നേപ്പാള്‍ തെരഞ്ഞെടുപ്പില്‍ മാവോയിസ്റ്റ്‌ പാര്‍ട്ടി നേതാവ്‌ പ്രചണ്‌ഡയ്‌ക്ക്‌ പരാജയം. കാഠ്‌മണ്‌ഡു മണ്‌ഡലത്തില്‍ നിന്നാണ്‌ പ്രചണ്‌ഡ ജനവിധി തേടിയത്‌. സിരഹ മണ്‌ഡലത്തില്‍ നിന്നും പ്രചണ്‌ഡ മത്സരിക്കുന്നുണ്ട്‌. എന്നാല്‍ തെരഞ്ഞെടുപ്പില്‍ വ്യാപകമായി കൃത്രിമം നടന്നിട്ടുണ്ടെന്നും അതിനാല്‍ വോട്ടെണ്ണല്‍ നിര്‍ത്തിവെക്കണെമെന്നും അദ്ദേഹം ആവശ്യപ്പെട്ടിട്ടു.

ബാലറ്റ്‌ ബോക്‌സുകള്‍ കൊണ്ടുപോകുന്നതിനിടെയും വോട്ടെണ്ണലിനിടെയും കൃത്രിമം നടന്നിട്ടുണ്ടെന്നാണ്‌ യുണൈറ്റഡ്‌ കമ്മ്യൂണിസ്റ്റ്‌ പാര്‍ട്ടി ഓഫ്‌ നേപ്പാള്‍ മാവോയിസ്റ്റ്‌ പാര്‍ട്ടി ആരോപിക്കുന്നത്‌. ഫലം പുറത്തുവന്ന രണ്ടു സീറ്റുകളിലും നേപ്പാള്‍ കോണ്‍ഗ്രസ്‌ പാര്‍ട്ടിയാണ്‌ വിജയിച്ചിരിക്കുന്നത്‌.