ജര്‍മന്‍ ചാന്‍സലര്‍ ആംഗല മെര്‍ക്കലിനെ ടൈം മാഗസിന്റെ പേഴ്‌സണ്‍ ഓഫ് ദി ഇയറായി തെരഞ്ഞെടുത്തു. യൂറോപ്യന്‍ കുടിയേറ്റ പ്രതിസന്ധിയിലും ഗ്രീക്ക് കടക്കെണി പ്രശ്‌നത്തിലും മെര്‍ക്കലെടുത്ത നിലപാടുകളാണ് അവരെ \'പേഴ്‌സണ്‍ ഓഫ് ദി ഇയര്‍\' പുരസ്‌കാരത്തിന് അര്‍ഹയാക്കിയത്. ടൈം എഡിറ്റര്‍ നാന്‍സി ഗിബ്‌സാണ് മെര്‍ക്കലിന്റെ പുരസ്‌കാര വിവരം പുറത്തുവിട്ടത്.
അഡോള്‍ഫ് ഹിറ്റ്‌ലര്‍, ജോസഫ് സ്റ്റാലിന്‍, മഹാത്മാ ഗാന്ധി, വിന്‍സ്റ്റണ്‍ ചര്‍ച്ചില്‍, റിച്ചാര്‍ഡ് നിക്‌സണ്‍ എന്നീ പ്രമുഖരുടെ നിരയിലേക്കാണ് പുരസ്‌കാര നേട്ടത്തിലൂടെ മെര്‍ക്കലും ഇടംപിടിച്ചത്. 1927ല്‍ പേഴ്‌സണ്‍ ഓഫ് ദി ഇയര്‍ പ്രഖ്യാപനം ആരംഭിച്ചശേഷം പുരസ്‌കാരം നേടുന്ന നാലാമത്തെ വനിതയാണ് മെര്‍ക്കല്‍.

29 വര്‍ഷത്തിനിടെയുള്ള ആദ്യ വനിതയും. ഇസ്്‌ലാമിക് സ്റ്റേറ്റ് നേതാവ് അബൂബക്കര്‍ അല്‍ ബാഗ്ദാദിയാണ് റണ്ണറപ് പുരസ്‌കാരത്തിന് അര്‍ഹനായിരിക്കുന്നത്. റിപ്പബ്‌ളിക്കന്‍ പാര്‍ട്ടിയുടെ പ്രസിഡന്റ് സ്ഥാനാര്‍ഥി ഡൊണാള്‍ഡ് ട്രംപ് മൂന്നാം സ്ഥാനത്തെത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha