യു.എസ്‌ വീമാനങ്ങള്‍ ചൈന വ്യോമപ്രതിരോധ മേഖലയായി പ്രഖ്യാപിച്ചിട്ടുള്ള തര്‍ക്ക ഭൂമിയില്‍ അതിക്രമിച്ചു കടന്നു. കിഴക്കന്‍ ചൈനാ സമുദ്രത്തിലെ ചൈനീസ്‌ അതിര്‍ത്തി ലംഘിച്ചാണ്‌ വീമാനങ്ങള്‍ കടന്നത്‌. ജപ്പാനുമായി തര്‍ക്കം നിലനില്‍ക്കുന്ന പ്രദശമാണ്‌ ഇവിടം. വിഷയത്തില്‍ ജപ്പാന്‌ അനുകൂലമായ നിലപാടാണ്‌ അമേരിക്ക കൈക്കൊള്ളുന്നത്‌.

തങ്ങളുടെ സുഹൃദ് രാഷ്ട്രമായ ജപ്പാന്റെ അവകാശങ്ങള്‍ സംരക്ഷിക്കുന്നതിന് അമേരിക്ക മുന്നിട്ടിറങ്ങുമെന്ന് യുഎസ് വിദേശകാര്യ സെക്രട്ടറി ജോണ്‍ കെറി ഞായറാഴ്ച്ച മുന്നറിയിപ്പു നല്‍കിയതിന് തൊട്ടുപിന്നാലെയാണ് പ്രകോപനമുണ്ടാക്കും വിധം അമേരിക്കന്‍ യുദ്ധവിമാനങ്ങള്‍ ചൈനീസ് വ്യോമാതിര്‍ത്തി ലംഘിച്ച് പറന്നത്. അതേസമയം, സൈനിക അഭ്യാസത്തിന്റെ ഭാഗമായാണ് തങ്ങളുടെ യുദ്ധ വിമാനങ്ങള്‍ നീരീക്ഷണ പറക്കല്‍ നടത്തിയതെന്ന് യു.എസ് പ്രതിരോധ മന്ത്രാലയ വക്താവ് പറഞ്ഞു.