ഹമാസ് ആക്രമണം... ഇസ്രയേലിലേക്കും തിരിച്ചുമുള്ള വിമാന സര്വീസുകള് എയര് ഇന്ത്യ റദ്ദാക്കി
ഹമാസ് ആക്രമണത്തെ തുടര്ന്ന് ഇസ്രയേലിലേക്കും തിരിച്ചുമുള്ള വിമാന സര്വീസുകള് എയര് ഇന്ത്യ റദ്ദാക്കി. ഗാസയില് നിന്ന് ഹമാസ് തീവ്രവാദികള് നടത്തിയ വന് ആക്രമണത്തെത്തുടര്ന്ന് ഇസ്രായേലില് യുദ്ധാവസ്ഥ പ്രഖ്യാപിച്ചതിന് പിന്നാലെയാണ് റദ്ദാക്കല്. ''ഞങ്ങളുടെ അതിഥികളുടെയും ജീവനക്കാരുടെയും താല്പ്പര്യങ്ങളും സുരക്ഷയും കണക്കിലെടുത്ത് 2023 ഒക്ടോബര് 07 ന് ഡല്ഹിയില് നിന്ന് ടെല് അവീവിലേക്കുള്ള AI139 ഉം ടെല് അവീവില് നിന്ന് ഡല്ഹിയിലേക്കുള്ള മടക്ക വിമാനം AI140 ഉം റദ്ദാക്കി. യാത്രക്കാര്ക്ക് അവരുടെ ആവശ്യങ്ങള്ക്കനുസരിച്ച് എല്ലാ പിന്തുണയും നല്കുന്നു.'- എയര് കാരിയര് വക്താവ് പറഞ്ഞു
തെക്കന് ഇസ്രായേലില് പലസ്തീന് പോരാളികളും സുരക്ഷാ സേനയും തമ്മിലുള്ള ഏറ്റുമുട്ടലില് 40 ഇസ്രായേലികളുടെ ജീവന് അപഹരിക്കുകയും 740 പേര്ക്ക് പരിക്കേല്ക്കുകയും ചെയ്തു. യുദ്ധാവസ്ഥയെ തുടര്ന്ന് ഇസ്രായേലിലെ ഇന്ത്യക്കാരോട് ജാഗ്രത പാലിക്കാനും സുരക്ഷാ പ്രോട്ടോക്കോളുകള് പാലിക്കാനും ആവശ്യപ്പെട്ട് ഇന്ത്യന് എംബസി.
'ഇസ്രായേലിലെ നിലവിലെ സാഹചര്യം കണക്കിലെടുത്ത്, എല്ലാ ഇന്ത്യന് പൗരന്മാരും ജാഗ്രത പാലിക്കാനും പ്രാദേശിക അധികാരികളുടെ ഉപദേശപ്രകാരം സുരക്ഷാ പ്രോട്ടോക്കോളുകള് പാലിക്കാനും അഭ്യര്ത്ഥിക്കുന്നു. ദയവായി ജാഗ്രത പാലിക്കുക, അനാവശ്യ സഞ്ചാരം ഒഴിവാക്കുക, സുരക്ഷാ ഷെല്ട്ടറുകള്ക്ക് സമീപം തുടരുക,' -എംബസി പ്രസ്താവനയിലൂടെ പറഞ്ഞു.
അടിയന്തര സാഹചര്യത്തില് ഉദ്യോഗസ്ഥരുമായി ബന്ധപ്പെടാനും എംബസി അധികൃതര് പൗരന്മാരോട് അഭ്യര്ത്ഥിച്ചു. വര്ഷള്ക്ക് ശേഷം ഇസ്രയേലിനെതിരെ നടന്ന വലിയ ആക്രമണമാണിത്. ഗാസയില് നിന്ന് 5,000 റോക്കറ്റുകലാണ് ഹമാസ് വിക്ഷേപിച്ചത്. ഇതേ തുടര്ന്ന് ശനിയാഴ്ച ഇസ്രായേലില് യുദ്ധാവസ്ഥ പ്രഖ്യാപിച്ചു. സംഘത്തിലെ സായുധരായ നിരവധി തീവ്രവാദികള് അതിര്ത്തി കടന്ന് ഇസ്രായേലിലേക്ക് നുഴഞ്ഞുകയറിയിട്ടുണ്ട്.
അതേസമയം രാജ്യത്തെ സ്ഥിതിഗതികള് വഷളായതിനെ തുടര്ന്ന് ഇസ്രായേല് പ്രധാനമന്ത്രി ബെഞ്ചമിന് നെതന്യാഹു ഒരു വീഡിയോ പ്രസ്താവന പുറത്തിറക്കി. 'ഞങ്ങള് യുദ്ധത്തിലാണ്, വിജയിക്കും. ഈ ആക്രമണത്തിന് ശത്രു ഒരിക്കലും പ്രതീക്ഷിക്കാത്ത തരത്തിലുള്ള വില നല്കേണ്ടിവരും,'' നെതന്യാഹു വീഡിയോ പ്രസ്താവനയില് പറഞ്ഞു.
https://www.facebook.com/Malayalivartha
