പശ്ചിമേഷ്യൻ സംഘർഷത്തിനിടെ പാചകവാതകവുമായി ഇന്ത്യൻ കപ്പലായ ശിവാലിക് ഹോർമുസ് കടലിടുക്ക് കടന്നു. നാവികസേന കപ്പലുകളുടെ അകമ്പടി ഇല്ലാതെയാണ് ശിവാലിക് ഹോർമുസ് കടലിടുക്ക് കടക്കുന്നത്. 40,000 മെട്രിക് ടൺ എൽപിജി വഹിക്കുന്ന ശിവാലിക് ഏകദേശം ഏഴ് ദിവസത്തിനുള്ളിൽ ഇന്ത്യൻ തീരത്ത് എത്തുമെന്ന് വൃത്തങ്ങൾ അറിയിച്ചു.

ഇന്ത്യയുടെയും ഇറാന്റെയും ഉന്നത നേതൃത്വങ്ങൾ തമ്മിൽ നടത്തിയ നിരവധി റൗണ്ട് ചർച്ചകൾക്ക് ശേഷമാണ് നിർണ്ണായ പുരോഗതിയുണ്ടായത്. ഇറാനിലെ ബന്ദ‍ർ അബ്ബാസ് തുറമുഖത്ത് നിന്ന് പുറപ്പെട്ട ശിവാലിക് കപ്പൽ മണിക്കൂറുകൾക്ക് മുമ്പാണ് കടലിടുക്ക് കടന്നത്.

അതെ സമയം പേർഷ്യൻ ഗൾഫിലെ ഇന്ത്യൻ നാവിക സേനയുടെ യുദ്ധ കപ്പലുകൾ സജ്ജമായി നിലയുറപ്പിച്ചിട്ടുണ്ട്. ക്രൂഡ് ഓയിലുമായി റഷ്യയിൽ നിന്നുള്ള രണ്ട് കപ്പലുകൾ രണ്ട് കപ്പലുകൾ ഹോർമുസ് കടലിടുക്ക് കടന്നിരുന്നു. ഇവർക്ക് അകമ്പടി സേവിക്കുകയാണ് ഇന്ത്യൻ നാവിക സേനയുടെ യുദ്ധ കപ്പലുകൾ. ലൈബീരിയൻ കപ്പലായ സ്മൈറിനി (Smyrni), ഇന്ത്യൻ കപ്പലായ ജഗ് പ്രകാശ് എന്നിവയാണ് ഹോർമുസ് കടലിടുക്ക് കടന്നത്. 1.4 മെട്രിക് ടൺ ക്രൂഡ് ഓയിൽ ആണ് സ്മൈറിനിയിൽ ഉള്ളത്.

ഹോർമുസ് കടലിടുക്ക് അടച്ചിട്ടില്ലെന്നും ചില കപ്പലുകൾ കടന്നുപോകുന്നുണ്ടെന്നും ഇന്ത്യയിലെ ഇറാൻ പരമോന്നത നേതാവിന്റെ പ്രതിനിധി പറഞ്ഞു. ഇന്ത്യയിലേക്കുള്ള സുരക്ഷിതമായ യാത്രയെക്കുറിച്ച് ഇന്ത്യയിലെ ഇറാൻ അംബാസഡർ മുഹമ്മദ് ഫതാലി നേരത്തെ അനുകൂലമായ പരാമർശം നടത്തിയിരുന്നു, “ഇന്ത്യ ഞങ്ങളുടെ സുഹൃത്താണെന്ന് ഏതാവും മണിക്കൂറുകൾക്കുള്ളിൽ ഇത് വ്യക്തമാകും എന്നായിരുന്നു ഇറാൻ അംബാസിഡറുടെ വാക്കുകൾ. ഇതിന് പിന്നാലെയാണ് കടലിടുക്ക് വഴിയുള്ള ഇന്ത്യൻ കപ്പലുകളുടെ യാത്ര പുനരാരംഭിച്ചത്.