വാൽപ്പാറ വാഹനാപകടത്തിൽ മോട്ടോർ വാഹന വകുപ്പിൻറെ അന്വേഷണ റിപ്പോർട്ട്‌ പുറത്ത്. ഡ്രൈവറുടെ പരിചയക്കുറവ് അപകടത്തിന് കാരണമായിട്ടുണ്ടാകാമെന്ന് റിപ്പോർട്ട്‌. വാഹനത്തിനു സാങ്കേതിക പ്രശ്നങ്ങൾ ഇല്ല, ആശുപത്രിയിൽ ആയതിനാൽ ഡ്രൈവറുടെ മൊഴി എടുക്കാൻ കഴിഞ്ഞിട്ടില്ല. ഈ മൊഴി കൂടി എടുതാലേ കൂടുതൽ വ്യക്തത വരികയുള്ളൂ .

വാഹനം പൂർണമായും തകർന്നു . മെക്കാനിക്കൽ ആയിട്ടുള്ള വിഷയങ്ങൾ ഉണ്ട് . പൂർണ്ണമായും പരിശോധന നടത്താനാകില്ല.ഡ്രൈവറുടെ പരിചയക്കുറവ് അപകടത്തിന് കാരണമായിട്ടുണ്ടാകാമെന്നാണ് നിഗമനം ... ചുരം പോലുള്ള കുത്തനെ ഇറക്കം ഇറങ്ങുമ്പോൾ ഇറക്കത്തിൽ ഗിയർ ഡൗൺ ചെയ്യാറുണ്ട്, ഏന്നാൽ ഇവിടെ ഗിയർ ഡൗൺ ചെയ്യാതെ ഇറങ്ങിയതും അപകടത്തിനു കാരണമായിട്ടുണ്ടാവാം.

അത്യവശ്യം സ്പീഡിൽ തന്നെയാണ് ഈ വാഹനം വന്നിട്ടുള്ളത് എന്നാണ് മനസിലാക്കാൻ സാധിക്കുന്നത് . ചുരം ;പോലുള്ള ഇടങ്ങളിൽ വളവ് വളയക്കുമ്പോൾ വളരെ ശ്രദ്ധിച്ച് വേണം വളയ്ക്കാൻ. അതിൽ അശ്രദ്ധയുണ്ടായിട്ടുണ്ടാകാം. തുടർച്ചയായ ഡ്രൈവിങ്ങും അപകടത്തിലേക്ക് നയിച്ചിട്ടുണ്ടാകാം. ഈ സംഭവത്തിനു ദൃക്‌സാക്ഷികൾ ഇല്ല, പ്രദേശത്ത് സിസിടിവി ഇല്ല.

ഈ അപകടം ആരും കണ്ടിട്ടില്ല . മറിഞ്ഞതുമായി ബന്ധപ്പെട്ട് കൂടുതൽ ദൃശ്യങ്ങൾ ഒന്നും പുറത്ത് വന്നിട്ടിട്ടില്ല. അതൊരു പരിമിതിയാണ് .ഓടിച്ച ആളുടെ മൊഴി എടുക്കേണ്ടതായിട്ടണ്ട് അദ്ദേഹം ഇപ്പോഴും ആശുപത്രിയിലാണ് .

അതുകൊണ്ട് മൊഴി എടുക്കാൻ സാധിച്ചിട്ടില്ല. വണ്ടി ഓടിച്ച ആൾക്കും കൂടെയുള്ള മറ്റുള്ളവർക്കും അപകടത്തിലേക്ക് നയിക്കാൻ പെടാൻ ഉണ്ടായ പ്രതിസന്ധി എന്താണ് എന്നാണ് ഇനി അറിയാൻ ഉള്ളത്. മൊഴി രേഖപ്പെടുത്തണം .അത്തരത്തിൽ കൂടെ അന്വേഷണം നടത്തേണ്ടതായിട്ടുണ്ട്. പലയിടത്തും സുരക്ഷ ബാരിക്കേഡ് ഉണ്ട്. എല്ലായിടത്തും സുരക്ഷ ബാരിക്കേഡ് സ്ഥാപിക്കണമെന്നും റിപ്പോർട്ടിൽ നിർദേശമുണ്ട്.പോലീസ് അന്വേഷണം നടക്കുകയാണ്.