ഇസ്രായേൽ സൈന്യം പ്രദേശത്ത് നിന്ന് പിൻവാങ്ങിയതിന് രണ്ടാഴ്ചയ്ക്ക് ശേഷം ഖാൻ യൂനിസിലെ നാസർ മെഡിക്കൽ കോംപ്ലക്സിലെ കൂട്ട ശവക്കുഴിയിൽ നിന്ന് 50 പലസ്തീൻകാരുടെ മൃതദേഹങ്ങൾ ഗാസയിലെ എമർജൻസി സർവീസുകൾ പുറത്തെടുത്തു. ശനിയാഴ്ച പുറത്തിറക്കിയ പ്രസ്താവനയിൽ, ആണ് 50 ഫലസ്തീനികളുടെ മൃതദേഹങ്ങൾ കൂട്ടക്കുഴിമാടത്തിൽ നിന്ന് കണ്ടെടുത്തതായി ഗാസയുടെ സിവിൽ ഡിഫൻസ് ഏജൻസി അറിയിച്ചത് . മൃതദേഹങ്ങൾ നാസർ ആശുപത്രിയിൽ നിന്ന് നീക്കം ചെയ്തതാണെന്നാണ് സിവിൽ ഡിഫൻസ് വൃത്തങ്ങളെ ഉദ്ധരിച്ച് വഫ ഞായറാഴ്ച റിപ്പോർട്ട് ചെയ്തത് .

ദിവസങ്ങൾ നീണ്ടുനിന്ന തീവ്രമായ ബോംബാക്രമണത്തെത്തുടർന്ന് ഫെബ്രുവരിയിൽ നാസർ ഹോസ്പിറ്റലിൽ ഇസ്രായേൽ സൈന്യം റെയ്ഡ് നടത്തുകയും മെഡിക്കൽ കോംപ്ലക്സിൽ അഭയം പ്രാപിച്ച ഡസൻ കണക്കിന് ആളുകളെ കൊല്ലുകയും ചെയ്തിരുന്നു . ആശുപത്രി നിരവധി തവണ ഇസ്രായേൽ സൈന്യം റെയ്ഡ് ചെയ്തിട്ടുണ്ട്, അതിൽ ഏറ്റവും പുതിയത് കഴിഞ്ഞ മാസമായിരുന്നു.

നൂറുകണക്കിന് ഫലസ്തീനികൾ കൊല്ലപ്പെട്ട ഇസ്രായേൽ റെയ്ഡിന് ശേഷം ഗാസയിലെ ഏറ്റവും വലിയ ആശുപത്രിയായ അൽ ഷിഫ ആശുപത്രിയും നശിപ്പിക്കപ്പെട്ടിരുന്നു. ഗാസ മുനമ്പിലെ രണ്ടാമത്തെ വലിയ നഗരമായ ഖാൻ യൂനിസിനെ ഡിസംബറിൻ്റെ തുടക്കത്തിൽ തന്നെ ഇസ്രായേൽ ആക്രമിക്കുകയും താമസക്കാരെ വീടുകളിൽ നിന്ന് നിർബന്ധമായി പറഞ്ഞുവിടുകയുംചെയ്തിരുന്നു .

ഇപ്പോഴും വെസ്റ്ബാങ്കിൽ പൊരിഞ്ഞ യുദ്ധം നടക്കുകയാണ് . അധിനിവേശ വെസ്റ്റ് ബാങ്കിലെ തുൽക്കറിനടുത്തുള്ള നൂർ ഷംസ് അഭയാർത്ഥി ക്യാമ്പിൽ ഇസ്രായേൽ നടത്തിയ റെയ്ഡിൽ 17-ൽ 14 പേരും വെടിവെപ്പിലും തീവ്രവാദി ആക്രമണങ്ങളിലും കൊല്ലപ്പെട്ടു.

ഫലസ്തീൻ അതോറിറ്റിയുടെ ഔദ്യോഗിക വാർത്താ ഏജൻസിയായ വഫ, നൂർ ഷംസിനെതിരായ റെയ്ഡിനെ 48 മണിക്കൂർ "ആക്രമണം" എന്നാണ് വിശേഷിപ്പിച്ചത് , നൂർ ഷംസ് അഭയാർത്ഥി ക്യാമ്പിലെ ബേക്കറി, വാണിജ്യ കടകൾ, വീടുകൾ, എന്നിവ ലക്ഷ്യമാക്കി ഇസ്രായേൽ സൈന്യം നടത്തിയ ആക്രമണത്തിൽ "അടിസ്ഥാന സൗകര്യങ്ങളും സ്വത്തുക്കളും തകർക്കുകയും നശിപ്പിക്കുകയും ചെയ്തു, .

ഹെബ്രോണിനടുത്തുള്ള ബെയ്റ്റ് ഐനുൻ ജംഗ്ഷനിലെ ഇസ്രായേൽ ചെക്ക്‌പോസ്റ്റിനുനേരെ ഞായറാഴ്ച നടന്ന ഏറ്റുമുട്ടലിനുനേരെ ആക്രമണശ്രമമുണ്ടായി, രണ്ട് അക്രമികളെ കൊലപ്പെടുത്തി. നബ്ലസ് നഗരത്തിന് തെക്ക് അൽ സാവിയ ഗ്രാമത്തിലും , ഒരു ഫലസ്തീൻ ആംബുലൻസ് ഡ്രൈവർ കൊല്ലപ്പെട്ടതായി റിപ്പോർട്ട് ചെയ്യപ്പെട്ടു. നൂർ ഷംസിൽ നടത്തിയ റെയ്ഡിനിടെ 10 സായുധ സംഘങ്ങൾ കൊല്ലപ്പെട്ടതായി ഇസ്രായേൽ സൈന്യം അവകാശപ്പെട്ടു.

ഏപ്രിൽ 7 ന്, ഖാൻ യൂനിസിൽ നിന്ന് കരസേനയെ പിൻവലിച്ചതായി ഇസ്രായേൽ സൈന്യം അറിയിച്ചു. അതിനുശേഷം, നഗരത്തിൻ്റെ ഭൂരിഭാഗവും തകർന്നുകിടക്കുന്ന ഇസ്രായേലി ആക്രമണങ്ങൾക്ക് ശേഷം പലായനം ചെയ്ത പലസ്തീനികൾ അവരുടെ വീടുകളിലേക്ക് മടങ്ങുകയാണ്.

ഫലസ്തീൻ ജനതയ്‌ക്കെതിരായ ഭരണകൂടത്തിൻ്റെ തീവ്രമായ ക്രൂരതകൾക്ക് പ്രതികാരമായി അധിനിവേശ സ്ഥാപനത്തിനെതിരെ ഫലസ്തീൻ ഹമാസ് റെസിസ്റ്റൻസ് ഗ്രൂപ്പ് ചരിത്രപരമായ ഒരു ഓപ്പറേഷൻ നടത്തിയതിന് ശേഷം ഒക്ടോബർ 7 ന് ഉപരോധിച്ച ഗാസയിൽ ഇസ്രായേൽ ഒരു വംശഹത്യ യുദ്ധം നടത്തി.

ടെൽ അവീവ് ഭരണകൂടം ഇതുവരെ 34,049 ഫലസ്തീനികളെ കൊല്ലുകയും സ്ത്രീകളും കുട്ടികളും ഉൾപ്പെടെ 76,901 പേർക്ക് പരിക്കേൽക്കുകയും ചെയ്തിട്ടുണ്ട്.

തെക്കൻ റഫയിൽ ഇസ്രായേൽ നടത്തിയ ആക്രമണത്തിൽ കൊല്ലപ്പെട്ട 16 പലസ്തീൻകാരിൽ ഒരു ഗർഭിണിയും ആറ് കുട്ടികളും ഉൾപ്പെടുന്നു. യുവതിയുടെ ഗർഭസ്ഥ ശിശുവിനെ രക്ഷിക്കാൻ ഡോക്ടർമാർക്ക് കഴിഞ്ഞു.

നബ്ലസിന് തെക്ക് അക്രമത്തിൽ പരിക്കേറ്റ ഫലസ്തീനികളെ എത്തിക്കാൻ ശ്രമിച്ച ആംബുലൻസ് ഡ്രൈവറെ ഇസ്രായേൽ കുടിയേറ്റക്കാർ വെടിവച്ചു കൊന്നപ്പോൾ നൂർ ഷംസ് അഭയാർത്ഥി ക്യാമ്പിൽ നടത്തിയ റെയ്ഡിനിടെ 14 പേരെ ഇസ്രായേൽ സൈന്യം കൊലപ്പെടുത്തിയതായി പലസ്തീൻ ആരോഗ്യ മന്ത്രാലയം അറിയിച്ചു.

ഗാസയ്‌ക്കെതിരായ യുദ്ധത്തിനും ഇറാനുമായുള്ള പിരിമുറുക്കത്തിനും ഇടയിൽ യുഎസ് പ്രതിനിധി സഭ ഇസ്രായേലിന് 26 ബില്യൺ ഡോളർ ധനസഹായം നൽകി, പാക്കേജ് ഇപ്പോൾ സെനറ്റിൻ്റെ അംഗീകാരത്തിനായി പോകും. ഒക്‌ടോബർ 7 മുതൽ ഗാസയിൽ ഇസ്രായേൽ നടത്തിയ ആക്രമണങ്ങളിൽ കുറഞ്ഞത് 34,049 ഫലസ്തീനികൾ കൊല്ലപ്പെടുകയും 76,901 പേർക്ക് പരിക്കേൽക്കുകയും ചെയ്തിട്ടുണ്ട്. ഒക്‌ടോബർ 7 ന് ഹമാസിൻ്റെ ആക്രമണത്തിൽ ഇസ്രായേലിൽ മരിച്ചവരുടെ എണ്ണം 1,139 ആണ്.