ബ്രിട്ടനെ അണുബോംബിട്ട് തകര്ക്കുമെന്ന് റഷ്യ ആ ഭീഷണി വീണ്ടും
യുക്രെയിന്യുദ്ധം ആരംഭിച്ചതിനു ശേഷം പുടിന്റെ പ്രധാന വക്താവായി രംഗത്തെത്തിയ വ്ളാഡിമിര് സൊളൊവ്യോവ് ഇന്നലെ ഇംഗ്ലണ്ടിനെഹിതീരെ പുതിയ ഭീഷണിയുമായി രംഗത്തെത്തി. ഇംഗ്ലണ്ടിനെ സാത്താന് 2 റോക്കറ്റ് ഉപയോഗിച്ച് പൂര്ണ്ണമായും തകര്ക്കും എന്നായിരുന്നു ഭീഷണി. അതേസമയം സ്കോട്ട്ലാന്ഡ്, വെയില്സ്, നോര്ത്തേണ്അയര്ലന്ഡ് എന്നീ അംഗരാജ്യങ്ങളെ ഉപദ്രവിക്കുകയില്ലെന്നും സൊളൊവ്യോവ് പറഞ്ഞു. ഒരു ടെലിവിഷന് ചാറ്റ് ഷോയിലായിരുന്നു ഈ ഭീഷണി മുഴക്കിയത്.
ടി വി അവതാരകനായിരുന്ന സൊളോവ്യോവ് യുദ്ധം ആരംഭിച്ചതോടെ കടുത്ത വിമര്ശനങ്ങളും ഭീഷണികളുമൊക്കെ പാശ്ചാത്യ ചേരിക്കെതിരെ മുഴക്കി ശ്രദ്ധേയനായ വ്യക്തിയാണ്. നേരത്തേ ബ്രിട്ടനെ അപ്പാടും നശിപ്പിക്കുമെന്ന് ഇയാള് പറഞ്ഞിരുന്നു. ഹൈപ്പര്സോണിക് ബാലിസ്റ്റിക് മിസൈല് ഉപയോഗിച്ച് ബ്രിട്ടനെ പൂര്ണ്ണമായും നശിപ്പിക്കും എന്നായിരുന്നു അന്നത്തെ ഭീഷണി. ഇപ്പോള് സ്കോട്ട്ലാന്ഡിനേയും വെയില്സിനേയും നോര്ത്തേണ് അയര്ലന്ഡിനേയും അതില് നിന്നും ഒഴിവാക്കിയിട്ടുണ്ട്.
ചാറ്റ് ഷോയില് പുടിനെ ഏറെ പ്രശംസിച്ച സൊളോവ്യോവ് ബ്രിട്ടീഷ് പ്രധാനമന്ത്രിയേയും സൈനിക തലവന് സര് ടോണി റഡാകിനേൂയും കണക്കറ്റ് പരിഹസിച്ചു. വിവരമില്ലാത്തവനും നിരക്ഷരനും, ആയ സൈനിക മേധാവിക്ക് കക്കാന് മാത്രമേ അറിയൂ എന്നാണ് സൊളോവോവ് പറഞ്ഞത്. ഇന്ന് ബ്രിട്ടീഷ് മ്യുസിയത്തില് ഈജിപ്തിലെ പിരമിഡുകള് ഇല്ലാത്തതിനു കാരണം, അവ മോഷ്ടിച്ച് എടുത്തുകൊണ്ടുവരാന് സാധിക്കാത്തവയായതുകൊണ്ടാണെന്നും സൊളോവ്യോവ് പറഞ്ഞു.
https://www.facebook.com/Malayalivartha
