരുപയോഗം നടത്തിയത്. 2008 നും 2020 നും ഇടയില്‍ കെന്റിലെ ടണ്‍ബ്രിഡ്ജ് വെല്‍സ് ഹോസ്പിറ്റലില്‍ നൂറോളം സ്ത്രീകളുടെ മൃതശരീരങ്ങളെയാണ് ഇയാള്‍ ഇത്തരത്തില്‍ ദുരുപയോഗം ചെയ്തത്. ഇതില്‍ ഒന്‍പത് വയസ്സ് മുതല്‍ നൂറ് വയസ്സ് വരെ പ്രായമുള്ളവര്‍ ഉണ്ടായിരുന്നു.

സംഭവത്തെക്കുറിച്ച് ഉന്നതതല അന്വേഷണം നടത്താന്‍ ബ്രിട്ടീഷ് ആരോഗ്യ സെക്രട്ടറി സാജിദ് ജാവിദ് ഉത്തരവിട്ടു. 25കാരിയെയും 20 കാരിയെയും കൊല ചെയ്തശേഷം ശവരതി നടത്തിയ കേസിലാണ് ഇയാളെ ആദ്യം അറസ്റ്റ് ചെയ്തത്. തുടര്‍ന്ന് നടത്തിയ അന്വേഷണത്തിലാണ് മറ്റുക്രൂരതകളുടെയും വിവരം പുറത്തുവന്നത്. 25കാരിയെ സ്വന്തം ഫ്‌ലാറ്റില്‍ കൊല്ലപ്പെട്ട നിലയില്‍ കണ്ടെത്തിയത്. ഇവരുടെ മൃതദേഹത്തില്‍ ലൈംഗികമായി ഉപയോഗിച്ചതായി പോസ്റ്റ് മോര്‍ട്ടം റിപ്പോര്‍ട്ടില്‍ കണ്ടെത്തിയിരുന്നു. അതു കഴിഞ്ഞ് മാസങ്ങള്‍ക്കു ശേഷം 20 കാരിയുടെ മൃതദേഹം അവരുടെ ഫഌറ്റില്‍ കണ്ടെത്തി.

ഇവരുടെ മൃതദേഹത്തെയും അപമാനിച്ചതായി കണ്ടെത്തിയിരുന്നു. തുടര്‍ന്ന് നടത്തിയ അന്വേഷണത്തിലാണ് മോര്‍ച്ചറികളില്‍ നടന്ന സംഭവങ്ങള്‍ പൊലീസിന്റെ ശ്രദ്ധയില്‍ പെട്ടത്. തുടര്‍ന്നാണ് ഇയാള്‍ അറസ്റ്റിലായത്. പിന്നീട് ഇയാളുടെ വീട്ടില്‍ നടത്തിയ പരിശോധനകളില്‍ മോര്‍ച്ചറികളില്‍ നടന്ന ശവരതിയുടെ വീഡിയോകള്‍ കണ്ടെത്തുകയായിരുന്നു. മോര്‍ച്ചറികളില്‍ മൃതദേഹങ്ങളുമായി ശവരതി നടത്തുന്ന ആയിരക്കണക്കിന് വീഡിയോകളാണ് കണ്ടെത്തിയത്. 18 വയസിനു താഴെയുള്ള കുട്ടികള്‍ മുതല്‍ 85 വയസുള്ള വൃദ്ധകളുടെ മൃതദേഹങ്ങള്‍ വരെ ഇയാള്‍ ശവരതിക്കായി ഉപയോഗിച്ചതായാണ് കണ്ടെത്തല്‍.