ജാപ്പനീസ് കോസ്റ്റ്യൂം ഡിസൈനറും ഓസ്കര് ജേതാവുമായ എമി വാഡ അന്തരിച്ചു... വസ്ത്രാലങ്കാര നിര്വഹണത്തിലുടനീളം ജാപ്പനീസ് സംസ്കാരം മുറുകെ പിടിക്കാന് എമി ശ്രമിച്ചിരുന്നു, അകിറാ കുറസോവയുടെ റാന് എന്ന ചിത്രത്തിലെ വസ്ത്രാലങ്കാരം നിര്വഹിച്ചതിനാണ് ക്യോട്ടോ സ്വദേശിയായ എമി വാഡ ഓസ്കാറിലിടം നേടിയത്
ജാപ്പനീസ് കോസ്റ്റ്യൂം ഡിസൈനറും ഓസ്കര് ജേതാവുമായ എമി വാഡ (84) അന്തരിച്ചു. അകിറാ കുറസോവയുടെ റാന് എന്ന ചിത്രത്തിലെ വസ്ത്രാലങ്കാരം നിര്വഹിച്ചതിനാണ് ക്യോട്ടോ സ്വദേശിയായ എമി വാഡ ഓസ്കാറിലിടം നേടിയത്.
ചിത്രത്തിലെ സാമുറായി വസ്ത്രങ്ങളാണ് എമിയെ പുരസ്കാരത്തിനര്ഹയാക്കിയത്. ജപ്പാന് ബ്രോഡ്കാസ്റ്റിങ് കോര്പ്പറേഷന് ഡയറക്ടറായിരുന്ന ബെന് വാഡയാണ് ഭര്ത്താവ്.
ക്യോട്ടോ സിറ്റി ആര്ട്സ് യൂണിവേഴ്സിറ്റിയിലെ പഠനകാലത്തായിരുന്നു വിവാഹം. ഭര്ത്താവ് സംവിധാനം ചെയ്യുന്ന വേദികള്ക്കു വേണ്ടി വസ്ത്രങ്ങള് അലങ്കരിച്ചാണ് എമിയുടെ തുടക്കം.
ഹിരോഷി ടെഷിഗാഹരയുടെ റിക്യു, നഗിസാ ഒഷിമായുടെ ഗൊഹാട്ടോ, പീറ്റര് ഗ്രീനവേയുടെ ദി പില്ലോ ബാക്ക് മേബെല് ചിയുങ്ങിന്റെ ദി സൂങ് സിസ്റ്റേഴ്സ് തുടങ്ങിയ പ്രശസ്ത ചിത്രങ്ങള്ക്ക് വേണ്ടിയും എമി വസ്ത്രാലങ്കാരം നിര്വഹിച്ചിരുന്നു.
1993ല് എമ്മി പുരസ്കാരവും എമിയെ തേടിയെത്തി. ഈഡിപ്പസ് റെക്സ് എന്ന നാടകത്തിനുവേണ്ടി വസ്ത്രാലങ്കാരം നിര്വഹിച്ചതിന്റെ പേരിലാണ് എമ്മി പുരസ്കാരം ലഭിച്ചത്.
വസ്ത്രാലങ്കാര നിര്വഹണത്തിലുടനീളം ജാപ്പനീസ് സംസ്കാരം മുറുകെ പിടിക്കാന് എമി ശ്രമിച്ചിരുന്നു. ക്യോട്ടോയിലെ പരമ്പരാഗത ശില്പികളെ പിന്തുണയ്ക്കാന് ആവുംവിധം തന്റെ കോസ്റ്റ്യൂമുകളിലൂടെ ശ്രമിച്ചിട്ടുള്ളയാളുമാണ് എമി.
"
https://www.facebook.com/Malayalivartha
