തോക്കുനിയമത്തില്‍ കൊണ്ടുവരേണ്ട നിയന്ത്രണങ്ങളേക്കുറിച്ച് സംസാരിച്ചപ്പോള്‍ അമേരിക്കന്‍ പ്രസിഡന്റ് ബരാക് ഒബാമ കരഞ്ഞത് ഉള്ളി ഉപയോഗിച്ചെന്ന് ആരോപണം. അന്താരാഷ്ട്ര മാധ്യമമായ ഫോക്‌സ് ന്യൂസാണ് ഇത്തരത്തിലൊരു ആരോപണം ഉന്നയിച്ചത്. 2012ലെ സാന്‍ഡി സ്‌കൂളിലുണ്ടായ വെടിവെപ്പിനെക്കുറിച്ച് സംസാരിക്കുന്നതിനിടെയായിരുന്നു ഒബാമ വിതുമ്പിയത്. 20 കുട്ടികളായിരുന്നു വെടിവെപ്പില്‍ കൊല്ലപ്പെട്ടത്.
ഒബാമയുടെ പ്രസംഗങ്ങളെക്കുറിച്ച് ഫോക്‌സ് ന്യൂസ് നടത്തിയ ചര്‍ച്ചക്കിടെയായിരുന്നു അവതാരക ആന്‍ഡ്രിയ ടാന്‍ടറോസ് ഉള്ളി ഉപയോഗിച്ചിരുന്നോയെന്ന സംശയം ഉന്നയിച്ചത്. നേതാക്കള്‍ ഇത്രയധികം വികാരാധീനരാകുമോ എന്ന് വിശ്വാസിക്കാന്‍ പ്രയാസമുണ്ട്. ഒബാമയുടെ പ്രസംഗത്തിന് ശേഷം താന്‍ വേദിയില്‍ ഉള്ളിക്കഷണമോ മറ്റെന്തെങ്കിലുമോ കണ്ടെത്താന്‍ വേണ്ടി തിരഞ്ഞെന്നും ആന്‍ഡ്രിയ പരിഹസിച്ചു. ഒബാമയുടേത് രാഷ്ട്രീയ നാടകമായിരുന്നെന്ന് മറ്റൊരു അവതാരക മെലിസ ഫ്രാന്‍സിസും അഭിപ്രായപ്പെട്ടു. ഇതിനു മുമ്പും ഫോക്‌സ് ന്യൂസ് ഒബാമയ്‌ക്കെതിരെ മോശം പരാമര്‍ശങ്ങള്‍ നടത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha