റഷ്യന് ആക്രമണത്തെ തുടര്ന്ന് യുക്രെയ്ന് വിമാനത്താവളങ്ങള് അടച്ചതോടെ യുക്രെയ്നിലെ ഇന്ത്യക്കാരെ തിരികെ എത്തിക്കുന്നതിന് ബദല് മാര്ഗങ്ങള് തേടി ഇന്ത്യ.... റോഡു മാര്ഗം രക്ഷിക്കാന് ശ്രമം...
യുക്രെയ്നിലെ ഇന്ത്യക്കാരെ തിരികെ എത്തിക്കുന്നതിന് ബദല് മാര്ഗങ്ങള് തേടി ഇന്ത്യ. യുക്രെയ്നിന്റെ അയല് രാജ്യങ്ങളിലൂടെ ഇന്ത്യക്കാരെ പുറത്തെത്തിക്കാനാണ് ഇപ്പോഴത്തെ ശ്രമം. റഷ്യന് ആക്രമണത്തെ തുടര്ന്ന് യുക്രെയ്ന് വിമാനത്താവളങ്ങള് അടച്ചതോടെയാണ് ഇന്ത്യ ബദല് മാര്ഗങ്ങള് തേടിയത്.
യുക്രെയ്നുമായി അതിര്ത്തി പങ്കിടുന്ന ഹംഗറി, പോളണ്ട്, സ്ലോവാക്യ, റൊമാനിയ എന്നീ രാജ്യങ്ങളിലൂടെ ഇന്ത്യക്കാരെ മടക്കികൊണ്ടുവരാനാണ് നിലവിലെ പദ്ധതി. ഇന്ത്യക്കാരെ ഈ രാജ്യങ്ങളിലേക്ക് റോഡ് മാര്ഗം കൊണ്ടുവരികയും അവിടെ നിന്നും വിമാന സര്വീസുകള് വഴി ഇന്ത്യയിലേക്ക് എത്തിക്കുന്നതിനുമാണ് ശ്രമിക്കുന്നത്.
ഹംഗറി, പോളണ്ട്, സ്ലോവാക്യ, റൊമാനിയ എന്നിവയുടെ അതിര്ത്തികളില് ഇന്ത്യന് ഉദ്യോഗസ്ഥര് എത്തിയിട്ടുണ്ട്. രക്ഷാ പ്രവര്ത്തനങ്ങള്ക്കായി റഷ്യന് ഭാഷയില് പ്രാവീണ്യമുള്ള പ്രതിനിധികളെയാണ് ഇന്ത്യ നിയോഗിച്ചിരിക്കുന്നത്.
ഓരോ രാജ്യങ്ങളിലും എത്തുന്ന ഉദ്യോഗസ്ഥരുടെ പേര് വിവരങ്ങളും ഫോണ്നമ്പറുകളും വിദേശകാര്യമന്ത്രാലയം പുറത്തുവിട്ടു. നാല് രജ്യങ്ങളുടേയും അതിര്ത്തിയില് എത്തുന്ന ഇന്ത്യക്കാര് നിയോഗിക്കപ്പെട്ട ഉദ്യോഗസ്ഥരുമായി ബന്ധപ്പെടണം. ഇന്ത്യയിലേക്ക് മടങ്ങി വരാന് ആഗ്രഹിക്കുന്നവര് പടിഞ്ഞാറന് യുക്രെയ്നിലേക്ക് എത്തുകയും പാസ്പോര്ട്ടും മറ്റ് അനുബന്ധ രേഖകളും കൈവശം കരുതുകയും വേണം. ഇന്ത്യന് എംബസിയുടെ ട്വിറ്റര്, ഫേസ്ബുക്ക് അടക്കമുള്ള സാമൂഹിക മാധ്യമങ്ങള് തുടര്ച്ചയായി നിരീക്ഷിക്കണം എന്നും നിര്ദേശിച്ചിട്ടുണ്ട്.
വിദ്യാര്ഥികള് ഉള്പടെ 20,000ല് അധികം ഇന്ത്യക്കാര് യുക്രെയ്നില് ഉള്ളതായാണ് വിവരം. ഇതില് കേരളത്തില് നിന്നുമുള്ള 2320 വിദ്യാര്ഥികളും ഉള്പെടുന്നു. യുക്രെയ്നിലെ ഇന്ത്യക്കാരെ തിരികെ കൊണ്ടുവരുന്നതിനുള്ള നടപടികള് സ്വീകരിച്ചു കഴിഞ്ഞതായി ഇന്ത്യയുടെ യുഎന് പ്രതിനിധി ടി. എസ് തിരുമൂര്ത്തി അറിയിച്ചു.
ഇതിനിടെ യുക്രെയ്നില് നിന്നുള്ള ഇന്ത്യക്കാര്ക്ക് ഖത്തര് വഴി മടങ്ങാന് കേന്ദ്ര വ്യോമയാന മന്ത്രാലയം അനുമതി നല്കി. ഇതിനായി ഇന്ത്യ-ഖത്തര് ബൈലാറ്ററല് എയര് ബബിള് അറേഞ്ച്മെന്റ് പ്രയോജനപ്പെടുത്താം എന്ന് ഖത്തറിലെ ഇന്ത്യന് എംബസിയും വ്യക്തമാക്ക
യുക്രയിനില് വ്യോമാതിര്ത്തി അടച്ചതോടെ ഇന്ത്യക്കാരെ മടക്കി കൊണ്ടു വരാന് പുറപ്പെട്ട എയര് ഇന്ത്യ വിമാനം തിരികെ ഡല്ഹിയിലേക്ക് മടങ്ങിയിരുന്നു.
അതേസമയം മലയാളി വിദ്യാര്ത്ഥികളെ നാട്ടിലെത്തിക്കുന്നതിന് പ്രത്യേക വിമാനങ്ങള് അടക്കമുള്ള അടിയന്തര ഇടപെടല് അഭ്യര്ത്ഥിച്ച് വിദേശ കാര്യ മന്ത്രി എസ് ജയശങ്കറിന് മുഖ്യമന്ത്രി പിണറായി വിജയന് കത്തയച്ചു. കൂടാതെ കോണ്ഗ്രസ് നേതാവ് രമേശ് ചെന്നിത്തലയും കത്തയച്ചു.
"
https://www.facebook.com/Malayalivartha
