ടണലുകള്‍ കേന്ദ്രീകരിച്ചുള്ള ഹമാസിന്റെ സൈനിക സംവിധാനങ്ങള്‍ ഇപ്പോഴും ശക്തമാണെന്ന് ആശങ്ക അറിയിച്ച് ഇസ്രായേല്‍ സൈന്യം. അല്‍-ഷിഫ ആശുപത്രിക്ക് കീഴിലുള്ള ഹമാസ് കമാന്‍ഡ് ആന്‍ഡ് കണ്‍ട്രോള്‍ സെന്ററിനായുള്ള വേട്ട തുടരുന്നതിനാല്‍ തങ്ങളുടെ സൈന്യം വടക്കന്‍ മേഖലയുടെ നിയന്ത്രണം ഏകീകരിക്കുകയാണെന്ന് ഇസ്രായേല്‍ പറഞ്ഞു. ഇന്ന് സൈന്യം കോമ്പൗണ്ടില്‍ പ്രവേശിച്ചത് മുതല്‍, ഒരു തുരങ്കത്തിന്റെ പ്രവേശന കവാടവും കോമ്പൗണ്ടിനുള്ളില്‍ ഒരു ട്രക്കില്‍ നിന്ന് ആയുധങ്ങളും കണ്ടെത്തിയതായി അവകാശപ്പെടുന്നതിന്റെ ചിത്രങ്ങള്‍ പുറത്ത് വിട്ടു.

എന്നാല്‍ ഹമാസ് പ്രവര്‍ത്തനത്തിന് കൂടുതല്‍ തെളിവുകളില്ല. ഹമാസ് പോരാളികള്‍ രോഗികളെയും, ഡോക്ടര്‍മാരെയും മനുഷ്യ കവചമായി ഉപയോഗിച്ചെന്നും, ബന്ദികളെ ഇവിടെ പാര്‍പ്പിച്ചിരുന്നതെയും ഇസ്രായേല്‍ അധികൃതര്‍ പറഞ്ഞു. ഹമാസ് ശൃംഖലകളെക്കുറിച്ചും ആശുപത്രിക്ക് കീഴിലുള്ള സംഭരണ സ്ഥലങ്ങളെക്കുറിച്ചും വിശദമായി അവകാശപ്പെടുന്ന സാറ്റലൈറ്റ് മാപ്പുകളും കമ്പ്യൂട്ടര്‍ ആനിമേഷനും ഇസ്രായേല്‍ പുറത്തിറക്കി. ഇസ്രയേലിന്റെ അവകാശവാദങ്ങളെ പിന്തുണയ്ക്കാന്‍ തങ്ങളുടെ പക്കല്‍ ഇന്റലിജന്‍സ് ഉണ്ടെന്ന് യുഎസ് പറഞ്ഞു.

ഹമാസ് തുരങ്കങ്ങളിലേക്കുള്ള പ്രവേശന കവാടങ്ങള്‍ നന്നായി മറഞ്ഞിരിക്കുമെന്നും അവ കണ്ടെത്തുന്നത് ഒരു നീണ്ട ഓപ്പറേഷനായിരിക്കുമെന്നും വക്താവ് പറഞ്ഞു. ''ഇതിന് സമയമെടുത്തേക്കാം, വൈക്കോല്‍ കൂനയില്‍ ഒരു സൂചി കണ്ടെത്തുന്നത് പോലെയാണ് ആ തണ്ടിനെ കണ്ടെത്തുന്നത്,'' വക്താവ് ലഫ്റ്റനന്റ് കേണല്‍ റിച്ചാര്‍ഡ് ഹെക്റ്റ് മാധ്യമപ്രവര്‍ത്തകരോട് പറഞ്ഞു.

എന്നാല്‍ ഇസ്രായേല്‍ സൈന്യം അല്‍-ഷിഫയില്‍ 'ഒന്നും കണ്ടെത്തിയിട്ടില്ലെന്ന് ആശുപത്രിയിലെ ഡോക്ടര്‍ പ്രതികരിച്ചു. ആശുപത്രി പരിസരത്ത് അവര്‍ക്കെതിരെ ഒരു വെടിയുണ്ട പോലും പാഞ്ഞിട്ടില്ലെന്ന് ഡോ അഹമ്മദ് എല്‍ മൊഖല്ലലതി പറഞ്ഞു. ഏഴ് ആഴ്ചയോളം നീണ്ട യുദ്ധത്തില്‍ ആയിരക്കണക്കിന് തീവ്രവാദികളെ കൊന്നതായി ഇസ്രായേല്‍ പറഞ്ഞു.