ഇറാനെതിരെ അതിശക്തമായ ആക്രമണം ഉണ്ടാകുമെന്ന മുന്നറിയിപ്പുമായി യു.എസ് പ്രസിഡന്റ് ഡൊണാള്‍ഡ് ട്രംപ്. ഇറാന്റെ സമ്പൂര്‍ണ നാശമാണ് ലക്ഷ്യമെന്നും ഇതുവരെ ആക്രമണം നടത്താന്‍ ആലോചിക്കാത്ത സ്ഥലങ്ങളിലും ആക്രമിക്കാന്‍ തീരുമാനിച്ചിട്ടുണ്ടെന്നും ട്രൂത്ത് സോഷ്യലില്‍ ട്രംപ് അറിയിച്ചു. അയല്‍ രാജ്യങ്ങള്‍ ആക്രമിക്കില്ലെന്ന് ഇന്ന് ഇറാന്‍ പ്രസിഡന്റ് വ്യക്തമാക്കിയതിന് പിന്നാലെയാണ് ട്രംപിന്റെ മുന്നറിയിപ്പ്.

ഇറാന്‍ ഇന്ന് പശ്ചിമേഷ്യക്ക് ഭീഷണി അല്ലെന്നും ഒരു പരാജിത രാജ്യമാണെന്നും ട്രംപ് പോസ്റ്റില്‍ പറയുന്നു, ആയിരക്കണക്കിന് വര്‍ഷങ്ങള്‍ക്കിടെ ചുറ്റുമുള്ള പശ്ചിമേഷ്യന്‍ രാജ്യങ്ങളോട് ഇറാന്‍ തോല്‍ക്കുന്നത് ഇതാദ്യമാണെന്നും അദ്ദേഹം പറഞ്ഞു.

അമേരിക്കയും ഇസ്രയേലിന്റെയും സൈനിക നീക്കങ്ങള്‍ കാരണമാണ് ഇറാന്‍ കീഴടങ്ങിയതെന്നും ട്രംപ് അവകാശപ്പെട്ടു, സമ്പൂര്‍ണമായി ഇറാന്‍ തങ്ങള്‍ക്ക് കീഴ്‌പ്പെടണം എന്നും ട്രംപ് ആവശ്യപ്പെട്ടു. ഇതുവരെ ഞങ്ങള്‍ ആക്രമിക്കാന്‍ ഉദ്ദേശിച്ചിട്ടില്ലാത്ത ചില സ്ഥലങ്ങളില്‍ ആക്രമണം നടത്തും. വലിയ നാശമുണ്ടാക്കും, ഒരുപാട് ജീവനുകള്‍ നഷ്ടമാകും എന്നും ട്രംപ് മുന്നറിയിപ്പ് നല്‍കുന്നു.