ഇറാഖ് തലസ്ഥാനമായ ബഗ്ദാദിലെ ഷോപ്പിങ് മാളിലുണ്ടായ ഭീകരാക്രമണത്തിന്റെ ഉത്തരവാദിത്തം ഇസ്‌ലാമിക് സ്‌റ്റേറ്റ് ഏറ്റെടുത്തു. ഷിയ മുസ്‌ലിംകളെ ലക്ഷ്യം വച്ചാണ് ആക്രമണം നടത്തിയതെന്നും അവര്‍ അറിയിച്ചു. അതേസമയം, ആക്രമണത്തില്‍ കൊല്ലപ്പെട്ടവരുടെ എണ്ണം 18 ആയി. നിരവധി പേര്‍ക്ക് പരുക്കേറ്റു. കിഴക്കന്‍ ബഗ്ദാദിലെ അല്‍ ജവ്ഹറ ഷോപ്പിങ് മാളിന് നേര്‍ക്കാണ് ആക്രമണം ഉണ്ടായത്. ഭീകരര്‍ ഷോപ്പിങ് മാളിലുണ്ടായിരുന്ന ഒട്ടേറെപ്പേരെ ബന്ദികളാക്കിയതായും സൂചനയുണ്ട്. 

ആയുധധാരികളായ സംഘം മാളിലേക്ക് ഇരച്ചുകയറി ആക്രമണം നടത്തുകയായിരുന്നു. ഇവര്‍ മാളിന് സമീപം കാര്‍ബോംബ് സ്‌ഫോടനവും നടത്തിയിരുന്നു. രണ്ടുപേര്‍ ചാവേര്‍ സ്‌ഫോടനം നടത്തി മരിക്കുകയായിരുന്നു. മറ്റു രണ്ടുപേരെ വധിക്കുകയും ചെയ്തുവെന്നും പൊലീസിനോട് അടുത്ത വൃത്തങ്ങള്‍ പറഞ്ഞു.

ഇതിനു പിന്നാലെ കിഴക്കന്‍ പട്ടണമായ മുഖ്ദാദിയയില്‍ കഫേയില്‍ നടന്ന ചാവേര്‍ സ്‌ഫോടനത്തില്‍ 20 പേരും കൊല്ലപ്പെട്ടു. 50 പേര്‍ക്കു പരുക്കേറ്റു. തെക്കുകിഴക്കന്‍ ബഗ്ദാദില്‍ നിശാക്ലബില്‍ നടന്ന ബോംബ് സ്‌ഫോടനത്തില്‍ എട്ടു പേരാണു കൊല്ലപ്പെട്ടത്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha