ക്ലോണിങ്ങിലൂടെ ഡോളി എന്ന ആട്ടിന്‍കുട്ടിക്കു ജന്മം നല്‍കിയ ശാസ്ത്രസംഘത്തെ നയിച്ച ഇയാന് വില്‍മട് അന്തരിച്ചു
ക്ലോണിങ്ങിലൂടെ ഡോളി എന്ന ആട്ടിന്‍കുട്ടിക്കു ജന്മം നല്‍കിയ ശാസ്ത്രസംഘത്തെ നയിച്ച ഇയാന് വില്‍മട് അന്തരിച്ചു. 1996 ലാണ് പരീക്ഷണം നടത്തിയത്. ക്ലോണിങ്ങിനോടു വിടപറഞ്ഞശേഷം വിത്തുകോശ (സ്റ്റെം സെല്‍) ഗവേഷണത്തിലായിരുന്നു വില്‍മട്ടെന്ന് എഡിന്‍ബറ സര്‍വകലാശാല അധികൃതര്‍ .
1944 ജൂലൈ ഏഴിന് ഇംഗ്ലണ്ടിലെ ഹാംപ്ടണ്‍ ലൂസിയില്‍ ജനിച്ച ഇയാന് അഞ്ചാം വയസ്സില്‍ ക്രിസ് പോള്‍ഗ് എന്ന ശാസ്ത്രജ്ഞനുമായുണ്ടായ സൗഹൃദമാണു ഗവേഷണമേഖലയിലേക്ക് നയിച്ചത്.
ജീവകോശങ്ങള്‍ ശീതീകരിച്ചു സൂക്ഷിച്ചു വീണ്ടും ഉപയോഗിക്കുന്നതിനുള്ള മാര്‍ഗം കണ്ടെത്തിയ ക്രിസ് പോള്‍ഗിനെ പിന്തുടര്‍ന്നു ജീവശാസ്ത്രജ്ഞനായി. ഗവേഷണത്തിനു കേംബ്രിജ് യൂണിവേഴ്സിറ്റിയിലേക്കു പോയ വില്‍മട് ആദ്യം പരീക്ഷിച്ചത് ക്രിസ് പോള്‍ഗിന്റെ സങ്കേതമായിരുന്നു. ശീതീകരിച്ചു സൂക്ഷിച്ച ഭ്രൂണത്തില്‍ നിന്ന് അദ്ദേഹം 'ഫ്രോസ്റ്റി' എന്ന പശുക്കിടാവിനെ സൃഷ്ടിച്ചു.
പിന്നീട്, സ്‌കോട്ലന്‍ഡിലെ റോസ്ലിന്‍ ഇന്‍സ്റ്റിറ്റ്യൂട്ടിലെത്തുന്നതോടെയാണു 'ഡോളി'യുടെ ജനനത്തില്‍ പങ്കാളിയാവുന്നത്. മനുഷ്യന്‍ ഉള്‍പ്പെടുന്ന സസ്തനികള്‍ പുതുതലമുറയ്ക്ക് ജന്മം നല്‍കുന്ന ലൈംഗിക പ്രത്യുല്‍പാദന രീതിക്കു പകരം ആണിന്റെ സാന്നിധ്യം ഇല്ലാതെ 3 പെണ്‍ചെമ്മരിയാടുകളുടെ അണ്ഡകോശങ്ങള്‍ ക്ലോണ്‍ ചെയ്ത് ഡോളിയെ സൃഷ്ടിച്ചതു ചരിത്രമായി മാറി.
https://www.facebook.com/Malayalivartha
