മറിയത്തിന് ഈ നാട് നന്നെ ഇഷ്ടപ്പെട്ടു പക്ഷേ കിട്ടിയ പണി ഒരിക്കലും മറക്കില്ല. ബ്രിട്ടണില്‍ ജീവിക്കുന്ന സമയത്ത് ഫെയ്‌സ് ബുക്ക് പ്രണയത്തില്‍ ഏര്‍പ്പെട്ടു വിവാഹം കഴിച്ച മലയാളി യുവാവിനെ തേടി കേരളത്തില്‍ എത്തിയ സ്‌കോട്ട്‌ലന്റുകാരി മറിയം ഖാലിഖ ഒടുവില്‍ ഇവിടെ നിന്നും മടങ്ങുകയാണ്, വേദനയോടെ. തന്നെ ഒരിക്കലും സ്വീകരിക്കാന്‍ ഭര്‍ത്താവ് ചാവക്കാട് അകലാട് ബദര്‍പള്ളി ബീച്ചില്‍ കുന്നമ്പത്ത് നൗഷാദ് ഹുസൈനോ വീട്ടുകാര്‍ക്കോ ആകില്ലെന്ന് അറിഞ്ഞ മറിയം വിവാഹമോചനമാണ് അവസാനം തനിക്ക് വിധിച്ചിട്ടുള്ളത് എന്ന് ആശ്വസിച്ചാണ് ബുധനാഴ്ച ലണ്ടനിലേക്ക് മടങ്ങുന്നത്.
തന്റെ മുന്നില്‍ കൊട്ടിയടയ്ക്കപ്പെട്ട പ്രിയതമന്റെ വീടിന്റെ വാതില്‍ ഒരിക്കലും തനിക്ക് മുമ്പില്‍ തുറക്കില്ലെന്ന് തിരിച്ചറിവില്‍ നിന്നാണ് വിവാഹമോചനത്തിലേക്ക് എത്തിയത്.
ഗാര്‍ഹിക പീഡന നിയമമനുസരിച്ച് ഭര്‍തൃ ബന്ധുക്കള്‍ക്കെതിരെ കേസെടുക്കാനും വീട്ടില്‍ കയറി താമസിക്കുന്നതിന് വടക്കേക്കാട് പൊലീസ് സംരക്ഷണം നല്‍കാനും കോടതി ഉത്തരവ് ഉണ്ടായിരുന്നു. പക്ഷെ, ഇത്തവണയും ഭര്‍തൃവീട്ടുകാര്‍ വാതിലുകള്‍ കൊട്ടിയടച്ചു. വാതില്‍ തുറക്കുന്നതും കാത്ത് യുവതിയും അഭിഭാഷകരും മണിക്കൂറുകളോളം പുറത്തിരുന്നവെങ്കിലും തുറന്നില്ല. ഒടുവില്‍ കുത്തിയിരുപ്പ് സമരവും നടത്തി യുവതി.
സ്റ്റുഡന്റ് വിസയില്‍ യുകെയിലെത്തിയ നൗഷാദിനെ ഫേസ്ബുക്കിലൂടെയാണ് ബ്രിട്ടീഷ് പൗരത്വമുള്ള പാക് വംശജ കൂടിയാ മറിയം ഖാലില പരിചയപ്പെട്ടതും വിവാഹം കഴിച്ചതും. എന്നാല്‍ ഈ വര്‍ഷം ജനുവരി ആദ്യം ബ്രിട്ടനില്‍ നിന്നും കേരളത്തിലേക്ക് പോയ ഭര്‍ത്താവിനെ കുറിച്ച് ഒരു വിവരവും ഇല്ലാതിരുന്നതോടെയാണ് മറിയം കേരളത്തിലെത്തുന്നത്. മാസങ്ങള്‍ക്ക് മുമ്പും യുവതി കേരളത്തില്‍ എത്തിയിരുന്നു. അന്നും ഭര്‍ത്താവിന്റെ വീട്ടുകാര്‍ മറിയത്തെ അടുപ്പിച്ചു പോലുമില്ല. വിസാ കാലാവധി തീരായപ്പോഴാണ് അന്ന് മറിയം മടങ്ങിയത്. ഇത്തവണ കുന്നംകുളം മജിസ്‌ട്രേറ്റ് കോടതിയില്‍ നിന്ന് \'ഭര്‍തൃഗൃഹ\'ത്തില്‍ താമസിക്കാനുള്ള ഉത്തരം തേടി തന്റെ അഭിഭാഷകനായ എ.പി. ഇസ്മായില്‍, സുധ ഹരിദാസ് എന്നിവര്‍ക്കൊപ്പമാണ് മറിയം എത്തിയത്.
ഇതിനിടെ അജ്മാനിലേക്ക് കടന്ന നൗഷാദ് ഇപ്പോള്‍ വെറേ വിവാഹം കഴിക്കാനുള്ള പദ്ധതിയിലാണെന്ന് മറിയം അറിഞ്ഞതും, നൗഷാദിനെ കാത്തിരുന്നിട്ട് കാര്യമില്ലെന്ന് സ്‌നേഹപൂര്‍വ്വം ചാവക്കാട് സി.ഐ എ.ജെ. ജോണ്‍സണ്‍ ഉള്‍പ്പെടെയുള്ളവരും പറഞ്ഞു മനസ്സിലാക്കിയതുമാണ് ഒടുവില്‍ വിവാഹമോചന തീരുമാനമെടുക്കാന്‍ മറിയത്തെ പ്രേരിപ്പിച്ചത്.
യുകെയിലെ നിയമപ്രകാരം വിവാഹം കഴിച്ചതിനാല്‍ വിവാഹമോചനത്തിനുള്ള നിയമപരമായ നടപടികള്‍ പൂര്‍ത്തിയാക്കി ആറുമാസത്തിനകം മറിയം തിരിച്ചുവരും. ഇതിനായി നൗഷാദിന്റെ സമ്മതപത്രവും വേണം. പ്രണയം കാര്യസാധ്യത്തിന് മാത്രമായി ചിലര്‍ കാണുമ്പോള്‍ എല്ലാ വിദേശികളും ഒരുപോലല്ലെന്ന് മറിയം തെളിയിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha