ഫിലിപ്പീന്‍സില്‍ ഹയാന്‍ ചുഴലിക്കൊടുങ്കാറ്റില്‍ മരിച്ചവരുടെ എണ്ണം 5,600 കവിഞ്ഞു. രാജ്യം കണ്ട എക്കാലത്തെയും വലിയ ദുരന്തത്തില്‍ 26,136 പേര്‍ക്ക് പരിക്കേറ്റതായി ദുരന്തനിവാരണ സേന പറഞ്ഞു.

1,759 പേരെ ഇനിയും കണ്ടെത്താനുണ്ട്. ദുരന്തത്തില്‍ 40 ലക്ഷത്തോളം പേര്‍ക്കാണ് കിടപ്പാടം നഷ്ടമായത്. ഹയാന്‍ ഏറ്റവുമധികം ദുരന്തം വിതച്ച ലെയറ്റ് പ്രവിശ്യയിലെ ടാക്ലോബാന്‍ നഗരത്തില്‍ രക്ഷാപ്രവര്‍ത്തനം തുടരുകയാണ്. അതുകൊണ്ടുതന്നെ മരണസംഖ്യ ഉയരാന്‍ ഇടയുണ്ടെന്നും അധികൃതര്‍ പറഞ്ഞു