സച്ചിന് ടെണ്ടുല്ക്കറെ പുകഴ്ത്തുന്നത് നിര്ത്തണമെന്ന് പാക് മാധ്യമങ്ങള്ക്ക് താലിബാന്റെ ഭീഷണി
ഇന്ത്യന് ക്രിക്കറ്റിലെ ഇതിഹാസ താരം സച്ചിന് ടെണ്ടുല്ക്കറെ പുകഴ്ത്തുന്നത് നിര്ത്തണമെന്ന് പാക് മാധ്യമങ്ങള്ക്ക് താലിബാന്റെ ഭീഷണി. വീഡിയോയിലൂടെയാണ് താലിബാന് മാധ്യമങ്ങളെ ഭീഷണിപ്പെടുത്തുന്നത്. സച്ചിനെ വാഴ്ത്തുന്നത് അവസാനിപ്പിക്കണമെന്നാണ് വീഡിയോയിലെ സന്ദേശം.
സച്ചിന് ഇന്ത്യക്കാരനാണെന്നകാര്യം മറക്കരുത്. ഭാവിയില് ഇത്തരം വീഴ്ചകള് ആവര്ത്തിക്കരുതെന്നും സന്ദേശത്തില് വ്യക്തമാക്കിയിട്ടുണ്ട്. പാക് ക്രിക്കറ്റ് ടീമിനെയും ക്യാപ്റ്റന് മിസ്ബഉല്ഹക്കിനെയും വിമര്ശിച്ച പാക് മാധ്യമങ്ങളുടെ നടപടിയെയും വീഡിയോയില് വിമര്ശിച്ചിട്ടുമുണ്ട്.
‘കഴിഞ്ഞ മൂന്നാഴ്ച്ചയോളമായി ഞങ്ങള് പാക്കിസ്ഥാനി പത്രങ്ങളും ചാനലുകളും വീക്ഷിക്കുകയാണ്. ഒരു ഇന്ത്യന് ക്രിക്കറ്റ് കളിക്കാരനെ ഇങ്ങനെ പ്രശംസിച്ചു കാണുന്നത് വളരെ ദൗര്ഭാഗ്യകരമാണ്. ഇതേ മാധ്യമങ്ങള് തന്നെയാണ് പാക് ക്രിക്കറ്റ് ടീമിനെയും ക്യാപ്റ്റന് മിസ്ബാഹുല് ഹക്കിനെയും അതിരൂക്ഷമായി വിമര്ശിക്കുന്നതെന്നത് ഞങ്ങലെ വളരെ സങ്കടപ്പെടുത്തുന്നു. പാക് മാധ്യമങ്ങളുടെ ഈ രീതി ശരിയല്ല.’ താലിബാന് കമാന്ഡര് പറയുന്നു.
സച്ചിന് ക്രിക്കറ്റില് നിന്ന് വിരമിക്കുന്നത് പാക് മാധ്യമങ്ങള് വന് പ്രാധാന്യത്തോടെയാണ് സംപ്രേഷക്ഷണം ചെയ്തിരുന്നത്. ഇതാണ് താലിബാനെ പ്രകോപിപ്പിച്ചത്.
https://www.facebook.com/Malayalivartha
