മുഴുവന്‍ ഇസ്രായേല്‍ സൈനികരെയും വിട്ടയക്കാം; പക്ഷേ... ഹമാസ് ആവശ്യപ്പെടുന്നത് ഇസ്രായേല്‍ ജയിലിലുള്ള ഹമാസ് നേതാക്കളുള്‍പ്പടെയുള്ള പതിനായിരം തടവുകാരെയാണ് . മുന്‍പ് യാഹ്യ സിന്‍വരെന്ന യുദ്ധാക്കിറുക്കനെ പുറത്തിറക്കാന്‍ ഹമാസ് കളിച്ച ആ നാറിയ കളി തന്നെയാണ് ഇപ്പോഴും ആവര്‍ത്തിക്കുന്നത്

പശ്ചിമേഷ്യയില്‍ സമാധാന ശ്രമങ്ങള്‍ പുരോഗമിക്കുമ്പോഴാണ് ഹമാസിന്റെ പ്രതികരണം ചര്‍ച്ചയാകുന്നത് . തങ്ങളുടെ തടവിലുള്ള ഇസ്രായേല്‍ സൈനികരെ എല്ലാവരെയും വിട്ടയക്കാമെന്നും എന്നാല്‍ ഉപാധിയുണ്ടെന്നും ഹമാസ് നേതൃത്വം അറിയിച്ചു.അതേസമയം ഇന്ന് ഹമാസ് വിട്ടയച്ചത് ഏഴു ബന്ധികളെയും മരിച്ചുപോയ ഏഴുപേരുടെ മൃതദേഹങ്ങളുമാണ് . 24 മണിക്കൂറിനുള്ളില്‍ 10 ബന്ദികളെ വിട്ടയച്ചില്ലെങ്കില്‍ യുദ്ധം ആരംഭിക്കുമെന്ന് ഇസ്രായേല്‍ വ്യക്തമാക്കിയിട്ടുണ്ട് . അതിനു മറുപടിയായി ഹമാസ് പറയുന്നത് 7000ത്തിലധികം വരുന്ന പലസ്തീന്‍കാര്‍ ഇസ്രായേല്‍ ജയിലിലുണ്ട്,അവരെ വിട്ടയച്ചാല്‍ മുഴുവന്‍ ബന്ദികളെയും ജീവനോടെ വിട്ടയയ്ക്കാമെന്നാണ് . 3 കുട്ടികളും 24 സ്ത്രീകളും 150 ല്‍ അധികം പുരുഷ ബന്ദികളും ഹമാസിന്റെ കൈവശമുണ്ടെന്നാണ് കരുതുന്നത് . ഇവരില്‍ എത്രപേര്‍ ജീവനോടെ ഉണ്ടെന്നുള്ളതിലും ഇസ്രായേലിനു സംശയമുണ്ട് .

ആക്രമണത്തില്‍ 60 ഇസ്രായേല്‍ ബന്ദികള്‍ കൊല്ലപ്പെട്ടുവെന്ന് മൂന്നാഴ്ച മുമ്പ് ഹമാസ് അറിയിച്ചിരുന്നു. ബന്ദികളുടെ കൂട്ടത്തില്‍ 10 മാസം പ്രായമായ കുഞ്ഞുമുണ്ടെന്ന് ഹമാസ് പറയുന്നു. ഇക്കാര്യം പ്രത്യേകം അന്വേഷിക്കുന്നുണ്ടെന്ന് ഇസ്രായേല്‍ സൈന്യം പ്രതികരിച്ചു.
ഖത്തര്‍ മധ്യസ്ഥത പ്രകാരം ഒരു ബന്ധിക്ക് 3 പലസ്തീന്‍ തടവുകാരെ വിട്ടയയ്ക്കണം എന്നാണു വ്യവസ്ഥ . ഹമാസിന്റെ പക്കലുള്ള സൈനികരെ ഇതുവരെ വിട്ടു നല്‍കിയിട്ടില്ല. സൈനികരെ വിട്ടു നല്‍കണമെങ്കില്‍ തങ്ങളുടെ ഡിമാന്‍ഡ് അംഗീകരിക്കണമെന്നാണ് ഹമാസ് പറയുന്നത് .

ദക്ഷിണാഫ്രിക്കയിലെ കേപ്ടൗണില്‍ സന്ദര്‍ശനത്തിന് എത്തിയ ഗാസ മുന്‍ ആരോഗ്യമന്ത്രിയും ഹമാസ് നേതാവുമായ ബാസിം നയിം ആണ് ഇക്കാര്യത്തില്‍ പ്രതികരിച്ചത്. ഗാസയില്‍ നിന്നും വെസ്റ്റ് ബാങ്കില്‍ നിന്നും ജറുസലേമില്‍ നിന്നും ഇസ്രായേല്‍ സൈന്യം പതിനായിരത്തോളം പലസ്തീന്‍കാരെ തടവിലാക്കിയിട്ടുണ്ട്. വര്‍ഷങ്ങളായി ഇസ്രായേല്‍ ജയിലില്‍ കഴിയുന്ന എല്ലാ പലസ്തീന്‍കാരെയും വിട്ടയച്ചാല്‍ മുഴുവന്‍ ഇസ്രായേലികളെയും മോചിപ്പിക്കാന്‍ ഹമാസ് തയ്യാറാണ് എന്നാണ് ബാസിം നയിം മാധ്യമങ്ങളോട് പറഞ്ഞത്. ഖത്തറിന്റെ മധ്യസ്ഥതയില്‍ സമാധാന ശ്രമങ്ങള്‍ പുരോഗമിക്കുകയാണ്. വെടിനിര്‍ത്തല്‍ ഒരു ദിവസം കൂടി നീട്ടാന്‍ ഹമാസും ഇസ്രായേലും തയ്യാറായിട്ടുണ്ട്. ഇതോടെ ഏഴാം ദിവസത്തിലേക്കാണ് വെടിനിര്‍ത്തല്‍ കടന്നിരിക്കുന്നത്. ഇതിനകം 250 ഓളം പേര്‍ ഇരുഭാഗത്ത് നിന്നും മോചിതരായി. എന്നാല്‍ നിരവധി പലസ്തീന്‍കാരെ ഇസ്രായേല്‍ സൈന്യം വെസ്റ്റ് ബാങ്കില്‍ നിന്ന് അറസ്റ്റ് ചെയ്യുന്നുണ്ട്.

ആദ്യം നാല് ദിവസത്തെ വെടിനിര്‍ത്തലാണ് ഇരുപക്ഷവും അംഗീകരിച്ചത്. പിന്നീട് രണ്ട് ദിവസം കൂടി നീട്ടി. ഇപ്പോള്‍ ഒരു ദിവസം കൂടി നീട്ടിയിരിക്കുകയാണ്. സുസ്ഥിരമായ വെടിനിര്‍ത്തലിന് വേണ്ടിയുള്ള ചര്‍ച്ചകള്‍ പുരോഗമിക്കുകയാണ്. ഖത്തര്‍, ഈജിപ്ത്, അമേരിക്ക, ഇസ്രായേല്‍, ഹമാസ് എന്നീ കക്ഷികളാണ് ചര്‍ച്ചയില്‍ ഭാഗമാകുന്നത്. പിടികൂടിയവരെ വച്ച് വില പേശാനുള്ള തന്ത്രമാണ് ഹമാസിന്റേത്. ഇസ്രായേല്‍ ജയിലിലുള്ള പലസ്തീന്‍കാരുടെ മോചനമാണ് ഹമാസ് ആവശ്യപ്പെടുന്നത്.

2011ല്‍ ഇസ്രായേല്‍ സൈനികന്‍ ഗിലാദ് ഷാലിത്തിനെ ഹമാസ് വിട്ടുകൊടുത്തത് ആയിരത്തിലധികം പലസ്തീന്‍കാര്‍ക്ക് പകരമായിട്ടാണ്. അന്ന്ആ യിരം പലസ്തീന്‍ തടവുകാരെ മോചിപ്പിച്ച കൂട്ടത്തില്‍ യാഹ്യ സിന്‍വറും ഉണ്ടായിരുന്നു. ഹമാസിന്റെ ഹിറ്റലര്‍ എന്നറിയപ്പെടുന്ന യാഹ്യ സിന്‍വരെ പിടികൂടേണ്ടത് ഇസ്രയേലിന്റെ ആവശ്യമാണ് . ഹമാസ് ഇനി യുദ്ധത്തിനില്ലെന്നും വെടിനിര്‍ത്തല്‍ ആഗ്രഹിക്കുന്നു എന്നും ഇസ്രായേല്‍ നേതാക്കളെ പറഞ്ഞ് വിശ്വസിപ്പി ച്ച് 18000 ചെറുപ്പക്കാരെ ഇസ്രയേലി വര്‍ക്ക് പെര്‍മിറ്റ് എടുപ്പിച്ച് ഇസ്രയേലിലേക്ക് അയച്ചത് യഹ്‌യാസിന്‍വര്‍ ആണ് ..രണ്ടു വര്‍ഷത്തെ കുറ്റമറ്റ ആസൂത്രണത്തിന് ശേഷമാണ് ഹമാസ് ഇസ്രയേലിന്റെ അതിര്‍ത്തി മുറിച്ച് കടന്ന് ഒക്ടോബര്‍ ഏഴിന് ആക്രമണം അഴിച്ചുവിട്ടത്. ഇസ്രയേലി വനിതകളെ ബലാത്സംഗം ചെയ്ത് കൊന്നും കുട്ടികളെ വെടിവെച്ചും ക്രൂരമായ അഴിഞ്ഞാട്ടം. ആയിരക്കണക്കിന് ഇസ്രയേലികള്‍ കൊല്ലപ്പെട്ടു. ഇതിനു പ്രതികാരം ചെയ്യാതെ ഇസ്രായേല്‍ അടങ്ങില്ല . ഏതു തുരങ്കത്തില്‍ പോയൊളിച്ചാലും യഹ്യ സിന്‍വരെന്ന ഭീകരന്റെ തലവെട്ടാതെ ഇസ്രായേല്‍ വിശ്രമിക്കില്ല.

ഈ സാഹചര്യത്തില്‍ നിരവധി ഇസ്രായേല്‍ സൈനികരെ തടവിലാക്കിയ ഹമാസ് വേഗത്തില്‍ വഴങ്ങില്ല എന്ന് ഉറപ്പാണ്. 10000 ത്തോളം പലസ്തീന്‍കാര്‍ ഇസ്രായേല്‍ ജയിലിലുണ്ട് എന്നാണ് ഔദ്യോഗിക കണക്കുകള്‍ ഉദ്ധരിച്ച് ആക്ടിവിസ്റ്റുകള്‍ പറയുന്നത്. പലസ്തീനിലെ പല പ്രമുഖ നേതാക്കളും തടവിലാണ്.ഇവരെ വിട്ടുകിട്ടുന്നത്തിനൊപ്പം യാഹ്യ സിന്‍വരെ സുരക്ഷിതമാക്കുക എന്ന ലക്ഷ്യവും ഇറാനും ഹമാസിനും ഉണ്ട് .. ഇതുവരെ ഇരുഭാഗവും വിട്ടയച്ചത് സ്ത്രീകളെയും കുട്ടികളെയും പ്രായമായവരെയും മാത്രമാണ്. ഗാസയില്‍ ഇസ്രായേല്‍ നടത്തിയ വെടിനിര്‍ത്തല്‍ തുടരണം എന്ന അഭിപ്രായത്തിലേക്ക് യൂറോപ്യന്‍ രാജ്യങ്ങളും എത്തിയിട്ടുണ്ട്.