ലൈംഗിക ബന്ധത്തിന് നിര്ബന്ധിച്ച അമ്മയുടെ മുഖത്ത് 20 തവണ അടിച്ച ശേഷം കഴുത്തു ഞെരിച്ചു കൊന്നു; 19 കാരന്റെ വെളിപ്പെടുത്തല്
അവരെ എങ്ങനെ കൊല്ലാതിരിക്കും. ലൈംഗിക ബന്ധത്തിന് നിര്ബന്ധിച്ച അമ്മയെ മകന് ക്രൂരമായി കൊലപ്പെടുത്തി. റഷ്യയിലെ കസാനില് കഴിഞ്ഞ വര്ഷം ഡിസംബറില് നടന്ന കൊലപാതകത്തിന്റെ ചുരുളഴിയുന്നത് കഴിഞ്ഞ ദിവസമാണ്. 44 കാരിയായ അനസ്തേഷ്യ നോവിക്കോവയുടെ കൊലപാതകവുമായി ബന്ധപ്പെട്ട് അറസ്റ്റു ചെയ്ത 19 കാരന് ഇഗോര് സോസിനെ അന്വേഷണ സംഘം ചോദ്യം ചെയ്തപ്പോഴാണ് ഞെട്ടിക്കുന്ന വിവരങ്ങള് പുറത്തുവന്നത്. ലൈംഗിക ബന്ധത്തിന് നിര്ബന്ധിച്ചതിനാണ് അമ്മയെ കൊലപ്പെടുത്തിയതെന്ന് ഇഗോര് അന്വേഷണ സംഘത്തിന് മുന്നില് വെളിപ്പെടുത്തി. അതേസമയം, ഇഗോര് മയക്കു മരുന്നിന് അടിമയാണെന്ന് അന്വേഷണ ഉദ്യോഗസ്ഥര് അറിയിച്ചു.
കസാനിലെ വോള്ഗ റിവറിലുള്ള ഒരു ഹോട്ടലിലാണ് അനസ്തേഷ്യയെ കൊല്ലപ്പെട്ടനിലയില് കണ്ടെത്തിയത്. ഇഗോറിനൊപ്പമെടുത്ത മുറിയിലെ കട്ടിലില് രക്തത്തില് കുളിച്ച് കമഴ്ന്നായിരുന്നു അനസ്തേഷ്യ കിടന്നിരുന്നത്. സംഭവം നടന്ന് ദിവസങ്ങള്ക്ക് ശേഷമാണ് ഇഗോറിനെ ചോദ്യം ചെയ്യുന്നതിന് വേണ്ടി പൊലീസ് കസ്റ്റഡിയില് എടുക്കുന്നത്. ഹോട്ടല് ജീവനക്കാര് നല്കിയ മൊഴിയുടെ അടിസ്ഥാനത്തിലായിരുന്നു ഇത്. എന്നാല് കൊലപാതകത്തെക്കുറിച്ച് ഒന്നും തുറന്നു പറയാന് ഇഗോര് തയ്യാറായില്ല. തെളിവുകളുടെ അഭാവത്തില് വിട്ടയച്ചെങ്കിലും വീണ്ടും അന്വേഷണം ഇഗോറിലേക്കു തന്നെ നീളുകയായിരുന്നു. പിന്നീട് ഇഗോര് നടത്തിയത് ഞെട്ടിക്കുന്ന വെളിപ്പെടുത്തലുകളായിരുന്നു.
അമ്മ തന്നെ ലൈംഗിക ബന്ധത്തിന് നിര്ബന്ധിച്ചത് തനിക്ക് സഹിക്കാന് കഴിഞ്ഞില്ലെന്ന് ഇഗോര് പറയുന്നു. താന് അവരുടെ മുഖത്ത് ഇരുപതോളം തവണ അടിച്ചു. ഓരോ തവണ അടിച്ചപ്പോഴും താന് കരയുകയായിരുന്നു. അടിച്ചതിന് ശേഷം അവരുടെ കഴുത്തില് ആഴത്തില് കടിച്ചു. സര്വ്വ ശക്തിയുമെടുത്താണ് താന് അമ്മയെ ആക്രമിച്ചത്. താന് മര്ദ്ദിക്കുന്തോറും അവര് തടയാന് ശ്രമിച്ചുകൊണ്ടിരുന്നു. എന്റെ കൈയിലും വായിലുമെല്ലാം രക്തമായി. കഴുത്തില് ശക്തിയായി ഞെരിച്ചെങ്കിലും അവര് മരിച്ചില്ല. ഫോണിന്റെ കേബിള് ഉപയോഗിച്ച് കഴുത്തില് വരിഞ്ഞു മുറുക്കി. എന്നിട്ടും മരിച്ചില്ല. ഒടുവില് തലയണ ഉപയോഗിച്ച് ശ്വാസം മുട്ടിച്ചാണ് അമ്മയെ കൊലപ്പെടുത്തിയതെന്നും ഇഗോര് പൊലീസിന് മുന്പാകെ മൊഴി നല്കി.
എന്നാല് പൊലീസ് ഇഗോറിന്റെ മൊഴി പൂര്ണമായും വിശ്വാസത്തിലെടുത്തിട്ടില്ല. ഇഗോറിന്റെ മയക്കു മരുന്ന് ഉപയോഗം അനസ്തേഷ്യയെ വിഷമിപ്പിച്ചിരുന്നതായി ബന്ധുക്കളില് നിന്നും പൊലീസിന് വിവരം ലഭിച്ചിട്ടുണ്ട്. ഇതുമായി ബന്ധപ്പെട്ട് ഇരുവര്ക്കുമിടയില് എന്തെങ്കിലും വിധത്തിലുള്ള വഴക്കുണ്ടായിട്ടുണ്ടോ എന്നും ഇത് കൊലപാതകത്തിന് കാരണമായിട്ടുണ്ടോ എന്നും പൊലീസ് പരിശോധിക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
