ബിര്‍മിംഗ്ഹാം സിറ്റി കൗണ്‍സില്‍ യോഗം നടക്കുന്നതിനിടയില്‍ കയ്യാങ്കളി: മേയറേയും, കൗണ്‍സില്‍ അംഗത്തേയും പരിക്കുകളോടെ ആശുപത്രയില്‍ പ്രവേശിപ്പിച്ചു
ബിര്‍മിംഗ്ഹാം സിറ്റി കൗണ്‍സില്‍ യോഗം നടക്കുന്നതിനിടയില്‍ ഉണ്ടായ വാക്കേറ്റം കയ്യാങ്കളിയില്‍ എത്തിയതിനെ തുടര്‍ന്നു പരിക്കേറ്റ മേയറേയും, കൗണ്‍സില്‍ അംഗത്തേയും പരിക്കുകളോടെ ആശുപത്രയില്‍ പ്രവേശിപ്പിച്ചതായി പോലീസ് ചീഫ് എ.സി. റോപ്പര്‍ പറഞ്ഞു. മേയറുടെ ചേംബറിനു സമീപമുള്ള മുറിയില്‍ മേയര്‍ വില്യം ബെല്ലും, കൗണ്‍സില്‍ അംഗം മാര്‍ക്കസ് ലങ്ങിയും തമ്മില്‍ ചില വിഷയങ്ങളിലുണ്ടായ തര്‍ക്കമാണ് കയ്യാങ്കളിയില്‍ അവസാനിച്ചതെന്നും, ആരാണ് സംഘര്‍ഷത്തിന് ഉത്തരവാദിയെന്ന് പറയാനാവില്ലെന്നും പോലീസ് വെളിപ്പെടുത്തി.
മേയറാണ് കൗണ്‍സില്‍ മെമ്പറെ മര്‍ദിച്ചതെന്നു കൗണ്‍സില്‍ പ്രസിഡന്റ് ജോനാഥന്‍ ഓസ്റ്റിന്‍ നടത്തിയ പത്രസമ്മേളനത്തില്‍ ആരോപിച്ചു. സംഭവത്തെക്കുറിച്ച് കൂടുതല്‍ വിശദീകരിക്കാന്‍ പോലീസ് ചീഫ് വിസമ്മതിച്ചു.
അലബാമയിലെ ഏറ്റവും വലിയ സിറ്റിയായ ബിര്‍മിംഗ്ഹാമില്‍ നടന്ന സംഭവത്തിനു പുറകില്‍ മേയറും അംഗവും തമ്മിലുള്ള അധികാരവടംവലിയാണിതെന്ന് കൗണ്‍സില്‍ വനിതാ മെമ്പര്‍ കിം ഫെര്‍ട്ടി അഭിപ്രായപ്പെട്ടു. 66കാരനായ വില്യം ബെല്‍ 2010ലാണ് മേയറായി തെരഞ്ഞെടുക്കപ്പെട്ടത്. 2013ല്‍ കൗണ്‍സില്‍ അംഗമായി തെരഞ്ഞെടുക്കപ്പെട്ട മാര്‍ക്കസ് നിരവധി കമ്പനികളില്‍ എക്‌സിക്യൂട്ടീവായി പ്രവര്‍ത്തിച്ചിരുന്നു. ഇപ്പോള്‍ സിറ്റി എക്കണോമിക് ഡവലപ്‌മെന്റ്, ബജറ്റ് ആന്‍ഡ് ഫിനാന്‍സ് കമ്മിറ്റി അംഗം എന്നീ നിലകളില്‍ പ്രവര്‍ത്തിക്കുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
