പിഞ്ചുകുഞ്ഞിനെ മടിയിലിരുത്തി പരീക്ഷയെഴുതിയ യുവതിയുടെ ചിത്രങ്ങള് സോഷ്യല്മീഡിയയില് വൈറലാകുന്നു...
പിഞ്ചു കുഞ്ഞിനെ പരിചരിച്ചുകൊണ്ട് പരീക്ഷയില് പങ്കെടുക്കുന്ന യുവതിയുടെ ചിത്രങ്ങള് സോഷ്യല്മീഡിയായില് വ്യാപകമായി പ്രചരിക്കുന്നു. അഫ്ഗാന് സ്വദേശിനിയായ ഇരുപത്തിയഞ്ചുകാരി ജഹാന് താബ് ആണ് ദായ്കുന്തി പ്രവശ്യയിലുള്ള ഒരു യൂണിവേഴ്സിറ്റിയില് പ്രവേശനം നേടുന്നതിനായുള്ള എന്ട്രസ് പരീക്ഷ രണ്ടു മാസം മാത്രം പ്രായമായ തന്റെ കുഞ്ഞിനെ പരിചരിച്ചുകൊണ്ട് നിലത്തിരുന്ന് എഴുതിയത്.
കസേരയില് ഇരിക്കുകയായിരുന്ന യുവതി കുട്ടി കരയുന്നത് കേട്ട് അവിടെ നിന്നും എണീറ്റതിനു ശേഷം നിലത്തിരുന്ന് കുട്ടിയെ പരിചരിച്ചുകൊണ്ട് പരീക്ഷ എഴുതുകയായിരുന്നുവെന്ന് ഇവിടെയുണ്ടായിരുന്ന എക്സാമിനര് യാഹ്യ ഇര്ഫാന് അറിയിച്ചു. അദ്ദേഹം തന്നെയാണ് ഇവര് പരീക്ഷ എഴുതുന്നതിന്റെ ചിത്രങ്ങള് പകര്ത്തിയതും.
പിന്നീട് അദ്ദേഹം ഫേസ്ബുക്കില് പങ്കുവെച്ച ചിത്രങ്ങള് വൈറലാകുകയായിരുന്നു. എല്ലാവര്ക്കും വളരെയധികം മാതൃകയും പ്രചോദനവും നല്കുന്ന ചിത്രമാണിതെന്നാണ് ഏവരും അഭിപ്രായപ്പെടുന്നത്.
https://www.facebook.com/Malayalivartha