യുഎസിലെ ഏറ്റവും ഉയരമുള്ള അണക്കെട്ടായ ഒറോവില്ലിന്റെ പരിസരത്തു താമസിക്കുന്നവരെ അടിയന്തരമായി ഒഴിപ്പിക്കുന്നു. അണക്കെട്ടിന്റെ സ്പില്‍വേകളിലൊന്ന് തകരാറിലായതിനാല്‍ അണക്കെട്ട് തകരാന്‍ സാധ്യതയുണ്ടെന്ന മുന്നറിയിപ്പിനെത്തുടര്‍ന്നാണ് അടിയന്തരമായി ആളുകളെ ഒഴിപ്പിക്കുന്നത്. ദുര്‍ബലമായ എര്‍ത്ത് ഡാമിന്റെ പദ്ധതി പ്രദേശത്ത് 16,260 ലധികം ആളുകളാണ് താമസിക്കുന്നത്. ഇവരില്‍ ഒട്ടേറെ ഇന്ത്യന്‍ വംശജരുമുണ്ട്. അതേസമയം, അണക്കെട്ട് തകര്‍ന്നാല്‍ യുഎസ് ഉള്‍പ്പെടെ മൂന്നു രാജ്യങ്ങളിലെ 1,60,000 ആളുകളെ ബാധിക്കുമെന്നും വിവരം.

അണക്കെട്ടിന്റെ സ്പില്‍വേ തകരുമെന്നാണ് കാലിഫോര്‍ണിയയിലെ ജല അതോറിറ്റിയുടെ അറിയിപ്പ്. 230 മീറ്റര്‍ സംഭരണപരിധിയുള്ള അണക്കെട്ടില്‍ പരമാവധി സംഭരണശേഷിയോടടുത്ത് വെള്ളമുണ്ട്. സ്പില്‍വേയിലെ കോണ്‍ക്രീറ്റ് വലിയതോതില്‍ നഷ്ടപ്പെട്ടതായി കണ്ടെത്തിയതിനെത്തുടര്‍ന്ന് വെള്ളം ചെറിയ അളവില്‍ തുറന്നുവിടാനുള്ള നീക്കവും സുരക്ഷാ ഉദ്യോഗസ്ഥര്‍ ആരംഭിച്ചു.

770 അടി ഉയരമുള്ള ഈ അണക്കെട്ട് 1962 ലാണ് നിര്‍മാണം ആരംഭിച്ചത്, അത് പൂര്‍ത്തിയായത് 1968ലുമാകനത്ത മഴയും മഞ്ഞുവീഴ്ചയും അണക്കെട്ടിലെ ജലത്തിന്റെ അളവു വര്‍ധിക്കാന്‍ കാരണമാകുന്നുണ്ട്. ഇത് അണക്കെട്ട് ശക്തിപ്പെടുത്താനും ജലത്തിന്റെ അളവ് ക്രമാതീതമായി കുറയ്ക്കാനുമുള്ള ശ്രമങ്ങളെ വിപരീതമായി ബാധിച്ചു. സുരക്ഷാ ഉദ്യോഗസ്ഥരും രക്ഷാപ്രവര്‍ത്തകരും സ്ഥലത്തു ക്യാമ്പ് ചെയ്യുന്നുണ്ട്.