മോസ്‌കോയില്‍ പിഞ്ചുകുഞ്ഞിന്റെ തലയറുത്തെടുത്തുകൊണ്ട് നഗരത്തിലൂടെ നടന്നത് ദൈവകല്പനപ്രകാരമാണെന്ന് അറസ്റ്റിലായ ഉസ്‌ബെസ്‌ക്കിസ്ഥാന്‍ യുവതി. മോസ്‌കോ കോടതിയില്‍ എത്തിയപ്പോഴാണ് ഇസ്!ലാം മതവിശ്വാസിയായ ഗുല്‍ചെക്‌റാ ബോബോകുലോവ മാധ്യമ പ്രവര്‍ത്തകരോടായി ഇങ്ങനെ പറഞ്ഞത്. കുറ്റം സമ്മതിക്കുന്നുണ്ടോ എന്ന മാധ്യമപ്രവര്‍ത്തകരുടെ ചോദ്യത്തിന് അതെ എന്നും ബോബോകുലോവ മറുപടി നല്‍കി.

തിങ്കളാഴ്ചയാണ് മോസ്‌കോയിലെ മെട്രോ സ്‌റ്റേഷനു സമീപം പിഞ്ചുകുഞ്ഞിന്റെ തല കയ്യില്‍ പിടിച്ച് യുവതി എത്തിയത്. താനൊരു ചാവേറാണെന്നും ഇപ്പോള്‍ പൊട്ടിത്തെറിക്കുമെന്നും ഇവര്‍ വിളിച്ചു പറയുന്നുണ്ടായിരുന്നു. കുട്ടികളെ നോക്കുന്ന ആയയായിരുന്നു ബോബോകുലോവ. ഇവര്‍ പരിപാലിച്ചു വന്നിരുന്ന കുഞ്ഞിനെയാണ് തലയറുത്തുകൊന്നത്. മൂന്നു കുട്ടികളുടെ മാതാവ് കൂടിയാണ് 38കാരിയായ ഗുല്‍ചെക്‌റാ ബോബോകുലോവ. മാനസിക രോഗത്തിന് ഇവര്‍ ചികില്‍സയിലാണെന്നു റിപ്പോര്‍ട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha