നഷ്ടം കൊണ്ട് താന്‍ ഫേസ് ബുക്ക് വില്‍ക്കാന്‍ ശ്രമിക്കുന്ന സമയത്താണ് ആപ്പിള്‍സ്ഥാപകന്‍ സ്റ്റീവ് ജോബ്‌സ് ഇന്ത്യയിലെ അത്ഭുത സിദ്ധിയുള്ള ക്ഷേത്രത്തെ കുറിച്ച് മാര്‍ക്ക് സുക്കര്‍ബര്‍ഗിനോട് പറയുന്നത്. ഇന്ത്യയിലെത്തി ഈ ക്ഷേത്രത്തില്‍പ്പോയി പ്രാര്‍ത്ഥിക്കാനായിരുന്നു ജോബ്‌സിന്റെ ഉപദേശം. ഒരുഘട്ടത്തില്‍ നഷ്ടം സഹിക്കാനാകാതെ സുക്കര്‍ബര്‍ഗ് ഫേസ്ബുക്ക് വിറ്റഴിക്കാനായി ശ്രമിച്ചിരുന്നതാണ്. ആ നിലയില്‍നിന്നാണ് ഇന്നത്തെ വളര്‍ച്ച ഫേസ്ബുക്ക് കൈവരിച്ചത്. തന്നെ അതിസമ്പന്നനാക്കുകയും ഫേസ്ബുക്കിനെ ലോകത്തെ ഏറ്റവും പ്രിയപ്പെട്ട വെബ്‌സൈറ്റുകളിലൊന്നാക്കി മാറ്റുകയും ചെയ്ത ക്ഷേത്രമേതെന്ന് ഇനിയും സുക്കര്‍ബര്‍ഗ് വിശദമാക്കിയിട്ടില്ല.
പ്രധാനമന്ത്രി നരേന്ദ്ര മോഡിയോടാണ് സുക്കര്‍ബര്‍ഗ് ഈ ക്ഷേത്രത്തെക്കുറിച്ച് വെളിപ്പെടുത്തിയത്. ഉത്തരാഖണ്ഡില്‍, ഹിമാലയന്‍ മലനിരകളിലുള്ള ഒരു ക്ഷേത്രമാണ് ഈ സര്‍വൈശ്വര്യത്തിനും കാരണമെന്നാണ് സുക്കര്‍ബര്‍ഗ് മോഡിയോട് പറഞ്ഞത്. സ്റ്റീവ് ജോബ്‌സിനുമുണ്ടായിരുന്നു ഇതുപോലൊരു തുടക്കം. കോളേജില്‍നിന്ന് പുറത്തായി അലഞ്ഞുനടന്നിരുന്ന കാലത്ത് ഞായറാഴ്ചകളില്‍ ഏഴ് മൈലോളം നടന്ന് ഹരേകൃഷ്ണ ക്ഷേത്രത്തില്‍നിന്ന് സൗജന്യ ഭക്ഷണം കഴിച്ചിരുന്ന കാലം. അവിടെനിന്നാണ് അദ്ദേഹം ആപ്പിള്‍ പോലൊരു സ്ഥാപനത്തിന്റെ തലവനായി മാറിയത്. മൈക്രോസോഫ്റ്റ് തളര്‍ന്നിരുന്ന കാലത്ത് ജോബ്‌സ് ഈ ക്ഷേത്രത്തെക്കുറിച്ച് അതിന്റെ തലവന്‍ ബില്‍ഗേറ്റ്‌സിനോട് പറഞ്ഞിരുന്നതായും സൂചനയുണ്ട്. ന്യുയോര്‍ക്ക് ടൈംസിന് നല്‍കിയ അഭിമുഖത്തില്‍ ഇന്ത്യയിലെ ക്ഷേത്രത്തെക്കുറിച്ച് സൂചിപ്പിരിച്ചിരുന്നു എന്ന് പറയുന്നുണ്ട്.
ലോകത്തെ വമ്പന്‍ വ്യവസായികളെ രക്ഷിച്ച ഈ ക്ഷേത്രം നൈനിറ്റാളിലാണെന്ന് കരുതുന്നു. നൈനിറ്റാളിലെ കാഞ്ചി ആശ്രമത്തില്‍ ജോബ്‌സ് എത്തിയിട്ടുണ്ട്. പക്ഷേ, ജോബ്‌സിന് ആശ്രമാധിപതി ബാബ നീം കരോലിയെ അന്ന് കാണാന്‍ സാധിച്ചിരുന്നില്ല. സുക്കര്‍ബര്‍ഗും ഇതേ ആശ്രമത്തിലാണ് എത്തിയിട്ടുള്ളത് എന്നാണ് വിശ്വസിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha