വീണ്ടും അഫ്ഗാനില്‍ ഭീകരാക്രമണം: പിന്നില്‍ ഐഎസ്; മസ്ജിദില്‍ പ്രാര്‍ത്ഥനയ്ക്ക് എത്തിയവര്‍ക്കിടയില്‍ ബോബ് എറിഞ്ഞ് ഭീകരന്‍;
അഫ്ഗാനിസ്താനിലെ മുസ്ലീം പള്ളിയില്‍ ഭീകരാക്രമണം. കാബൂളിലെ പുല്‍ഇഖിഷ്തി മസ്ജിദില്‍ ഇന്ന് ഉച്ചയോടെയാണ് സ്‌ഫോടനം നടന്നത്.
മസ്ജിദിലെത്തിയ വിശ്വാസികള്‍ക്ക് നേരെ ഗ്രനേഡ് എറിയുകയായിരുന്നു. പൊട്ടിത്തെറിയില്‍ ആറ് പേര്‍ക്ക് പരിക്കേറ്റതായാണ് വിവരം. വന്‍ സ്‌ഫോടനമായിരുന്നതിനാല്‍ പരിക്കേറ്റവരുടെ എണ്ണം ഉയരാനാണ് സാധ്യത. ആക്രമണത്തിന് പിന്നാലെ ഒരാളെ പിടികൂടിയിട്ടുണ്ടെന്നാണ് റിപ്പോര്‍ട്ട്.
നിലവില്‍ ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. അഫ്ഗാനിസ്താനില്‍ താലിബാന്‍ അധികാരത്തിലേറിയതിന് ശേഷം നിരവധി തവണയാണ് സ്‌ഫോടനങ്ങളും ഭീകരാക്രമണങ്ങളും സംഭവിച്ചത്. ഒട്ടുമിക്ക ആക്രമണങ്ങളുടെയും ഉത്തരവാദിത്വം ഇസ്ലാമിക് സ്‌റ്റേറ്റ് ഏറ്റെടുത്തിരുന്നു.
അതേസമയം തന്നെ താലിബാന്റെ ഏറ്റവു വലിയ സാമ്പത്തീക സ്രോദസായ മയക്കുമരുന്ന് ഉല്‍പാദനം നിരോധിച്ചിരിക്കുകയാണ് പുതിയ താലിബാന്‍. ഇന്ന് താലിബാന്റെ പരമോന്നത നേതാവ് ഹൈബതുല്ലാ അഖുന്ദ്‌സാദയാണ് പ്രഖ്യാപനം നടത്തിയത്. നിയമം ലംഘിക്കുന്നവര്‍ക്കെതിരെ കടുത്ത നടപടിയുണ്ടാകുമെന്നും മുന്നറിയിപ്പുണ്ട്.
അഫ്ഗാന്‍ പരമോന്നത നേതാവ് ഇന്നുമുതല്‍ രാജ്യത്ത് കറുപ്പ് കൃഷി കര്‍ശനമായി നിരോധിച്ചതായി ഉത്തരവില്‍ പറയുന്നു. മയക്കുമരുന്നുകളുടെ ഉല്‍പാദനവും ഉപയോഗവും വില്‍പനയുമെല്ലാം നിയമംമൂലം നിരോധിച്ചിട്ടുണ്ട്. ആരെങ്കിലും ഉത്തരവ് ലംഘിച്ചാല്‍ കൃഷി ഉടന്‍ തന്നെ പൂര്‍ണമായി നശിപ്പിക്കുകയും ശരീഅ നിയമപ്രകാരമുള്ള ശിക്ഷാനടപടികള്‍ കൈക്കൊള്ളുകയും ചെയ്യുമെന്നും ഉത്തരവില്‍ മുന്നറിയിപ്പ് നല്‍കിയിട്ടുണ്ട്.
ലോകത്ത് ഏറ്റവും കൂടുതല്‍ കഞ്ചാവ് ഉള്‍പ്പെടെയുള്ള ലഹരി വസ്തുക്കളും മയക്കുമരുന്നുകളും ഉല്‍പാദിപ്പിക്കുന്ന രാജ്യമാണ് അഫ്ഗാനിസ്താന്‍. കഴിഞ്ഞ ആഗസ്റ്റില്‍ താലിബാന്‍ അഫ്ഗാനില്‍ അധികാരമേറ്റതു തൊട്ട് രാജ്യത്തെ മയക്കുമരുന്ന് ഉല്‍പാദനം നിയന്ത്രിക്കാന്‍ അന്താരാഷ്ട്ര സമ്മര്‍ദം ശക്തമാണ്. അന്താരാഷ്ട്രതലത്തില്‍ താലിബാനെതിരായ ഉപരോധം പിന്‍വലിക്കാനും ഇത്തരമൊരു ആവശ്യം വിവിധ സംഘങ്ങള്‍ മുന്നോട്ടുവച്ചിരുന്നു.
ഇതിനുമുന്‍പ് താലിബാന്‍ അഫ്ഗാനില്‍ ഭരിച്ച സമയത്തും അന്താരാഷ്ട്ര അംഗീകാരം ലഭിക്കാനായി താലിബാന്‍ മയക്കുമരുന്ന് ഉല്‍പാദനം നിരോധിച്ചിരുന്നു. എന്നാല്‍, ജനങ്ങളുടെ കടുത്ത എതിര്‍പ്പിനെ തുടര്‍ന്ന് നിരോധനത്തില്‍നിന്ന് പിന്‍വാങ്ങുകയും ചെയ്തിരുന്നു.
https://www.facebook.com/Malayalivartha
