ദു:ഖവെള്ളിയാഴ്ച ദിനത്തില്‍ ബാര്‍ തുറക്കാന്‍ സര്‍ക്കാര്‍ അനുമതി നല്‍കി! ലോകത്തെ പ്രമുഖ കത്തോലിക്ക രാജ്യങ്ങളിലൊന്നായ ഐര്‍ലണ്ടാണ് ദു:ഖവെള്ളി ദിനത്തില്‍ രാജ്യത്ത് മദ്യ വ്യാപാരം നടത്താന്‍ നിയമപരമായ അനുമതി നല്‍കി ചരിത്രത്തിലിടം നേടിയത്. 91 വര്‍ഷമായി അയര്‍ലണ്ടില്‍ മദ്യനിരോധനം നിലനിന്നിരുന്നു. നിയമ നിര്‍മ്മാണത്തിലൂടെയാണ് സര്‍ക്കാര്‍ അതിനെ മറികടന്നത്. കത്തോലിക്ക പാരമ്പര്യത്തിന്റെ ഭാഗമായാണ് ദു:ഖവെള്ളി ദിനത്തില്‍ മദ്യവില്‍പന നിരോധിച്ചിരുന്നത്. ഐര്‍ലണ്ടിലെ ജനസംഖ്യയുടെ 78.3 ശതമാനം പേര്‍ കത്തോലിക്ക വിശ്വാസികളാണ്. രാവിലെ 10.30 മുതല്‍ അര്‍ദ്ധരാത്രി 12.30 വരെ മദ്യവില്പനക്കുള്ള അനുമതിയാണ് നല്കിയത്. ടൂറിസ്റ്റുകളെ ഉദ്ദേശിച്ചാണ് ഇത്തരമൊരു നിയമ നി ര്‍മ്മാണം നടത്തിയതെന്ന് സര്‍ക്കാര്‍ വൃത്തങ്ങള്‍ അറിയിച്ചു. അതിലുപരി ഐര്‍ലണ്ടിന്റെ
സാമ്പത്തിക ഉത്തേജനം പകരുന്നതിനാണ് ചരിത്രപരമായ നിയമനിര്‍മ്മാണം നടത്തിയത്.

പുതിയ നിയമം നിലവില്‍ വന്നതിന്റെ ഫലമായി 40 മില്യണ്‍ പൗണ്ടിന്റെ കച്ചവടമാണ് ദുഃഖ വെള്ളി ദിനത്തില്‍ നടന്നത്. ഏഴ് മില്യന്‍ പൗണ്ടിന്റെ വാറ്റ് നികുതിയാണ് ഖജനാവിലേക്കെത്തിയത്. ദു:ഖവെള്ളി ദിനത്തില്‍ ചാരായക്കടകള്‍ തുറന്നതിന്റെ പേരില്‍ അവിടുത്തെ കത്തോലിക്കരുടെ അലമ്പും ധര്‍ണ , പ്രാര്‍ത്ഥനാ യജ്ഞം സര്‍ക്കാരിനെതിരെ ഭീഷണിയും ഒന്നുമുണ്ടായില്ല. രാജ്യത്തെ 4000 പബ്ബുകളില്‍ ബഹുഭൂരിപക്ഷവും ദു:ഖവെള്ളിയാഴ്ച തുറന്ന് പ്രവര്‍ത്തിച്ചുവെന്നാണ് പബ് ഓണേഴ്‌സ് ഫെഡറേഷന്റെ പ്രസ്താവനയില്‍ പറയുന്നത്.

ദു:ഖ വെളളി ദിനത്തില്‍ ഐര്‍ലണ്ടില്‍ മദ്യവില്പന ശാലകള്‍ തുറന്ന് പ്രവര്‍ത്തിക്കാന്‍ സര്‍ക്കാര്‍ അനുമതി നല്‍കിയ വിഷയത്തെ കുറിച്ച് ഫ്രാന്‍സിസ് മാര്‍പ്പാപ്പ പ്രതികരിച്ചിട്ടില്ല. ആഗോളതലത്തില്‍ മദ്യ ഉപഭോഗത്തെക്കുറിച്ച് കത്തോലിക്കാ സഭയ്ക്കും മറ്റ് സഭകള്‍ക്കും കൃത്യമായ നിലപാടില്ല. ലോകത്തി ലെ ആദ്യത്തെ തീവ്രവാദ സംഘടനകളിലൊന്നായ ഹമാസിന്റ നിയന്ത്രണത്തിലാണ് യേശു ക്രിസ്തു ജനിച്ച ബേത് ലഹേം. ഹമാസ് ഭരിക്കുന്ന പാലസ്തീനിലിലെ ടൂറിസം വളര്‍ച്ച യുടെ ഭാഗമായി ബേത് ല ഹേം സ്ഥിതി ചെ യ്യുന്ന വേരാബാബോണ്‍ മുനിസിപ്പാലിറ്റിയിലെ ഹോട്ടലുകളില്‍ ബാറുകള്‍ അനുവദിച്ചിട്ടുണ്ട്. ക്രിസ്തു വിന്റെ ജന്മസ്ഥലമായ ബേത് ലഹേം ലോകത്തെ അറിയപ്പെടുന്ന ടൂറിസ്റ്റ് കേന്ദ്രമാണ്. പ്രതിദിനം 30000 മുതല്‍ 40000 പേരാണിവിടെ സന്ദര്‍ശിക്കുന്നത്. ഇവരെ ഉദ്ദേശിച്ചാണ് പാലസ്തീന്‍ സര്‍ക്കാര്‍ ഹോട്ടലുകളില്‍ മദ്യക്കച്ചവടം അനുവദിച്ചിരിക്കുന്നത്.