യുഎന്നില് ഇന്ത്യയോട് ഇരന്നുവാങ്ങി പാകിസ്ഥാന്;കശ്മീര് വിഷയം പൊക്കിപ്പിടിച്ചോണ്ട് വന്നു,ഇന്ത്യന് പ്രതിനിധി വാരിയലക്കി,പോയി സ്വന്തം കാര്യം നോക്കാന് ഇന്ത്യയുടെ കിണ്ണംകാച്ചിയ മറുപടി,നാണംകെട്ട് പാകിസ്ഥാന് പ്രതിനിധി
കിട്ടിയില്ലെങ്കില് ചോദിച്ച് മേടിക്കാന് നടക്കുകയാണ് പാകിസ്ഥാന്. യുഎന്നില് ഇന്ത്യയെ അടിക്കാന് നോക്കി മേടിച്ച് കൂട്ടി. വീണ്ടും കശ്മീര് വിഷയവും പൊക്കിപ്പിടിച്ചോണ്ട് ചെന്നതാ ഇന്ത്യന് പ്രതിനിധി വാരിയലക്കി. ഉപജീവനത്തിനായി വലയുന്ന സ്വന്തം ജനങ്ങളുടെ കാര്യം ശ്രദ്ധിക്കൂ വെറുതെ കശ്മീരിലേക്ക് നോക്കി വെള്ളമിറക്കണ്ടായെന്ന് ഇന്ത്യയുടെ മറുപടി. അന്താരാഷ്ട്ര വേദികളില് സംസാരിക്കാന് അവസരം കിട്ടിയാല് സ്വന്തം രാജ്യത്തിന്റെയും ജനങ്ങളുടേയും കാര്യം പറയാന് പാക് ഭരണകൂടത്തിന് താല്പര്യമില്ല. പകരം കശ്മീര് വിഷയം ഇന്ത്യയിലെ മുസ്ലിങ്ങളുടെ കാര്യം ഇതൊക്കെ പറയാനാണ് താല്പര്യം. എങ്ങനെയും ഇന്ത്യയെ നാണംകെടുത്തണം അതാണ് പാക്കിന്റെ ആവശ്യം. അതിന് വാസ്തവ വിരുദ്ധമായ കാര്യങ്ങള് പടച്ചുവിടും. പിന്നീട് ഇന്ത്യയുടെ ചോദ്യങ്ങള്ക്ക് മറുപടി ഇല്ലാതെ തലകുനിച്ച് നില്ക്കും.
കശ്മീര് വിഷയത്തില് ഇന്ത്യയെ വിമര്ശിച്ച പാക്കിസ്ഥാന് വിദേശകാര്യ സഹമന്ത്രി ഹിന റബ്ബാനി ഖറിന് ഐക്യരാഷ്ട്ര സംഘടനയുടെ മനുഷ്യാവകാശ കൗണ്സിലില് ചുട്ടമറുപടി നല്കി ഇന്ത്യ. ''സ്വന്തം രാജ്യത്തെ ജനങ്ങള് ഉപജീവനത്തിനും സ്വാതന്ത്ര്യത്തിനും വേണ്ടി പേരാടുമ്പോള്, പാക്കിസ്ഥാന്റെ ശ്രദ്ധ തെറ്റായ കാര്യങ്ങളിലാണ്. ആ രാജ്യത്തെ നേതൃത്വത്തോടും ഉദ്യോഗസ്ഥരോടും അടിസ്ഥാനരഹിതമായ പ്രചാരണത്തിനുപകരം സ്വന്തം ജനതയുടെ കാര്യത്തില് ശ്രദ്ധിക്കാന് ഉപദേശിക്കുന്നു'' കൗണ്സിലില് സംസാരിച്ച ഇന്ത്യയുടെ പ്രതിനിധി സീമ പൂജാനി പറഞ്ഞു.
ഇന്ത്യന് അധിനിവേശ അധികാരികള്, വീടുകള് പൊളിച്ചും ഭൂമിയുടെ പാട്ടം അവസാനിപ്പിച്ചും കശ്മീരികളുടെ ഉപജീവനമാര്ഗങ്ങള് ഇല്ലാതാക്കി, കശ്മീരികള്ക്കെതിരായ ശിക്ഷ വര്ധിപ്പിച്ചിരിക്കുന്നു'' എന്ന് ഹിന റബ്ബാനി ഖാര് വ്യാഴാഴ്ച പറഞ്ഞിരുന്നു. ജമ്മു കശ്മീരിനെ കുറിച്ച് തുര്ക്കി പ്രതിനിധിയും ഓര്ഗനൈസേഷന് ഓഫ് ഇസ്ലാമിക് കോര്പറേഷനും നടത്തിയ അഭിപ്രായങ്ങളെയും സീമ പൂജാനി അപലപിച്ചു. ഇന്ത്യയുടെ ആഭ്യന്തരമായ ഒരു വിഷയത്തില് തുര്ക്കി നടത്തിയ അഭിപ്രായങ്ങളെ അപലപിക്കുന്നു. ഞങ്ങളുടെ ആഭ്യന്തര കാര്യങ്ങളില് ആവശ്യപ്പെടാത്ത അഭിപ്രായങ്ങള് പറയുന്നതില് നിന്ന് വിട്ടുനില്ക്കാന് അവരെ ഉപദേശിക്കുന്നു'' സീമ പൂജാനി പറഞ്ഞു. ഒഐസിയുടെ ജമ്മു കശ്മീരിനെക്കുറിച്ചുള്ള അനാവശ്യ പരാമര്ശങ്ങള് നിരസിക്കുന്നു. ജമ്മുകശ്മീര്, ലഡാക്ക് എന്നീ കേന്ദ്രഭരണ പ്രദേശങ്ങളിലെ മുഴുവന് പ്രദേശങ്ങളും എപ്പോഴും ഇന്ത്യയുടെ ഭാഗമായിരിക്കും എന്നതാണ് വസ്തുത. ഇന്ത്യന് പ്രദേശത്ത് പാക്കിസ്ഥാന് നിയമവിരുദ്ധമായ അധിനിവേശത്തിലാണ്. ഭരണകൂടം സ്പോണ്സര് ചെയ്യുന്ന ഭീകരവാദം ഉപേക്ഷിക്കാനും ഇന്ത്യന് പ്രദേശത്തെ അധിനിവേശം പിന്വലിക്കാനും അതിന്റെ അംഗമായ പാക്കിസ്ഥാനോട് ആവശ്യപ്പെടുന്നതിനുപകരം, ഒഐസി, ഇന്ത്യയ്ക്കെതിരെ ദുരുദ്ദേശ്യപരമായ പ്രചരണത്തിന് അനുവാദം നല്കുകയായിരുന്നു'' സീമ പൂജാനി കൂട്ടിച്ചേര്ത്തു.
യുഎന്നില് സംസാരിക്കാന് അവസരം കിട്ടുമ്പോഴൊക്കെ കശ്മീര് കശ്മീര് എന്ന് പറയാനേ പാക് പ്രതിനിധികള്ക്ക് സമയമുള്ളു. കടുത്ത സാമ്പത്തിക പ്രതിസന്ധികളിലൂടെയാണ് പാകിസ്ഥാന് കടന്നുപോകുന്നത്. വിലക്കയറ്റം രൂക്ഷം. ജനം പട്ടിണി കിടക്കുകയാണ്. ഇതിനേക്കുറിച്ചൊന്നും ഒരക്ഷരം പാകിസ്ഥാന് പറയുന്നില്ല. ജനങ്ങള്ക്ക് വേണ്ടി ലോകരാജ്യങ്ങളോട് സഹായം അഭ്യര്ത്ഥിക്കുന്നില്ല. പകരം ഇന്ത്യന് സര്ക്കാര് കശ്മീരില് അരാജകത്വം കാണിക്കുന്നു,മുസ്ലീങ്ങളെ വേട്ടയാടുന്നു പല്ലവി ആവര്ത്തിക്കുന്നു. അതിനുള്ള ഡോസാണ് ഇന്ത്യന് പ്രതിനിധികള് കൊടുത്ത് കൊണ്ടിരിക്കുന്നത്. കിട്ടിയില്ലെങ്കില് ചോദിച്ച് മേടിക്കും.
https://www.facebook.com/Malayalivartha
