ഹോക്കിംഗിന്റെ സമ്പാദ്യം കേട്ടാല് ഞെട്ടും, വീല് ചെയറില് ജീവിതം നയിച്ച് ഹോക്കിംഗിന് ഇത്രയും സ്വത്തുക്കളുണ്ടോ, സ്വത്ത് വിവരം കേട്ട് പലരുമൊന്ന് അതിശയിച്ചു
വിടപറഞ്ഞ വിഖ്യാത ശാസ്ത്രജ്ഞന് സ്റ്റീഫന് ഹോക്കിങിന്റെ സ്വത്ത് വിവരങ്ങള് അറിയാന് പലര്ക്കും താല്പര്യം കാണും. വീല് ചെയറില് ജീവിതം നയിച്ച് ഹോക്കിംഗിന് വലിയ സ്വത്തുക്കളൊന്നും കാണില്ലെന്നാണ് പലരും ധരിച്ചത്.എന്നാല് സത്യവസ്ഥ അങ്ങനെയല്ല. യഥാര്ത്ഥ സ്വത്തിന്റെ വിവരങ്ങള് അറിഞ്ഞാല് നിങ്ങളൊന്നു ഞെട്ടും.
അധ്യാപനവും ഗവേഷണവും പുസ്തകമെഴുത്തും പ്രഭാഷണവും സിനിമടെലിവിഷന് പദ്ധതികളുമാണു ഹോക്കിങ്ങിന്റെ വരുമാനമാര്ഗങ്ങള്. സ്റ്റീഫന് ഹോക്കിങ്ങിനു ഭൗതിക സമ്പാദ്യം രണ്ടു കോടി ഡോളര് (ഏകദേശം 130 കോടി രൂപ) സ്വത്തുക്കള് ഉണ്ടെന്നാണ് റിപ്പോര്ട്ടുകള്.
ഹോക്കിങ്ങിന് ഒന്പതു കോടി ഡോളറിന്റെ സമ്പത്തുണ്ടെന്നാണ് അതിപ്രശസ്തരായ സമ്പന്നരെക്കുറിച്ചുള്ള വെബ്സൈറ്റുകള് ഊഹിച്ചെടുത്തത്. രണ്ടാം ഭാര്യ എലേന് മേസനുമായി വിവാഹബന്ധം വേര്പെടുത്തിയപ്പോള് ഹോക്കിങ് വന്തുക നഷ്ടപരിഹാരം കൊടുത്തിരുന്നു.
ആദ്യ ഭാര്യ ജെയ്ന് വൈല്ഡില് മൂന്നു മക്കളുള്ള ഹോക്കിങ്, തന്റെ സ്വത്തിന്റെ നല്ലൊരു ഭാഗം ഗവേഷണ, ജീവകാരുണ്യ സംഘടനകള്ക്കായി നീക്കിവച്ചിട്ടുണ്ടാകുമെന്നും കരുതുന്നു. മരുന്നുകള്, ചക്രക്കസേര പോലെയുള്ള സഹായ ഉപകരണങ്ങള്, പരിചരണത്തിനായി വീട്ടിലും ഓഫിസിലുമുള്ള സഹായികള് ഇതിനെല്ലാംകൂടി വന്തുകയാണു ഹോക്കിങ് മുടക്കിയിരുന്നത്.
ലോകമെമ്പാടുമായി ഒരു കോടിയിലേറെ കോപ്പികള് വിറ്റഴിഞ്ഞിട്ടുള്ള 'എ ബ്രീഫ് ഹിസ്റ്ററി ഓഫ് ടൈം' എന്ന പുസ്തകം ഹോക്കിങ്ങിന് വലിയ വരുമാനം നേടിക്കൊടുത്തു. കേംബ്രിജ് സര്വകലാശാല തിയററ്റിക്കല് കോസ്മോളജി സെന്റര് ഡയറക്ടറായി 30 ലക്ഷം ഡോളര് പ്രതിഫലം.
2012ല് ലഭിച്ച ഫണ്ടമെന്റല് ഫിസിക്സ് െ്രെപസിന്റെ തുകയും 30 ലക്ഷം ഡോളര്. റഷ്യന് ശതകോടീശ്വരന് യൂറി മില്നറുടെ ഫൗണ്ടേഷന് ഏര്പ്പെടുത്തിയ പുരസ്കാരമായിരുന്നു ഇത്. മകള് ലൂസിയുടെ ഓട്ടിസം ബാധിച്ച മകനു വേണ്ടിയും പുതിയ വീടു വാങ്ങാനും തുക ഉപയോഗിക്കുമെന്ന് ഹോക്കിങ് പറഞ്ഞിരുന്നു.
ആദ്യ ഭാര്യ ജെയ്ന് വൈല്ഡിന്റെ ഓര്മക്കുറിപ്പുകള് ആസ്പദമാക്കിയെടുത്ത ദ് തിയറി ഓഫ് എവരിതിങ് എന്ന സിനിമയുമായി സഹകരിച്ചതിനും വന്തുക പ്രതിഫലം ലഭിച്ചു.
https://www.facebook.com/Malayalivartha
