അഫ്ഗാനിസ്ഥാനിലെ ജലാല്‍ബാദ് വിമാനത്താവളത്തില്‍ യു.എസ് സൈന്യത്തിന്റെ ഹെര്‍ക്കുലീസ് സി130 ചരക്കുവിമാനം തകര്‍ന്നുവീണ് 11 പേര്‍ മരിച്ചു. മരിച്ചവരില്‍ ആറുപേര്‍ സൈന്യത്തിനുവേണ്ടി പ്രവര്‍ത്തിക്കുന്നനാട്ടുകാരും മറ്റുള്ളവര്‍ വിമാനത്താവളത്തിലെ ജോലിക്കാരുമാണെന്ന് യു.എസ് സൈന്യത്തിലെ കേണല്‍ ബ്രിയാന്‍ െ്രെടബസ് വാര്‍ത്താ ഏജന്‍സികളെ അറിയിച്ചു. 

അപകടവിവരം ഇന്ന് രാവിലെയാണ് പുറത്തുവിട്ടത്. കൂടുതല്‍ വിവരങ്ങള്‍ യു.എസ് സൈന്യം വെളിപ്പെടുത്തിയിട്ടില്ല. വലിയ ചരക്കുകളും സൈനികരെയും കൊണ്ടുപോകാന്‍ ഉപയോഗിക്കുന്ന വിമാനമാണിത്. സൈനിക പിന്മാറ്റം പ്രഖ്യാപിച്ചെങ്കിലും 10,000 യു.എസ് സൈനികര്‍ പരിശീലനം നല്‍കാനും മറ്റുമായി ഇപ്പോഴും അഫ്ഗാനിസ്ഥാനില്‍ പ്രവര്‍ത്തിക്കുന്നുണ്ട്.
2016 ഓടെ യു.എസ് എമ്പസിയുടെ സുരക്ഷയ്ക്ക് ആവശ്യമായ സൈനികരെ ഒഴികെയുള്ളവരെ പൂര്‍ണമായും പിന്‍വലിക്കുമെന്നും ഒബാമ പ്രഖ്യാപിച്ചിരുന്നു. ഇന്‍ഡൊനീഷ്യയില്‍ കഴിഞ്ഞ ജൂലായില്‍ പൊതുവേ സുരക്ഷിതമെന്ന് കരുതുന്ന ഹെര്‍കുലീസ് വിഭാഗത്തില്‍ പെട്ട സൈനിക വിമാനം തകര്‍ന്ന് വീണ് 140 പേര്‍ മരിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha