യാത്രക്കാര് രക്ഷപ്പെട്ടത് തലനാരിഴയ്ക്ക്... 35,000 അടി ഉയരത്തില് വച്ച് മഞ്ഞുകട്ട ഇടിച്ച് വിമാനത്തിന്റെ ചില്ലുപൊട്ടി
ലണ്ടനില് പറന്നു കൊണ്ടിരിക്കുന്ന വിമാനത്തിന്റെ ചില്ല് യാത്രക്കിടയില് പൊട്ടി യാത്രക്കാര് തലനാരിഴയ്ക്കു രക്ഷപ്പെട്ടു. ലണ്ടനില് നിന്നും പറന്നുയര്ന്ന ബ്രിട്ടീഷ് എയര്വെയ്സ് വിമാനത്തിനാണ് ഇങ്ങനെ ഒരു അപകടം സംഭവിച്ചത്. 35,000 അടി ഉയരത്തില് പറന്നു കൊണ്ടിരിക്കുന്ന ബോയിങ്ങ് 777 വിമാനത്തിന്റെ വിന്ഡ് സ്ക്രീനില് ആകാശത്തില് രൂപപ്പെട്ട മഞ്ഞുകട്ട ഇടിച്ചതാണ് അപകടത്തിനു കാരണം.
ഇടിയുടെ ആഘാതത്തില് ജനല്ച്ചില്ല് പൊട്ടിയത് അറിഞ്ഞതോടെ യാത്രക്കാര് പരിഭ്രാന്തനായി. എന്നാല്, വിള്ളല് വീഴുക മാത്രമേ സംഭവിച്ചുള്ളൂവെന്ന് മനസ്സിലാക്കി ഫ്ലൈറ്റിലെ ജീവനക്കാര് യാത്രക്കാരെ ആശ്വസിപ്പിച്ചു.
ബുള്ളറ്റ് പ്രൂഫ് ഗ്ലാസിനു സമാനമായ രണ്ടിഞ്ച് കട്ടിയുള്ള വിമാനത്തിന്റെ ജനല്ച്ചില്ലില് നീളത്തില് വിള്ളല്. വീണിരുന്നു. അടിയന്തര സാഹചര്യമായതിനാല്, വിമാനം കോസ്റ്റാറിക്ക എയര്പോര്ട്ടില് എമര്ജന്സി ലാന്ഡിംഗ് നടത്തി. അറ്റകുറ്റപ്പണികള് പൂര്ത്തിയായതോടെ, നേരത്തെ നിശ്ചയിച്ച സമയത്തില് നിന്നും വൈകി വിമാനം യാത്ര തുടര്ന്നു.
https://www.facebook.com/Malayalivartha