ഗാസയിലെ യുദ്ധം ഇസ്രയേല് പ്രധാനമന്ത്രി ബെഞ്ചമിന് നെതന്യാഹു കൈകാര്യം ചെയ്യുന്നത് തെറ്റായ രീതിയിലാണെന്ന് യു.എസ്. പ്രസിഡന്റ് ജോ ബൈഡന്...
ഗാസയിലെ യുദ്ധം ഇസ്രയേല് പ്രധാനമന്ത്രി ബെഞ്ചമിന് നെതന്യാഹു കൈകാര്യം ചെയ്യുന്നത് തെറ്റായ രീതിയിലാണെന്ന് യു.എസ്. പ്രസിഡന്റ് ജോ ബൈഡന്.
നെതന്യാഹുവിന്റെ സമീപനത്തോട് യോജിക്കുന്നില്ലെന്നും സ്പാനിഷ് മാധ്യമത്തിന് നല്കിയ അഭിമുഖത്തില് ബൈഡന് പറഞ്ഞു. വെടിനിര്ത്തലിന് ഇസ്രയേല് സമ്മതിക്കണം, ആറ്-എട്ട് ആഴ്ചയ്ക്കുള്ളില് ഗാസയെ സഹായം കൊണ്ട് നിറയ്ക്കണം, സഹായം വിതരണം ചെയ്യാന് പശ്ചിമേഷ്യയിലെ മറ്റുരാജ്യങ്ങളെ അനുവദിക്കണം എന്നീ ആവശ്യങ്ങളും അദ്ദേഹം ഉന്നയിച്ചു. അത് ഇപ്പോള് തന്നെ വേണമെന്നും അദ്ദേഹം പറഞ്ഞു.
അടുത്ത സഖ്യകക്ഷിയെന്ന നിലയിലാണ് ഗാസായുദ്ധത്തില് ഇസ്രയേലിനെ നിര്ബാധം പിന്തുണച്ച യു.എസ്. അന്താരാഷ്ട്രതലത്തില് വിമര്ശനമുയര്ന്നതോടെയാണ് സ്വരം മാറ്റിയത്.
ഈദ് സന്ദേശത്തിലും ബൈഡന് ഗാസയെ അനുസ്മരിച്ചു. ഗാസയും സുഡാനും ഉള്പ്പെടെയുള്ള പ്രദേശങ്ങളില് സംഘര്ഷവും വിശപ്പും അനുഭവിക്കുന്നവര്ക്കും ഭവനരഹിതരായവര്ക്കുമൊപ്പമാണ് തന്റെ മനസ്സെന്ന് അദ്ദേഹം 'എക്സി'ല് കുറിക്കുകയും ചെയ്തു.
https://www.facebook.com/Malayalivartha
