ഐഎസിന്റെ ക്രൂരവിനോദം കുട്ടികളെ ഉപയോഗിച്ച് , കുര്‍ദിഷ് തടവുകാരെ കുട്ടികള്‍ കൊലപ്പെടുത്തുന്ന പുതിയ വീഡിയോ പുറത്തു വിട്ടു
ഇസ്ലാമിക് സ്റ്റേറ്റിന്റെ ക്രൂരതയുടെ തീവ്രത വെളിവാക്കുന്ന ഏറ്റവും പുതിയ വീഡിയോ ധൃശ്യങ്ങള്‍ പുറത്തു വിട്ടു. ബ്രിട്ടന്‍ സ്വദേശിയെന്നു സംശയിക്കുന്ന പന്ത്രണ്ടു വയസുകാരനായ ഒരു കുട്ടി ഉള്‍പ്പെടെ അഞ്ചുപേര്‍ കുര്‍ദ്ദിഷ് തടവ് പുള്ളികളെ കൊലപ്പെടുത്തുന്ന പുതിയ വീഡിയോ ദൃശ്യമാണ് ഇസ്ലാമിക് സ്റ്റേറ്റ് പുറത്തു വിട്ടത്. ഇസ്ലാമിക് സ്റ്റേറ്റ് ഭീകരര്‍ കൂടുതല്‍ മൃഗീയതയിലേക്കു കടക്കുന്നതിന്റെ തെളിവായിട്ടാണ് പുതിയ വീഡിയോ സാക്ഷ്യപ്പെടുത്തുന്നത്.
അമേരിക്ക,ഫ്രാന്‍സ്, ബ്രിട്ടന്‍, ജര്‍മനി എന്നീ രാജ്യങ്ങ്ള്‍ടെ സഹായത്തോടെ ആര്‍ക്കും കുര്‍ദുകളെ രക്ഷിക്കാന്‍ കഴിയില്ലെന്നും വീഡിയോയില്‍ പറയുന്നു. ഒന്‍പതു മിനുട്ട് ദൈര്‍ഖ്യമുള്ള വീഡിയോ സിറിയയുടെ തലസ്ഥാനമായ റഖ്ഖയില്‍ വച്ചാണ് ചിത്രീകരിച്ചിരിക്കുന്നതെന്നു കരുതുന്നു. വീഡിയോയിലെ നീല കണ്ണുള്ള പന്ത്രണ്ടു വയസുകാരനെ അബു അബ്ദുള്ള അല്‍.ബ്രിട്ടന്‍ എന്നാണ് സംബോധന ചെയ്യുന്നത്.
രൂപത്തിലും ശരീരപ്രകൃതിയിലും ബ്രിട്ടന്‍ സ്വദേശിയായണെന്നു തന്നെയാണ് ഈ കുട്ടിയെ കണ്ടാല്‍ മനസിലാകുന്നത്. കൂടാതെ മറ്റു കുട്ടികള്‍ ഈജിപ്റ്റ്, തുര്‍ക്കി, ടുനീഷ്യ ഉസ്ബസ്‌ക്കിസ്ഥാന്‍ എന്നിവിടങ്ങളില്‍ നിന്നുള്ളവരാണ്. ഇതില്‍ നിന്നും ഇസ്ലാമിക് സ്റ്റേറ്റിലെ വിവിധ രാജ്യങ്ങളില്‍ നിന്നുള്ള കുട്ടികള്‍ ഉള്‍പ്പെടുത്തി സംഘടന കൂടുതല്‍ ആക്രമണത്തിന് ഒരുങ്ങുന്നു എന്നാണ് കണക്കാക്കുന്നത്.
നേരത്തെ ജനുവരിയില്‍ അഞ്ചു വയസുകാരന്‍ ഇസ്ലാമിക് സ്റ്റേറ്റ് വീഡിയോയില്‍ കാണപ്പെട്ടത് ലോകത്തെ ഞെട്ടിച്ചിരുന്നു. അതിനു ശേഷം കുട്ടികളെ ഉള്‍പ്പെടുത്തി സംഘടന കൂടുതല്‍ ആക്രമണങ്ങള്‍ നടത്താന്‍ ഉദ്ദേശിക്കുന്നു എന്ന് വാര്‍ത്തകള്‍ വന്നിരുന്നു. ഇതിനു ശേഷമാണു ഭീകരമായ പുതിയ വീഡിയോ പുറത്തു വന്നിരിക്കുന്നത്.
https://www.facebook.com/Malayalivartha
